完整藏文原文 · 德格版页 当前仅加载第 32 函德格 218b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་དོ། །དེ་ཚུལ་ཁྲིམས་དེས་ཀྱང་འདི་ལྟ་སྟེ། འདོད་པ་ན་སྤྱོད་པའམ། གཟུགས་དང་། གཟུགས་མེད་པ་ན་སྤྱོད་པའམ། ཉན་ཐོས་ཀྱི་ཆོས་སམ། རང་སངས་རྒྱས་ཀྱི་ཆོས་གང་ལ་ཡང་དོན་དུ་གཉེར་བ་མེད་ཀྱི། གཞན་དུ་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དེ་ཁོ་ན་
D11.032.0218b01.01དོན་དུ་གཉེར་ཞིང་གནས་ཏེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་
D11.032.0218b02.01ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་བཟོད་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། རྗེས་སུ་འཐུན་
D11.032.0218b03.01པའི་བཟོད་པ་སྐྱེས་ཏེ། བཟོད་པ་དེ་ཐོབ་ན་དེ་འདི་སྙམ་དུ་སེམས་ཏེ། ཀྱེ་འདི་ལ་སྐྱེ་བའམ། འགག་པའམ། སྐྱེ་བའམ། རྒ་བའམ། འཆི་བའམ། སྤྱོ་བའམ། བརྒྱད་བཀག་པའམ། བཅད་པའམ། དབུག་པའམ། གནོད་པའམ། གསད་པའམ། བཅིང་བར་བྱ་བ་
D11.032.0218b04.01གང་ཡང་མེད་དོ་སྙམ་མོ། །དེ་ལྟ་བུའི་བཟོད་པ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་གན་དུ་གལ་ཏེ་སེམས་ཅན་ཐམས་ཅད་ལྷགས་ནས། སྤྱོས་སམ། བརྒྱད་བཀག་པའམ། བོང་བའམ། དབྱིག་པའམ། མཚོན་གྱིས་བསྣུན་ཏམ། ཡན་ལག་དང་ཉིང་ལག་ཐམས་
D11.032.0218b05.01ཅད་བཅད་ན་ཡང་དེའི་སེམས་གཞན་དུ་མི་འགྱུར་གྱི། དེ་འདི་སྙམ་དུ་སེམས་ཏེ། འདི་ནི་ཆོས་རྣམས་ཀྱི་ཆོས་ཉིད་ཡིན་ཏེ། ཀྱེ་འདི་ལ་ཆོས་གང་ཡང་ཆོས་གང་ལ་ཡང་སྤྱོ་བའམ། བརྒྱད་བཀག་པའམ། བཅད་པའམ། དབུག་པའམ། གནོད་པའམ། གསོད་པའམ། བཅིང་
D11.032.0218b06.01བར་བྱ་བ་མེད་དོ་སྙམ་སྟེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། བཟོད་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་
D11.032.0218b07.01