完整藏文原文 · 德格版页 当前仅加载第 32 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །ཤེས་རབ་ཀྱི་ཕ་རོལ་ཏུ་ཕྱིན་པའི་ལེའུའི་ཆོས་ཀྱི་རྣམ་གྲངས་འདི་བསྟན་པ་ན། ས་ཆེན་པོ་འདི་རྣམ་པ་དྲུག་ཏུ་གཡོས་ཏེ། གཡོས་རབ་ཏུ་གཡོས། ཀུན་ཏུ་རབ་ཏུ་
D11.032.0286b01.01གཡོས་སོ། །ལྡེག་རབ་ཏུ་ལྡེག་གོ། །ཀུན་ཏུ་རབ་ཏུ་ལྡེག་གོ། །ཤར་ཕྱོགས་མཐོ་ན། ནུབ་ཕྱོགས་དམའོ། །ནུབ་ཕྱོགས་མཐོ་ན། ཤར་ཕྱོགས་དམའོ། །ལྷོ་ཕྱོགས་མཐོ་ན་བྱང་ཕྱོགས་དམའོ། །བྱང་ཕྱོགས་མཐོ་ན་ལྷོ་ཕྱོགས་དམའོ། །དབུས་མཐོ་
D11.032.0286b02.01ན་མཐའ་དམའོ། །མཐའ་མཐོ་ན་དབུས་དམའོ། །སྟེང་གི་བར་སྣང་ལ་ཡང་ལྷ་བྱེ་བ་ཁྲག་ཁྲིག་འབུམ་ཕྲག་དུ་མས་ལྷའི་སིལ་སྙན་བསྒྲགས་སོ། །ལྷ་བྱེ་བ་དག་གིས་ཀྱང་ལྷའི་མེ་ཏོག་ཨུད་པ་ལ་དང་། ཀུ་མུ་ད་དང་། པད་མ་དཀར་པོའི་མེ་ཏོག་གི་ཆར་
D11.032.0286b03.01ཆེན་པོ་ཕབ་བོ། །འདི་ལྟ་སྟེ། ལོང་བ་རྣམས་ཀྱིས་མིག་རྙེད་པ་དང་། འོན་པ་རྣམས་ཀྱིས་ཐོས་པ་རྙེད་པ་དང་། སྨྱོན་པ་རྣམས་ཀྱིས་དྲན་པ་རྙེད་པ་དང་། སེམས་རྣམ་པར་གཡེངས་པ་རྣམས་ཀྱིས་མཉམ་པར་གཞག་པ་རྙེད་པ་དང་། སིལ་སྙན་བྱེ་བ་
D11.032.0286b04.01ཕྲག་འབུམ་ཡང་མ་དཀྲོལ་བར་སྒྲ་བྱུང་བར་གྱུར་ཏེ། རྨད་དུ་བྱུང་བའི་ཆོས་དུ་མ་འཇིག་རྟེན་དུ་བྱུང་བར་གྱུར་ཏོ། །ལྷ་དང་མི་སངས་རྒྱས་ཀྱི་ཞིང་གི་རྡུལ་ཕྲ་རབ་སྙེད་དག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །སེམས་
D11.032.0286b05.01ཅན་འཛམ་བུའི་གླིང་གི་རྡུལ་ཕྲ་རབ་སྙེད་དག་ནི་འདི་ལྟ་སྟེ། ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་སྟེ། ཆོས་མངོན་པར་རྟོགས་པར་གྱུར་ཏོ། །བྱང་ཆུབ་སེམས་དཔའ་གང་གཱའི་ཀླུང་གི་བྱེ་མ་སྙེད་དག་ནི་མི་སྐྱེ་བའི་ཆོས་ལ་
D11.032.0286b06.01བཟོད་པ་ཐོབ་པར་གྱུར་ཏོ། །སེམས་ཅན་དུ་མ་ནི་ཏིང་ངེ་འཛིན་དང་། གཟུངས་དང་། ས་ཐོབ་པར་གྱུར་ཏོ། །སེམས་ཅན་དཔག་ཏུ་མེད་པ་གྲངས་མེད་པ་དག་ནི་ངན་སོང་གསུམ་པོ་དག་ནས་ཤི་འཕོས་ནས། ལྷ་དང་མི་རྣམས་ཀྱི་ནང་དུ་སྐྱེས་སོ། །ཐམས་
D11.032.0286b07.01