完整藏文原文 · 德格版页 当前仅加载第 32 函德格 138a 版页；藏文 NFD、目录标记与异常页序保留在来源切片中，重复版页行以稳定序号区分。
འཛིན་པ་དང་། འཆང་བ་དང་། ཀུན་ཆུབ་པར་བྱེད་པ་དང་། ཀློག་པ་དང་། ཁ་ཏོན་དུ་བྱེད་པ་དང་། ལུང་ནོད་པ་དང་། ཚུལ་བཞིན་དུ་ཡིད་ལ་བྱེད་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིར་ཇི་སྐད་བསྟན་པ་ལ་ནན་ཏན་དུ་བྱེད་ན། དེ་ལྟར་
D11.032.0138a01.01ན་བྱང་ཆུབ་སེམས་དཔའི་ཐེག་པ་པ་དེ་དག་གི་དད་པ་དེ་དང་། བཟོད་པ་དེ་དང་། དང་བ་དེ་དང་། ལྷག་པའི་བསམ་པ་དེ་དང་། འདོད་པ་དེ་དང་། མོས་པ་དེ་དང་། གཏོང་བ་དེ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བརྩོན་པ་མི་གཏོང་བ་དེ་ཤེས་རབ་
D11.032.0138a02.01ཀྱི་ཕ་རོལ་ཏུ་ཕྱིན་པས་ཡོངས་སུ་ཟིན་པ་དེ་ནི་འཕེལ་ཞིང་ཤིན་ཏུ་རྒྱས་པར་འགྱུར་ལ། དེ་དག་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང་། རྣམ་པ་ཐམས་ཅད་མཁྱེན་པ་ཉིད་ལས་ཉམས་པར་མི་འགྱུར་རོ། །དེ་དག་ནི་སེམས་ཅན་རྣམས་ཡོངས་སུ་སྨིན་པར་བྱས། སངས་རྒྱས་
D11.032.0138a03.01ཀྱི་ཞིང་དག་ཀྱང་ཡོངས་སུ་དག་པར་བྱས་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །རབ་འབྱོར་གཞན་ཡང་དཔེར་ན་སྐྱེས་པའམ། བུད་མེད་ཅིག་བུམ་པ་སོ་མ་བཏང་བས་ཆུ་བཅུ་བར་སེམས་ན། སྐྱེས་པ་
D11.032.0138a04.01འམ། བུད་མེད་དེ་ནི་མི་མཁས་པའི་རང་བཞིན་ཅན་དུ་རིག་པར་བྱ་སྟེ། བུམ་པ་སོ་མ་བཏང་བ་དེ་ནི་རིང་པོ་མི་ཐུབ་པར་འགྱུར་ཏེ། མྱུར་དུ་ས་ཐ་མལ་པར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་བུམ་པ་དེ་སོ་མ་བཏང་བ་ཉིད་ཀྱི་ཕྱིར་དང་། སྙི་བའི་ཕྱིར་རོ། །རབ་
D11.032.0138a05.01འབྱོར་དེ་བཞིན་དུ་བྱང་ཆུབ་སེམས་དཔའི་ཐེག་པ་པའི་གང་ཟག་གཞན་དག་ཀྱང་དད་པ་དང་། བཟོད་པ་དང་། དང་བ་དང་། ལྷག་པའི་བསམ་པ་དང་། འདོད་པ་དང་། མོས་པ་དང་། གཏོང་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བརྩོན་པ་མི་གཏོང་
D11.032.0138a06.01བ་ཡོད་དུ་ཟིན་ཀྱང་། འོན་ཀྱང་དེ་དག་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་ཞིང་། ཐབས་ལ་མཁས་པ་དང་བྲལ་ན། དེ་དག་དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་དང་། དེ་བཞིན་དུ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་།
D11.032.0138a07.01