完整藏文原文 · 德格版页 当前仅加载第 32 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
ཏོན་དུ་མ་བྱས། ལུང་མ་མནོས། ཚུལ་བཞིན་དུ་ཡིད་ལ་མ་བྱས་ལ། དེས་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཇི་སྐད་བསྟན་པ་ལ་ནན་ཏན་དུ་མ་བྱས་པའི་ཕྱིར་རོ། །རབ་འབྱོར་དཔེར་ན་རྒྱ་མཚོའི་གྲུའམ། གྲུ་བོ་ཆེ་ཆག་ཅིང་ཞིག་ན། དེ་ན་མི་གང་དག་འཚོ་
D11.032.0137b01.01བར་འདོད་པ་དག་ཤིང་ལེབ་དག་གམ། ཤིང་དག་གམ། རྐྱལ་པ་དག་གམ། མི་རོ་དག་ལ་མི་འཇུ་ཞིང་། འཛིན་པར་མི་བྱེད་པ་དེ་དག་ནི། རྒྱ་མཚོའི་ཕ་རོལ་གྱི་འགྲམ་དུ་མ་ཕྱིན་པ་ཁོ་ནར་འཆི་བའི་དུས་བྱེད་པར་འགྱུར་རོ། །རབ་འབྱོར་དཔེར་ན་རྒྱ་མཚོའི་གྲུའམ།
D11.032.0137b02.01གྲུ་བོ་ཆེ་ཆག་ཅིང་ཞིག་ན། དེ་ན་མི་གང་དག་འཚོ་བར་འདོད་པ་དག་ཤིང་ལེབ་དག་གམ། ཤིང་དག་གམ། རྐྱལ་པ་དག་གམ། མི་རོ་དག་ལ་འཇུ་ཞིང་འཛིན་པར་བྱེད་པ་དེ་དག་ནི་བདེ་བ་དང་། བདེ་ལེགས་སུ་མ་སྨས་མ་ཉམས་པར་རྒྱ་མཚོའི་འགྲམ་དུ་གནས་པར་རིག་
D11.032.0137b03.01པར་བྱའོ། །རབ་འབྱོར་དེ་བཞིན་དུ་བྱང་ཆུབ་སེམས་དཔའི་ཐེག་པ་པའི་གང་ཟག་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་དད་པ་ཙམ་དང་། དགའ་བ་ཙམ་དང་ལྡན་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཡི་གེར་མི་འདྲི་ཞིང་། ཡི་གེར་འདིར་
D11.032.0137b04.01མི་འཇུག་པ་དང་། མི་འཛིན་པ་དང་། མི་འཆང་བ་དང་། ཀུན་ཆུབ་པར་མི་བྱེད་པ་དང་། མི་ཀློག་པ་དང་། ཁ་ཏོན་དུ་མི་བྱེད་པ་དང་། ལུང་ནོད་པར་མི་བྱེད་པ་དང་། ཚུལ་བཞིན་དུ་ཡིད་ལ་མི་བྱེད་ཅིང་། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིར་ཇི་སྐད་བསྟན་པ་ལ་
D11.032.0137b05.01ནན་ཏན་དུ་མི་བྱེད་པ་དེ་དག་ནི། བྱང་ཆུབ་སེམས་དཔའི་སྐྱོན་མེད་པར་མ་ཕྱིན་པར་ཉན་ཐོས་ཀྱི་སའམ། རང་སངས་རྒྱས་ཀྱི་ས་མངོན་སུམ་དུ་བྱེད་པར་འགྱུར་རོ། །རབ་འབྱོར་བྱང་ཆུབ་སེམས་དཔའི་ཐེག་པ་པའི་གང་ཟག་གང་དག་དད་པ་དང་། བཟོད་པ་དང་། རབ་ཏུ་
D11.032.0137b06.01དགའ་བ་དང་། དང་བ་དང་། ལྷག་པའི་བསམ་པ་དང་། འདོད་པ་དང་། མོས་པ་དང་། གཏོང་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་བརྩོན་པ་མི་གཏོང་བ་ཡོད་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཡང་ཡི་གེར་འདྲི་ཞིང་། དེ་བཞིན་དུ་
D11.032.0137b07.01