完整藏文原文 · 德格版页 当前仅加载第 32 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
འགོད་པར་བྱེད་དོ། །དེ་ལས་ཀྱང་བཟློག་ནས། ཐེག་པ་གསུམ་པོ་དག་ལ་རབ་ཏུ་འགོད་པར་བྱེད་དོ། །དེ་ནས་སེམས་ཅན་ཁ་ཅིག་སྦྱིན་པ་དང་། སྦྱིན་པའི་འབྲས་བུ་དེ་ལས་བཟློག་ནས། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་འཛུད་པར་བྱེད། རབ་ཏུ་
D11.032.0230b01.01འགོད་པར་བྱེད་དོ། །སེམས་ཅན་ཁ་ཅིག་ནི་ཚུལ་ཁྲིམས་ཀྱི་ཕུང་པོ་དེ་ལས་བཟློག་ནས། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་འཛུད་པར་བྱེད། རབ་ཏུ་འགོད་པར་བྱེད་དོ། །སེམས་ཅན་ཁ་ཅིག་ནི་བསམ་གཏན་དང་། བསམ་གཏན་གྱི་འབྲས་བུ་དེ་དག་
D11.032.0230b02.01ལས་རྣམ་གྲངས་དུ་མས་བཟློག་ཅིང་། འདུན་པ་བཟློག་ནས་མྱ་ངན་ལས་འདས་པའི་དབྱིངས་སུ་འཛུད་པར་བྱེད། རབ་ཏུ་འགོད་པར་བྱེད་དོ། །སེམས་ཅན་ཁ་ཅིག་ནི་ཏིང་ངེ་འཛིན་དང་། སྙོམས་པར་འཇུག་པ་དང་། ཏིང་ངེ་འཛིན་དང་། སྙོམས་པར་འཇུག་པའི་འབྲས་བུ་
D11.032.0230b03.01དེ་དག་ལས་རྣམ་གྲངས་དུ་མས་བཟློག་ཅིང་། འདུན་པ་བཟློག་ནས་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་འཛུད་པར་བྱེད། རབ་ཏུ་འགོད་པར་བྱེད་དོ། །སེམས་ཅན་ཁ་ཅིག་ནི་དྲན་པ་ཉེ་བར་གཞག་པ་བཞི་དང་། ཡང་དག་པར་སྤོང་བ་བཞི་དང་། རྫུ་
D11.032.0230b04.01འཕྲུལ་གྱི་རྐང་པ་བཞི་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ་དང་། རྣམ་པར་ཐར་པའི་སྒོ་གསུམ་དང་། རྣམ་པར་ཐར་པ་བརྒྱད་དང་། མཐར་གྱིས་གནས་པའི་སྙོམས་པར་འཇུག་པ་
D11.032.0230b05.01དགུ་པོ་དག་ལ་འཛུད་པར་བྱེད། རབ་ཏུ་འགོད་པར་བྱེད་དོ། །སེམས་ཅན་ཁ་ཅིག་ནི་དེ་བཞིན་གཤེགས་པའི་སྟོབས་བཅུ་དང་། མི་འཇིགས་པ་བཞི་དང་། སོ་སོ་ཡང་དག་པར་རིག་པ་བཞི་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་ཀྱི་ཆོས་
D11.032.0230b06.01མ་འདྲེས་པ་{བཅྭ་,བཅོ་}བརྒྱད་ལ་འཛུད་པར་བྱེད། རབ་ཏུ་འགོད་པར་བྱེད་དོ། །དེ་ཟག་པ་མེད་པའི་ཆོས་བསྟན་དུ་མེད་པ། ཐོགས་པ་མེད་པ་དེ་དག་དང་ལྡན་པས། སེམས་ཅན་ཁ་ཅིག་ནི་རྒྱུན་དུ་ཞུགས་པའི་འབྲས་བུ་ལ་རབ་ཏུ་འགོད་པར་བྱེད་དོ། །སེམས་ཅན་ཁ་ཅིག་ནི་
D11.032.0230b07.01