完整藏文原文 · 德格版页 当前仅加载第 32 函德格 188a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་ཆེན་པོ་གང་ཆོས་ཉིད་འདི་ལ་སློབ་པ་དང་། ཡང་དག་པའི་མཐའ་ལ་སློབ་པ་དང་། དེ་བཞིན་ཉིད་ལ་སློབ་པ་དང་། ཆོས་ཀྱི་དབྱིངས་ལ་སློབ་པ་དང་། མཐའ་ལས་འདས་པ་སྟོང་པ་ཉིད་ལ་སློབ་པ་དང་། རང་གི་མཚན་ཉིད་སྟོང་པ་ཉིད་ཀྱི་བར་ལ་
D11.032.0188a01.01སློབ་པ་དང་། རྣམ་པར་ཐར་པའི་སྒོ་གསུམ་པོ་དག་གི་བར་ལ་སློབ་པར་བགྱིད་ཀྱང་བར་མ་དོར་ལྟུང་བར་ཡང་མི་འགྱུར་བའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་དཀའ་བ་བགྱིད་པ་དེ་ནི་བཙུན་པ་བཅོམ་ལྡན་འདས་ངོ་མཚར་ལགས་སོ། །དེ་ནི་མཆོག་ཏུ་ངོ་མཚར་
D11.032.0188a02.01ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་སེམས་ཅན་ཐམས་ཅད་ཡོངས་སུ་མི་གཏོང་བ་ཡིན་ཞིང་། དེ་དག་ནི་འདི་ལྟ་བུའི་སྨོན་ལམ་གྱི་ཁྱད་པར་ཅན་ཡིན་ཏེ། རབ་འབྱོར་བྱང་ཆུབ་
D11.032.0188a03.01སེམས་དཔའ་སེམས་དཔའ་ཆེན་པོ་དེ་འདི་ལྟ་བུའི་སེམས་རླབས་པོ་ཆེ་མངོན་པར་བསྒྲུབས་ཏེ། བདག་ནི་སེམས་ཅན་ཐམས་ཅད་ཡོངས་སུ་མི་གཏོང་བ་ཡིན་ཞིང་། བདག་ཁོ་ནས་ཡོད་པ་མ་ཡིན་པའི་ཆོས་རྣམས་ལ་གནས་པའི་སེམས་ཅན་དེ་དག་ཐམས་ཅད་ཡོངས་སུ་ཐར་བར་བྱའོ་
D11.032.0188a04.01སྙམ་ནས། དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་དེ་དག་ལ་རྣམ་པར་ཐར་པའི་སྒོ་སྟོང་པ་ཉིད་མངོན་པར་སྒྲུབ་པར་བྱེད། དེ་བཞིན་དུ་རྣམ་པར་ཐར་པའི་སྒོ་མཚན་མ་མེད་པ་དང་། སྨོན་པ་མེད་པ་མངོན་པར་སྒྲུབ་པར་བྱེད་ལ། བྱང་ཆུབ་སེམས་
D11.032.0188a05.01དཔའ་སེམས་དཔའ་ཆེན་པོ་གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ་བར་མ་དོར་ཡང་དག་པའི་མཐའ་མངོན་སུམ་དུ་མི་བྱེད་པ་ནི། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དག་ལ་
D11.032.0188a06.01ཐབས་ལ་མཁས་པ་ཡིན་པར་རིག་པར་བྱའོ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཟབ་མོའི་གནས་གང་དག་ཡིན་པ་འདི་ལྟ་སྟེ། ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དང་། དེ་བཞིན་དུ་དྲན་པ་
D11.032.0188a07.01