完整藏文原文 · 德格版页 当前仅加载第 32 函德格 299a 版页；藏文 NFD、目录标记与异常页序保留在来源切片中，重复版页行以稳定序号区分。
ན། ཀུན་དགའ་བོ་འདི་ཇི་སྙམ་དུ་སེམས། རིགས་ཀྱི་བུའམ། རིགས་ཀྱི་བུ་མོ་དེ་གཞི་དེ་ལས་བསོད་ནམས་མང་དུ་སྐྱེད་སྙམ་མམ། གསོལ་པ། བཙུན་པ་བཅོམ་ལྡན་འདས་མང་ལགས་སོ། །བཙུན་པ་བདེ་བར་གཤེགས་པ་མང་ལགས་སོ། །བཅོམ་
D11.032.0299a01.01ལྡན་འདས་ཀྱིས་བཀའ་སྩལ་པ། ཀུན་དགའ་བོ་རིགས་ཀྱི་བུའམ། རིགས་ཀྱི་བུ་མོ་གང་གིས་ཤེས་རབ་ཀྱི་ཕ་རོལ་ཏུ་ཕྱིན་པ་དོན་བཟང་པོ་ཚིག་འབྲུ་བཟང་པོ་འདི་དག་གཞན་དག་ལ་རྣམ་གྲངས་འདིས་རྗོད་ཅིང་སྟོན་ལ། གསལ་བར་བྱེད་ཅིང་རྣམ་པར་འབྱེད་དེ། ཡང་དག་པར་
D11.032.0299a02.01རབ་ཏུ་སྟོན་ལ་དེ་ལ་འདི་སྐད་ཅེས་ཀྱེ་ཚུར་ཤོག །རིགས་ཀྱི་བུ་ཁྱོད་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཟུང་ཤིག །ཆོངས་ཤིག །ཀུན་ཆུབ་པར་གྱིས་ཤིག །ལྷོགས་ཤིག །ཚུལ་བཞིན་དུ་ཡིད་ལ་གྱིས་ཤིག །ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ནན་
D11.032.0299a03.01ཏན་དུ་གྱིས་ཤིག་ཅེས་ཀྱང་བརྗོད་ན། དེ་ནི་དེ་བས་ཆེས་བསོད་ནམས་མང་དུ་སྐྱེད་དོ། །དེ་ཅིའི་ཕྱིར་ཞེ་ན། ཀུན་དགའ་བོ་རྒྱུན་དུ་ཞུགས་པ་རྣམས་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདིས་རབ་ཏུ་ཕྱེ་བ་ཡིན་པའི་ཕྱིར་རོ། །ཀུན་དགའ་བོ་འཛམ་བུ་གླིང་གི་སེམས་ཅན་རྣམས་
D11.032.0299a04.01ལྟ་ཡང་ཞོག །དེ་བཞིན་དུ་གླིང་བཞི་པའི་སེམས་ཅན་རྣམས་ལྟ་ཡང་ཞོག །སྟོང་ཆུང་ངུའི་འཇིག་རྟེན་གྱི་ཁམས་ཀྱི་སེམས་ཅན་རྣམས་ལྟ་ཡང་ཞོག །སྟོང་གཉིས་པ་བར་མའི་འཇིག་རྟེན་གྱི་ཁམས་ཀྱི་སེམས་ཅན་རྣམས་ལྟའང་ཞོག །ཀུན་དགའ་བོ་སྟོང་གསུམ་གྱི་
D11.032.0299a05.01སྟོང་ཆེན་པོའི་འཇིག་རྟེན་གྱི་ཁམས་ཀྱི་སེམས་ཅན་རྣམས་ལྟའང་ཞོག་ལ། ཀུན་དགའ་བོ་ཕྱོགས་བཅུའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་ན། སེམས་ཅན་ཇི་སྙེད་ཡོད་པ་དེ་དག་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་རྒྱུན་དུ་ཞུགས་
D11.032.0299a06.01པའི་འབྲས་བུ་ལ་བཀོད་ན། ཀུན་དགའ་བོ་འདི་ཇི་སྙམ་དུ་སེམས། རིགས་ཀྱི་བུའམ། རིགས་ཀྱི་བུ་མོ་དེ་གཞི་དེ་ལས་བསོད་ནམས་མང་དུ་སྐྱེད་སྙམ་མམ། གསོལ་པ། བཙུན་པ་བཅོམ་ལྡན་འདས་མང་ལགས་སོ། །བཙུན་པ་བདེ་བར་གཤེགས་པ་མང་ལགས་སོ། །
D11.032.0299a07.01