完整藏文原文 · 德格版页 当前仅加载第 32 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་པར་འདུས་བྱས་པ་མ་ཡིན་ནོ། །ལྷའི་བུ་དག་མཚན་ཉིད་དེ་དག་ནི་མི་རྣམས་སམ། མི་མ་ཡིན་པ་རྣམས་སམ། ཟག་པ་དང་བཅས་པ་རྣམས་སམ། ཟག་པ་མེད་པ་རྣམས་སམ། འཇིག་རྟེན་པ་རྣམས་སམ། འཇིག་རྟེན་ལས་འདས་
D11.032.0125a01.01པ་རྣམས་སམ། འདུས་བྱས་རྣམས་སམ། འདུས་མ་བྱས་རྣམས་ཀྱང་མ་ཡིན་ནོ། །ཡང་ལྷ་དག་གང་ལ་ལ་ཞིག་འདི་སྐད་དུ་ནམ་མཁའི་མཚན་ཉིད་ཇི་ལྟ་བུ་ཡིན་ཞེས་ཟེར་ན། ཅི་ཁྱེད་དེ་ལ་ཡང་དག་པར་སྨྲ་བས་ཡང་དག་པར་སྨྲ་སྙམ་འམ། གསོལ་པ།
D11.032.0125a02.01བཅོམ་ལྡན་འདས་ནམ་མཁའི་མཚན་ཉིད་ལགས་སོ་ཞེས་ཡང་དག་པར་མི་སྨྲ་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས་ནམ་མཁའ་ནི་འདུས་མ་བགྱིས་ལགས་པའི་སླད་དུ་མཚན་ཉིད་གང་དང་ཡང་ལྡན་པ་ཡང་མ་ལགས། མི་ལྡན་པ་ཡང་མ་ལགས་
D11.032.0125a03.01ཏེ། མ་མཆིས་ཤིང་དམིགས་སུ་མ་མཆིས་པའི་སླད་དུའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷ་དེ་དག་ལ་འདི་སྐད་ཅེས་བཀའ་སྩལ་ཏོ། །ལྷ་དག་དེ་བཞིན་གཤེགས་པ་རྣམས་བྱུང་ཡང་
D11.032.0125a04.01རུང་། དེ་བཞིན་གཤེགས་པ་རྣམས་མ་བྱུང་ཡང་རུང་སྟེ། ཆོས་ཀྱི་མཚན་ཉིད་ཀྱི་དབྱིངས་ནི་གནས་པ་ཉིད་ཡིན་ཏེ། དེ་ཡང་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་དུ་མངོན་པར་རྫོགས་པར་སངས་རྒྱས་པས་དེའི་ཕྱིར་དེ་བཞིན་གཤེགས་པ་ཞེས་བྱའོ། །དེ་
D11.032.0125a05.01སྐད་ཅེས་བཀའ་སྩལ་པ་དང་། ལྷ་དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་མཚན་ཉིད་གང་དག་མངོན་པར་རྫོགས་པར་སངས་རྒྱས་པས། ཆོས་རྣམས་ལ་དེ་བཞིན་གཤེགས་པའི་ཡེ་ཤེས་ཆགས་པ་མ་མཆིས་པ་
D11.032.0125a06.01གཟིགས་པ་འཇུག་པ་དང་། དེ་བཞིན་གཤེགས་པས་མཚན་ཉིད་གང་ལ་གནས་ནས། ཆགས་པ་ཐམས་ཅད་ལས་འདས་པའི་མཚན་ཉིད་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་མངོན་པར་རྫོགས་པར་སངས་རྒྱས་ཤིང་། དེ་བཞིན་གཤེགས་པས་མངོན་པར་རྫོགས་
D11.032.0125a07.01