完整藏文原文 · 德格版页 当前仅加载第 32 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཡང་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བ་ཡང་དག་པར་འཛིན་དུ་གཞུག་པར་བྱ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་བསྔགས་པ་བརྗོད་པར་བྱ། གཞན་གང་དག་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཤེས་པ་སྐྱེད་པར་བྱེད་པ་དེ་
D11.032.0174b01.01དག་གི་བསྔགས་པ་ཡང་བརྗོད་ཅིང་རྗེས་སུ་དགའ་བར་བྱའོ། །ཇི་ལྟར་རྒྱུན་དུ་ཞུགས་པའི་འབྲས་བུའི་སྐབས་སུ་སྦྱར་བ་དེ་བཞིན་དུ། ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པ་ཉིད་ཀྱི་བར་ལ་ཡང་སྦྱར་བར་བྱའོ། །བདག་
D11.032.0174b02.01གིས་ཀྱང་རང་བྱང་ཆུབ་མངོན་སུམ་དུ་བྱ་བའི་ཤེས་པ་བསྐྱེད་པར་བྱ་སྟེ། ཡང་དག་པའི་མཐའ་ནི་མངོན་སུམ་དུ་མི་བྱའོ། །གཞན་ཡང་རང་བྱང་ཆུབ་མངོན་སུམ་དུ་བྱ་བ་ཡང་དག་པར་འཛིན་དུ་གཞུག་པར་བྱ། རང་བྱང་ཆུབ་མངོན་སུམ་དུ་བྱ་བའི་བསྔགས་པ་བརྗོད་པར་བྱ། གཞན་
D11.032.0174b03.01གང་དག་རང་བྱང་ཆུབ་མངོན་སུམ་དུ་བྱ་བའི་ཤེས་པ་སྐྱེད་པར་བྱེད་པ་དེ་དག་གི་བསྔགས་པ་ཡང་བརྗོད་ཅིང་རྗེས་སུ་དགའ་བར་བྱའོ། །བདག་ཀྱང་བྱང་ཆུབ་སེམས་དཔའི་སྐྱོན་མེད་པ་ལ་འཇུག་པར་བྱ། གཞན་ཡང་བྱང་ཆུབ་སེམས་དཔའི་སྐྱོན་མེད་པ་ལ་ཡང་དག་པར་འཛིན་དུ་
D11.032.0174b04.01གཞུག་པར་བྱ། བྱང་ཆུབ་སེམས་དཔའི་སྐྱོན་མེད་པ་ལ་འཇུག་པའི་བསྔགས་པ་ཡང་བརྗོད་པར་བྱ། གཞན་གང་དག་བྱང་ཆུབ་སེམས་དཔའི་སྐྱོན་མེད་པ་ལ་འཇུག་པར་བྱེད་པ་དེ་དག་གི་བསྔགས་པ་ཡང་བརྗོད་ཅིང་རྗེས་སུ་དགའ་བར་བྱའོ། །རབ་འབྱོར་དེ་ལྟར་ན་བྱང་ཆུབ་
D11.032.0174b05.01སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འབྱུང་བར་འདོད་པས། ཆོས་འདི་དག་ལ་དེ་ལྟར་གནས་པར་བྱ་སྟེ། དེ་ཡང་མི་དམིགས་པའི་ཚུལ་གྱིས་བྱའོ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་
D11.032.0174b06.01ཆེན་པོས་བདག་གིས་ཀྱང་སེམས་ཅན་རྣམས་ཡོངས་སུ་སྨིན་པར་བྱ་ཞིང་། གཞན་གང་དག་སེམས་ཅན་རྣམས་ཡོངས་སུ་སྨིན་པར་བྱེད་པའི་བར་དུ་བྱེད་པ་དེ་དག་གི་བསྔགས་པ་ཡང་བརྗོད་ཅིང་རྗེས་སུ་དགའ་བར་བྱའོ། །བདག་གིས་ཀྱང་སངས་རྒྱས་ཀྱི་ཞིང་རྣམས་
D11.032.0174b07.01