完整藏文原文 · 德格版页 当前仅加载第 32 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
བླངས་ནས་གནས་ཏེ། དེ་བདག་གིས་ཀྱང་སྲོག་གཅོད་པ་སྤངས་ཤིང་། གཞན་དག་ཀྱང་སྲོག་གཅོད་པ་སྤོང་བ་སྒྲུབ་པ་ཡང་དག་པར་འཛིན་དུ་འཇུག་པ་ཡིན། སྲོག་གཅོད་པ་སྤོང་བ་སྒྲུབ་པའི་བསྔགས་པ་ཡང་རྗོད་པ་ཡིན། གཞན་གང་དག་སྲོག་གཅོད་པ་སྤངས་པ་དེ་དག་གི་
D11.032.0261b01.01བསྔགས་པ་ཡང་རྗོད་ཅིང་རྗེས་སུ་དགའ་བར་བྱེད་དོ། །དེ་བཞིན་དུ་སྦྱར་ཏེ། བདག་གིས་ཀྱང་ལོག་པར་ལྟ་བའི་བར་དུ་སྤངས་ཤིང་། གཞན་དག་ཀྱང་ལོག་པར་ལྟ་བ་སྤོང་བ་སྒྲུབ་པ་ཡང་དག་པར་འཛིན་དུ་འཇུག་པ་ཡིན། ལོག་པར་ལྟ་བ་སྤོང་བ་སྒྲུབ་པའི་བསྔགས་པ་ཡང་
D11.032.0261b02.01རྗོད་པ་ཡིན། གཞན་གང་དག་ལོག་པར་ལྟ་བ་སྤངས་པ་དེ་དག་གི་བསྔགས་པ་ཡང་རྗོད་ཅིང་རྗེས་སུ་དགའ་བར་བྱེད་པ་ཡིན་ཏེ། རབ་འབྱོར་རྣམ་པ་དང་རྟགས་དང་། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་
D11.032.0261b03.01འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་རྨི་ལམ་ན་ཡང་མི་དགེ་བ་བཅུའི་ལས་ཀྱི་ལམ་ཀུན་ཏུ་མི་སྤྱོད་ན་སད་པ་ན་ལྟ་ཅི་སྨོས་ཏེ། རབ་འབྱོར་རྣམ་པ་དང་རྟགས་དང་། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་
D11.032.0261b04.01དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་རྟག་ཏུ་སྦྱིན་པའི་ཕ་རོལ་ཏུ་ཕྱིན་པ་ལ་གནས་པ་ཡིན། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་
D11.032.0261b05.01འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། རྟག་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པ་ཡིན་ཏེ། སྦྱིན་པ་དེ་ཡང་སེམས་ཅན་ཐམས་ཅད་ཀྱི་ཆེད་དུ་སྒོམ་ལ། དེ་ཡང་མི་དམིགས་པའི་ཚུལ་གྱིས་སྒོམ་སྟེ། རབ་འབྱོར་རྣམ་པ་དང་རྟགས་དང་།
D11.032.0261b06.01མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཆོས་ཀྱི་རྣམ་གྲངས་ཀྱི་ཆོས་ཀྱི་སྦྱིན་པ་སྦྱིན་པ་ན། འདི་སྙམ་དུ་ཆོས་ཀྱི་སྦྱིན་པ་འདིས་སེམས་
D11.032.0261b07.01