完整藏文原文 · 德格版页 当前仅加载第 32 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ཐོས་ནས། ཐོས་མ་ཐག་ཏུ་མོས་པར་འགྱུར་ཞིང་། གོང་དུ་ཡང་ཡི་གེར་འདྲི་བ་དང་། འཛིན་པ་དང་། འཆང་བ་དང་། ཀུན་ཆུབ་པར་བྱེད་པ་དང་། རྟག་ཏུ་ཚུལ་བཞིན་དུ་ཡིད་ལ་བྱེད་པའི་བར་དུ་བྱེད་པ་དང་། གང་ལས་ཤེས་རབ་ཀྱི་ཕ་རོལ་
D11.032.0135a01.01ཏུ་ཕྱིན་པ་ཟབ་མོ་འདི་ཐོས་པའི་ཕྱི་བཞིན་དུ་རྟག་ཏུ་རྗེས་སུ་འབྲང་བར་འགྱུར་ཏེ། རབ་འབྱོར་དཔེར་ན་བ་དྲུས་མ་བེའུ་སར་པའི་རྗེས་སུ་འབྲང་བར་བྱེད་པ་དེ་བཞིན་དུ། བྱང་ཆུབ་སེམས་དཔའི་ཐེག་པ་པ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ནས། ཐོས་མ་
D11.032.0135a02.01ཐག་ཏུ་མོས་པར་འགྱུར་ཞིང་། གོང་དུ་ཡང་ཡི་གེར་འདྲི་བ་དང་། འཛིན་པ་དང་། འཆང་བ་དང་། ཀུན་ཆུབ་པར་བྱེད་པ་དང་། རྟག་ཏུ་ཚུལ་བཞིན་དུ་ཡིད་ལ་བྱེད་པའི་བར་དུ་བྱེད་པའི་བྱང་ཆུབ་སེམས་དཔའི་ཐེག་པ་པའི་གང་ཟག་དེ་ནི་མི་རྣམས་ཀྱི་ནང་ཁོ་ན་ནས་ཤི་
D11.032.0135a03.01འཕོས་ནས་མི་རྣམས་ཀྱི་ནང་དུ་སྐྱེས་པ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར་འདི་ལྟར་བྱང་ཆུབ་སེམས་དཔའི་ཐེག་པ་པའི་གང་ཟག་དེས་སྔོན་གྱི་ཚེ་རབས་དག་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ནས། བཟུང་ཞིང་བཅངས་ལ། ཀུན་ཆུབ་པར་བྱས་པ་ནས།
D11.032.0135a04.01ཚུལ་བཞིན་དུ་ཡིད་ལ་བྱེད་པའི་བར་དུ་བྱས་པ་ཡིན་ཞིང་། གོང་དུ་ཡང་ཡི་གེར་བྲིས་ཏེ། གླེགས་བམ་དུ་ཆུད་པར་བྱས་ནས། མེ་ཏོག་དང་། ཕྲེང་བ་དང་། བྱུག་པ་དང་། ཕྱེ་མ་དང་། མར་མེ་དང་། བདུག་པ་དང་། གོས་དང་། གདུགས་དང་། རྒྱལ་མཚན་དང་།
D11.032.0135a05.01བ་དན་དག་གིས་བཀུར་སྟིར་བྱས་ཤིང་། དེ་བཞིན་དུ་བཙུན་པར་བྱས། རི་མོར་བྱས་ཏེ། དེ་དགེ་བའི་རྩ་བ་དེས་མི་ཁོམ་པ་བརྒྱད་རྣམ་པར་སྤངས་ནས། མི་རྣམས་ཀྱི་ནང་དུ་སྐྱེས་པའི་ཕྱིར་རོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་
D11.032.0135a06.01རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའི་ཐེག་པ་པའི་གང་ཟག་གང་ཡོན་ཏན་དེ་དག་ཉིད་དང་ལྡན་ལ། སངས་རྒྱས་ཀྱི་ཞིང་གཞན་དག་ཏུ་སངས་རྒྱས་བཅོམ་ལྡན་འདས་རྣམས་ལ་བསྙེན་བཀུར་བགྱིས་ནས། དེ་ནས་
D11.032.0135a07.01