完整藏文原文 · 德格版页 当前仅加载第 32 函德格 30b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མཚན་མ་མཆིས་ཞེས་བགྱི་བའམ། མཚན་མ་མ་མཆིས་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་སྨོན་པ་མཆིས་ཞེས་བགྱི་བའམ། སྨོན་པ་མ་མཆིས་
D11.032.0030b01.01ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སྨོན་པ་མཆིས་ཞེས་བགྱི་བའམ། སྨོན་པ་མ་མཆིས་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །
D11.032.0030b02.01གལ་ཏེ་གཟུགས་ལ་ཞི་ཞེས་བགྱི་བའམ། མ་ཞི་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཞི་ཞེས་བགྱི་བའམ། མ་ཞི་ཞེས་བགྱི་བར་སྤྱོད་ན།
D11.032.0030b03.01དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་དབེན་ཞེས་བགྱི་བའམ། མི་དབེན་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་དབེན་ཞེས་
D11.032.0030b04.01བགྱི་བའམ། མི་དབེན་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་ཀུན་ནས་ཉོན་མོངས་ཞེས་བགྱི་བའམ། རྣམ་པར་བྱང་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང་། འདུ་
D11.032.0030b05.01ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཀུན་ནས་ཉོན་མོངས་ཞེས་བགྱི་བའམ། རྣམ་པར་བྱང་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་སྐྱེ་ཞེས་བགྱི་བའམ། མི་སྐྱེ་ཞེས་བགྱི་བར་སྤྱོད་ན། དེ་ནི་མཚན་མ་ལ་
D11.032.0030b06.01སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སྐྱེ་ཞེས་བགྱི་བའམ། མི་སྐྱེ་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་འགག་ཅེས་བགྱི་བའམ། མི་འགག་
D11.032.0030b07.01