完整藏文原文 · 德格版页 当前仅加载第 32 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
མིང་དང་རུས་ཡོངས་སུ་རྗོད་ཅིང་ཆོས་སྟོན་ལ། ཆེད་དུ་བརྗོད་པ་ཆེད་དུ་རྗོད་པ་དང་། ང་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པའི་སངས་རྒྱས་ཀྱི་ཞིང་ན། ཤེས་རབ་ཀྱི་ཕ་རོལ་ཏུ་ཕྱིན་པ་
D11.032.0206a01.01འདི་ཉིད་ལ་བརྟེན་ནས་ཚངས་པར་སྤྱོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གི་མིང་དང་། རུས་ཡོངས་སུ་རྗོད་ཅིང་ཆོས་སྟོན་ལ། ཆེད་དུ་བརྗོད་པ་ཆེད་དུ་རྗོད་པར་བྱེད་པ་བཞིན་ནོ། །རབ་འབྱོར་ཤར་ཕྱོགས་ཀྱི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་ན། སངས་རྒྱས་བཅོམ་ལྡན་
D11.032.0206a02.01འདས་བཞུགས་ཤིང་གཞེས་ལ་ཆོས་སྟོན་པའི་སངས་རྒྱས་བཅོམ་ལྡན་འདས་གང་དག་ཡིན་པ་དེ་དག་ཀྱང་སངས་རྒྱས་ཀྱི་ཞིང་དེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལས་བརྩམས་ཏེ། ཚངས་པར་སྤྱད་པ་སྤྱོད་པ་དེ་དག་གི་མིང་དང་། རུས་
D11.032.0206a03.01ཡོངས་སུ་རྗོད་ཅིང་ཆོས་སྟོན་ལ། ཆེད་དུ་བརྗོད་པ་ཡང་ཆེད་དུ་རྗོད་པར་མཛད་དོ། །དེ་བཞིན་དུ་སྦྱར་ཏེ། ལྷོ་ཕྱོགས་ན་གང་དག་ཡིན་པ་དང་། ནུབ་ཕྱོགས་ན་གང་དག་ཡིན་པ་དང་། བྱང་ཕྱོགས་ན་གང་དག་ཡིན་པ་དང་། ཕྱོགས་མཚམས་བཞིན་གང་དག་ཡིན་པ་དང་། འོག་གི་ཕྱོགས་ན་གང་དག་ཡིན་པ་
D11.032.0206a04.01དང་། སྟེང་གི་ཕྱོགས་ཀྱི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་ན། སངས་རྒྱས་བཅོམ་ལྡན་འདས་བཞུགས་ཤིང་གཞེས་ལ་ཆོས་སྟོན་པའི་སངས་རྒྱས་བཅོམ་ལྡན་འདས་གང་དག་ཡིན་པ་དེ་དག་ཀྱང་སངས་རྒྱས་ཀྱི་ཞིང་དེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཤེས་རབ་ཀྱི་ཕ་
D11.032.0206a05.01རོལ་ཏུ་ཕྱིན་པ་འདི་ཉིད་ལས་བརྩམས་ཏེ། ཚངས་པར་སྤྱད་པ་སྤྱོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གི་མིང་དང་རུས་ཡོངས་སུ་རྗོད་ཅིང་ཆོས་སྟོན་ལ། ཆེད་དུ་བརྗོད་པ་ཡང་ཆེད་དུ་རྗོད་པར་མཛད་དོ། །ཕྱོགས་བཅུའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་ན། སངས་རྒྱས་
D11.032.0206a06.01བཅོམ་ལྡན་འདས་བཞུགས་པ་གང་དག་ཡིན་པ་དེ་དག་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ་ནས་ཉེ་བར་བཟུང་སྟེ། རྫོགས་པའི་བྱང་ཆུབ་ཀྱི་ལམ་ཡོངས་སུ་རྫོགས་པར་བྱེད་པ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་ཅིང་། རྣམ་པ་ཐམས་ཅད་
D11.032.0206a07.01