完整藏文原文 · 德格版页 当前仅加载第 32 函德格 13b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ནི་མ་བཅིངས་མ་གྲོལ་བའོ། །དེ་བཞིན་དུ་གཟུགས་སྐྱེ་བ་མེད་པའི་ཕྱིར། གཟུགས་ཐམས་ཅད་ནི་མ་བཅིངས་མ་གྲོལ་བའོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་སྐྱེ་བ་མེད་པའི་ཕྱིར་དང་། རྣམ་པར་ཤེས་པ་སྐྱེ་བ་མེད་པའི་ཕྱིར། རྣམ་པར་
D11.032.0013b01.01ཤེས་པ་ཐམས་ཅད་ནི་མ་བཅིངས་མ་གྲོལ་བའོ། །དེ་བཞིན་དུ་གཟུགས་འགག་པ་མེད་པའི་ཕྱིར། གཟུགས་ཐམས་ཅད་ནི་མ་བཅིངས་མ་གྲོལ་བའོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་འགག་པ་མེད་པའི་ཕྱིར་དང་། རྣམ་པར་ཤེས་པ་འགག་པ་མེད་
D11.032.0013b02.01པའི་ཕྱིར། རྣམ་པར་ཤེས་པ་ཐམས་ཅད་ནི་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ་དེ་བཞིན་དུ་གཟུགས་དགེ་བ་ནི་མ་བཅིངས་མ་གྲོལ་བའོ། །དེ་བཞིན་དུ་ཚོར་བ་དགེ་བ་དང་། འདུ་ཤེས་དགེ་བ་དང་། འདུ་བྱེད་དགེ་བ་རྣམས་དང་། རྣམ་པར་ཤེས་པ་དགེ་བ་ནི་མ་བཅིངས་
D11.032.0013b03.01མ་གྲོལ་བའོ། །དེ་བཞིན་དུ་གཟུགས་མི་དགེ་བ་ནི་མ་བཅིངས་མ་གྲོལ་བའོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་མི་དགེ་བ་རྣམས་དང་། རྣམ་པར་ཤེས་པ་མི་དགེ་བ་ནི་མ་བཅིངས་མ་གྲོལ་བའོ། །དེ་བཞིན་དུ་གཟུགས་ལུང་དུ་མ་བསྟན་པ་ནི་མ་བཅིངས་མ་
D11.032.0013b04.01གྲོལ་བའོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་ལུང་དུ་མ་བསྟན་པ་རྣམས་དང་། རྣམ་པར་ཤེས་པ་ལུང་དུ་མ་བསྟན་པ་ནི་མ་བཅིངས་མ་གྲོལ་བའོ། །དེ་བཞིན་དུ་སྦྱར་ཏེ། འཇིག་རྟེན་པའི་གཟུགས་ནི་མ་བཅིངས་མ་གྲོལ་བའོ། །དེ་བཞིན་དུ་འཇིག་རྟེན་པའི་
D11.032.0013b05.01ཚོར་བ་དང་། འདུ་ཤེས་དང་། འདུ་བྱེད་རྣམས་དང་། འཇིག་རྟེན་པའི་རྣམ་པར་ཤེས་པ་ནི་མ་བཅིངས་མ་གྲོལ་བའོ། །འཇིག་རྟེན་ལས་འདས་པའི་གཟུགས་ནི་མ་བཅིངས་མ་གྲོལ་བའོ། །དེ་བཞིན་དུ་འཇིག་རྟེན་ལས་འདས་པའི་ཚོར་བ་དང་། འདུ་ཤེས་དང་། འདུ་བྱེད་རྣམས་དང་།
D11.032.0013b06.01འཇིག་རྟེན་ལས་འདས་པའི་རྣམ་པར་ཤེས་པ་ནི་མ་བཅིངས་མ་གྲོལ་བའོ། །གཟུགས་ཟག་པ་དང་བཅས་པ་ནི་མ་བཅིངས་མ་གྲོལ་བའོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་ཟག་པ་དང་བཅས་པ་རྣམས་དང་། རྣམ་པར་ཤེས་པ་ཟག་པ་དང་བཅས་པ་ནི་མ་བཅིངས་མ་
D11.032.0013b07.01