完整藏文原文 · 德格版页 当前仅加载第 32 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་མཉམ་པ་ཉིད་དུ་མཐོང་བ་དང་། རྣམ་པ་ཐམས་ཅད་དུ་འབྱུང་བ་ཐམས་ཅད་ཀྱི་རྗེས་སུ་སོང་བའི་ཡིད་ཀྱིས་གཞན་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་དགའ་བར་བྱ། ཡང་དག་པར་འཛིན་དུ་གཞུག་པར་བྱ། ཡང་དག་པར་གཟེངས་བསྟོད་
D11.032.0106b01.01པར་བྱ། ཡང་དག་པར་བསྟན་པར་བྱའོ། །སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་ན། བདག་ནི་སྦྱིན་པ་སྦྱིན་པར་བྱེད་པའོ། །བདག་ནི་ཚུལ་ཁྲིམས་བསྲུང་བའོ། །བདག་ནི་བཟོད་པ་བསྒོམ་པའོ། །བདག་ནི་བརྩོན་འགྲུས་རྩོམ་མོ། །བདག་ནི་བསམ་གཏན་ལ་སྙོམས་པར་འཇུག་
D11.032.0106b02.01པའོ། །བདག་ནི་ཤེས་རབ་བསྒོམ་པའོ། །བདག་ནི་ནང་སྟོང་པ་ཉིད་ལ་སྤྱོད་པའོ། །བདག་ནི་ཕྱི་སྟོང་པ་ཉིད་ལ་སྤྱོད་པའོ། །བདག་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་སྤྱོད་པའོ། །བདག་ནི་དྲན་པ་ཉེ་བར་གཞག་པ་རྣམས་བསྒོམ་པའོ། །དེ་བཞིན་དུ་སྦྱར་ཏེ།
D11.032.0106b03.01བདག་ནི་སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཀྱི་བར་ལ་བསྒོམ་པའོ། །བདག་ནི་རྫོགས་པའི་བྱང་ཆུབ་ཏུ་སྤྱོད་པའོ་སྙམ་དུ་མཚན་མ་ལས་རྣམ་པར་རྟོག་པ་དག་ཡིད་ལ་མི་བྱའོ། །དེ་ལྟར་སྤྱོད་པའི་རིགས་ཀྱི་བུའམ་རིགས་ཀྱི་བུ་མོ་གཞན་དག་བླ་ན་མེད་པ་ཡང་དག་པར་
D11.032.0106b04.01རྫོགས་པའི་བྱང་ཆུབ་ལ་ཡང་དག་པར་དགའ་བར་བྱ། ཡང་དག་པར་འཛིན་དུ་གཞུག་པར་བྱ། ཡང་དག་པར་གཟེངས་བསྟོད་པར་བྱ། ཡང་དག་པར་བསྟན་པར་བྱའོ། །དེ་ཡང་དག་པར་དགའ་བར་བྱ་བ་དང་། ཡང་དག་པར་འཛིན་དུ་གཞུག་པ་དང་། ཡང་དག་པར་གཟེངས་
D11.032.0106b05.01བསྟོད་པ་དང་། ཡང་དག་པར་བསྟན་པ་དེས་གཞན་དག་ཡང་དག་པར་དགའ་བར་བྱེད་ཅིང་། ཡང་དག་པར་འཛིན་དུ་གཞུག་པ་དང་། ཡང་དག་པར་གཟེངས་སྟོད་པ་དང་། ཡང་དག་པར་སྟོན་པར་བྱེད་པ་ན། བདག་ཀྱང་ཉམས་པར་མི་འགྱུར་ཞིང་། སངས་རྒྱས་ཀྱིས་གནང་བ་
D11.032.0106b06.01དང་། སངས་རྒྱས་ཀྱིས་བསྔགས་པ་ལ་ཡང་དག་པར་འཛིན་དུ་བཅུག་པར་འགྱུར་རོ། །དེ་ལྟར་བྱེད་པའི་རིགས་ཀྱི་བུའམ་རིགས་ཀྱི་བུ་མོ་དེས་ནི་ཆགས་པའི་མཐའ་ཐམས་ཅད་ཡོངས་སུ་སྤངས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་
D11.032.0106b07.01