完整藏文原文 · 德格版页 当前仅加载第 32 函德格 264a 版页；藏文 NFD、目录标记与异常页序保留在来源切片中，重复版页行以稳定序号区分。
རྟགས་དང་མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་བློ་བརྟན་པ་ཡིན་ནོ། །དེ་ནི་གུས་པར་བྱས་ནས་གཞན་ལས་ཆོས་ཉན་ཏེ། གང་ཅི་ཉན་ཀྱང་རུང་། དེ་ཐམས་ཅད་ཤེས་རབ་ཀྱི་ཕ་རོལ་ཏུ་ཕྱིན་པ་དང་སྦྱོར་བར་བྱེད་དོ། །འཇིག་
D11.032.0264a01.01རྟེན་པའི་ལས་གང་དག་ཡིན་པ་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྟེན་ནས། འབད་པ་མེད་པ་ཁོ་ནར་ཤེས་ལ། དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་དང་སྦྱོར་བར་བྱེད་ཅིང་། གང་ཆོས་ཀྱི་དབྱིངས་དང་མི་འབྱོར་པའི་ཆོས་དེ་གང་ཡང་ཡང་དག་པར་རྗེས་སུ་མི་མཐོང་གི་
D11.032.0264a02.01དེ་དག་ཐམས་ཅད་ཤེས་རབ་ཀྱི་ཕ་རོལ་ཏུ་ཕྱིན་པ་དང་འབྱོར་པར་ཡང་དག་པར་རྗེས་སུ་མཐོང་སྟེ། རབ་འབྱོར་རྣམ་པ་དང་རྟགས་དང་། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར་གལ་ཏེ་ཕྱིར་མི་ལྡོག་པའི་
D11.032.0264a03.01བྱང་ཆུབ་སེམས་དཔའ་སེམས་དཔའ་ཆེན་པོ་དེའི་མདུན་དུ་བདུད་སྡིག་ཅན་གྱིས་སེམས་ཅན་དམྱལ་བ་ཆེན་པོ་བརྒྱད་པོ་དག་མངོན་པར་སྤྲུལ་ནས། སེམས་ཅན་དམྱལ་བ་རེ་རེར་ཡང་བྱང་ཆུབ་སེམས་དཔའ་སྟོང་ཕྲག་མང་པོ་དང་། བྱང་ཆུབ་སེམས་དཔའ་འབུམ་ཕྲག་མང་པོ་ཞིག་
D11.032.0264a04.01བསྟན་ཏེ། དམྱལ་བའི་མེས་བསྲེག་ཅིང་བཙོ་བ་དང་། བསྐོལ་བ་དང་། སྡུག་བསྔལ་མི་བཟད་པ་དྲག་པོ་རྩུབ་པའི་ཚོར་བ་དག་མྱོང་བར་མངོན་དུ་སྤྲུལ་ཏེ་བསྟན་ལ། བྱང་ཆུབ་སེམས་དཔའ་དེ་ལ་འདི་སྐད་ཅེས་བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་ནི་དེ་བཞིན་
D11.032.0264a05.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་ལུང་བསྟན་པ་ཤ་སྟག་སྟེ། འདི་དག་སེམས་ཅན་དམྱལ་བ་འདི་དག་ཏུ་སྐྱེས་སོ། །ཀྱེ་ཁྱོད་ཀྱང་དེ་བཞིན་གཤེགས་པས་བླ་ན་
D11.032.0264a06.01མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་ལས་ཕྱིར་མི་ལྡོག་པར་ལུང་བསྟན་པ་ནི་སེམས་ཅན་དམྱལ་བར་འགྱུར་དུ་ཟད་ན། ཀྱེ་ད་དུང་ཡང་ཁྱོད་ཀྱིས་བྱང་ཆུབ་ཀྱི་སེམས་འདི་ཐོང་ཤིག་དང་། དེ་ལྟར་ན་ཁྱོད་སེམས་ཅན་དམྱལ་བ་འདི་དག་ནས་ཐར་བར་འགྱུར་ཞིང་། ཕྱིས་འདིར་
D11.032.0264a07.01