完整藏文原文 · 德格版页 当前仅加载第 32 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
པར་མངོན་པར་རྫོགས་པར་སངས་རྒྱས་སོ། །ལྷ་དག་དེ་ལྟར་ན་དེ་བཞིན་གཤེགས་པས་ཆོས་ཐམས་ཅད་མཚན་ཉིད་མེད་པར་མངོན་པར་རྫོགས་པར་སངས་རྒྱས་པས་དེས་ན་དེ་བཞིན་གཤེགས་པ་ཡེ་ཤེས་ཆགས་པ་མེད་པར་གཟིགས་པ་ཞེས་བྱའོ།། །།
D11.032.0126b01.01ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་ཉི་ཤུ་པ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་བཀའ་སྩལ་པ། རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
D11.032.0126b02.01རྣམས་སྐྱེད་པ་དང་། སྟོན་པར་བྱེད་པ་ཡིན་ཏེ། དེའི་ཕྱིར་དེ་བཞིན་གཤེགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ཉེ་བར་བརྟེན་ནས་གནས་སོ། །ཉེ་བར་བརྟེན་ནས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པའི་ཆོས་དེ་ལ་བཀུར་སྟིར་མཛད། བླ་མར་མཛད། རི་མོར་
D11.032.0126b03.01མཛད། མཆོད་པར་མཛད་དེ། རབ་འབྱོར་དེ་ལྟར་ན་དམ་པའི་ཆོས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་དེ་བཞིན་གཤེགས་པ་བཀུར་སྟིར་མཛད། བླ་མར་མཛད། རི་མོར་མཛད། མཆོད་པར་མཛད་པ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར་དེ་
D11.032.0126b04.01བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལས་འབྱུང་ལ། དེ་བཞིན་གཤེགས་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བྱས་པ་གཟོ་བ་དང་། བྱས་པ་ཚོར་བ་ཡིན་པའི་ཕྱིར་རོ། །རབ་འབྱོར་
D11.032.0126b05.01གང་ཞིག་དེ་བཞིན་གཤེགས་པ་ནི་བྱས་པ་གཟོ་བ་དང་། བྱས་པ་ཚོར་བའོ་ཞེས་ཡང་དག་པར་སྨྲ་བས་སྨྲས་ན། དེ་ནི་བྱས་པ་གཟོ་བ་དང་། བྱས་པ་ཚོར་བར་ཡང་དག་པར་སྨྲ་བས་སྨྲས་པ་ཡིན་ནོ། །རབ་འབྱོར་ཇི་ལྟར་ན་དེ་བཞིན་གཤེགས་པ་བྱས་པ་གཟོ་བ་དང་།
D11.032.0126b06.01བྱས་པ་ཚོར་བ་ཡིན་ཞེ་ན། རབ་འབྱོར་འདི་ལ་དེ་བཞིན་གཤེགས་པ་ཐེག་པ་གང་གིས་བྱོན་པ་དང་། དེ་བཞིན་གཤེགས་པ་ལམ་གང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་ཐེག་པ་དེ་དང་། ལམ་དེ་ལ་དེ་བཞིན་གཤེགས་
D11.032.0126b07.01