完整藏文原文 · 德格版页 当前仅加载第 32 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུད་པར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་བསླབ་པར་བྱའོ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ནི་ནམ་ཡང་སེར་སྣའི་སེམས་མི་སྐྱེད་དོ། །ནམ་
D11.032.0194a01.01ཡང་འཆལ་པའི་ཚུལ་ཁྲིམས་ཀྱི་སེམས་དང་། ལེ་ལོའི་སེམས་དང་། རྣམ་པར་གཡེང་བའི་སེམས་དང་། འཆལ་པའི་ཤེས་རབ་ཀྱི་སེམས་མི་སྐྱེད་དོ། །ནམ་ཡང་འདོད་པ་འདོད་ཆགས་ཀྱི་སེམས་དང་། ཞེ་སྡང་གི་སེམས་དང་། གཏི་མུག་དང་ལྡན་པའི་
D11.032.0194a02.01སེམས་མི་སྐྱེད་དོ། །ནམ་ཡང་འཁྲུལ་པའི་སེམས་དང་། བག་མེད་པའི་སེམས་མི་སྐྱེད་དོ། །ནམ་ཡང་གཟུགས་དང་ལྡན་པའི་སེམས་མི་སྐྱེད་དོ། །ནམ་ཡང་ཚོར་བ་དང་ལྡན་པ་དང་། འདུ་ཤེས་དང་ལྡན་པ་དང་། འདུ་བྱེད་རྣམས་དང་ལྡན་པ་དང་།
D11.032.0194a03.01རྣམ་པར་ཤེས་པ་དང་ལྡན་པའི་སེམས་མི་སྐྱེད་དོ། །དེ་བཞིན་དུ་སྦྱར་ཏེ། ནམ་ཡང་སྦྱིན་པའི་ཕ་རོལ་ཏུ་ཕྱིན་པའི་བར་དང་ལྡན་པའི་སེམས་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དང་ལྡན་པ་དང་། དྲན་པ་ཉེ་བར་གཞག་པ་དང་ལྡན་པའི་སེམས་མི་སྐྱེད་དོ། །ནམ་ཡང་
D11.032.0194a04.01སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་དང་ལྡན་པ་དང་། བྱང་ཆུབ་དང་ལྡན་པའི་སེམས་མི་སྐྱེད་དོ། །དེ་ཅིའི་ཕྱིར་ཞེ་ན། རབ་འབྱོར་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ན། ཆོས་གང་ཡང་ཡང་
D11.032.0194a05.01དག་པར་རྗེས་སུ་མི་མཐོང་ཞིང་མི་དམིགས་པའི་ཕྱིར་ཏེ། མི་དམིགས་པས་ཆོས་གང་ལ་ཡང་སེམས་སྐྱེད་པར་མི་བྱེད་དོ། །རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པས། ཕ་རོལ་ཏུ་ཕྱིན་པ་ཐམས་
D11.032.0194a06.01ཅད་ཡང་དག་པར་བཟུང་བ་ཡིན། ཕ་རོལ་ཏུ་ཕྱིན་པ་ཐམས་ཅད་གསལ་བར་བྱས་པ་ཡིན། ཕ་རོལ་ཏུ་ཕྱིན་པ་ཐམས་ཅད་ཀྱང་དེ་དང་ལྡན་པ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར་འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིར་ཕ་རོལ་ཏུ་ཕྱིན་པ་ཐམས་ཅད་འདུས་
D11.032.0194a07.01