完整藏文原文 · 德格版页 当前仅加载第 32 函德格 242b 版页；藏文 NFD、目录标记与异常页序保留在来源切片中，重复版页行以稳定序号区分。
རྟོགས་པར་གྱིས་ཤིག །དེ་བཞིན་དུ་གཉིས་དང་། གསུམ་དང་། ཡི་གེ་བརྒྱ་དང་། སྟོང་གི་བར་དག་གིས་ངག་གི་རང་བཞིན་ཐམས་ཅད་རྟོགས་པར་གྱིས་ཤིག །དེ་བཞིན་དུ་ཡི་གེ་གཅིག་ཏུ་ཡི་གེའི་ཕྱི་མོ་བཞི་བཅུ་རྩ་གཉིས་པོ་དག་འདུས་པར་གྱིས་ཤིག །ཡི་གེ་བཞི་
D11.032.0242b01.01བཅུ་རྩ་གཉིས་ཀྱི་ནང་དུ་ཡི་གེ་གཅིག་འདུས་པར་གྱིས་ཤིག་ཅེས་འདོམས་ཤིང་རྗེས་སུ་སྟོན་ཏོ། །རབ་འབྱོར་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་ཡི་གེ་གཅིག་ཏུ་ཡི་གེ་བཞི་བཅུ་རྩ་གཉིས་པོ་དག་འདུས་པར་གྱིས་ཤིག །ཡི་གེ་བཞི་བཅུ་རྩ་གཉིས་ཀྱི་ནང་དུ་
D11.032.0242b02.01ཡི་གེ་གཅིག་འདུས་པར་གྱིས་ཤིག །ཡི་གེ་གཅིག་གིས་ཡི་གེ་བཞི་བཅུ་རྩ་གཉིས་ལ་མཁས་པར་བྱས་ལ། དེ་བཞིན་དུ་ཡི་གེ་བཞི་བཅུ་རྩ་གཉིས་ཀྱིས་ཡི་གེ་གཅིག་ལ་མཁས་པར་བྱས་ནས། ཡི་གེ་མངོན་པར་བསྒྲུབ་པ་ལ་མཁས་པར་འགྱུར་རོ། །ཡི་གེ་མངོན་པར་
D11.032.0242b03.01བསྒྲུབ་པ་ལ་མཁས་པར་བྱས་ནས། ཡི་གེ་མེད་པ་མངོན་པར་བསྒྲུབ་པ་ལ་མཁས་པར་འགྱུར་རོ། །དཔེར་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་ཆོས་ལ་མཁས་པ་དང་། ཡི་གེ་ལ་མཁས་པ་ཡིན་ཏེ། ཡི་གེས་ཡི་གེ་མེད་པའི་
D11.032.0242b04.01ཆོས་སྟོན་ཀྱང་། རབ་འབྱོར་ཡི་གེ་དང་ཡི་གེ་མེད་པ་ལ་མ་རྟོགས་པའི་ཆོས་གང་ཡང་མེད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་གལ་ཏེ་མཐའ་ལས་འདས་པ་སྟོང་པ་ཉིད་དང་། ཐོག་མ་དང་ཐ་མ་
D11.032.0242b05.01མེད་པ་སྟོང་པ་ཉིད་ཀྱི་སླད་དུ། སེམས་ཅན་ཡང་གཏན་དམིགས་སུ་མ་མཆིས་ལ། ཆོས་ཀྱང་དམིགས་སུ་མ་མཆིས་ཤིང་། ཆོས་ཀྱི་རང་བཞིན་ཡང་དམིགས་སུ་མ་མཆིས་ལགས་ན། བཅོམ་ལྡན་འདས་འོ་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་
D11.032.0242b06.01དྲུག་ལ་སྤྱོད་ཅིང་། དེ་བཞིན་དུ་བསམ་གཏན་བཞི་དང་། ཚད་མེད་པ་བཞི་དང་། གཟུགས་མེད་པའི་སྙོམས་པར་འཇུག་པ་བཞི་དང་། དེ་བཞིན་དུ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། སྟོང་པ་ཉིད་བཅུ་བཞི་དང་། སྟོང་པ་ཉིད་དང་། མཚན་མ་མེད་
D11.032.0242b07.01