完整藏文原文 · 德格版页 当前仅加载第 32 函德格 186b 版页；藏文 NFD、目录标记与异常页序保留在来源切片中，重复版页行以稳定序号区分。
རོལ་ཏུ་ཕྱིན་པ་ལ་སྤྱོད་པ་ནི། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དག་ལ་ཡོངས་སུ་འདྲིས་པར་བྱེད་མོད་ཀྱི། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་ཆོས་རྣམས་ལ་ཡང་དག་པའི་མཐའ་ནི་མངོན་སུམ་དུ་མི་བྱེད་དོ། །དེ་བཞིན་དུ་སྦྱར་
D11.032.0186b01.01ཏེ། དྲན་པ་ཉེ་བར་གཞག་པ་རྣམས་དང་། ཡང་དག་པར་སྤོང་བ་རྣམས་དང་། རྫུ་འཕྲུལ་གྱི་རྐང་པ་རྣམས་དང་། དབང་པོ་རྣམས་དང་། སྟོབས་རྣམས་དང་། བྱང་ཆུབ་ཀྱི་ཡན་ལག་རྣམས་དང་། འཕགས་པའི་ལམ་ཡན་ལག་བརྒྱད་པའི་བར་ལ་འདྲིས་པར་བྱེད་མོད་
D11.032.0186b02.01ཀྱི། ཡང་དག་པའི་མཐའ་ནི་མངོན་སུམ་དུ་མི་བྱེད་དོ། །རབ་འབྱོར་དཔེར་ན་སྐྱེས་བུ་ལ་ལ་ཞིག་དཔའ་བ་དང་། དམ་བཅས་པ་ལ་བརྟན་པ་དང་། གཟུགས་བཟང་བ་དང་། མཛེས་པ་དང་། བལྟ་ན་སྡུག་པ་དང་། འཕོང་རྩལ་གྱི་ལས་ལེགས་པར་བསླབས་པ་ཞིག་ཏུ་གྱུར་ལ།
D11.032.0186b03.01དེས་ཀྱང་མཚོན་ཆ་སྲ་བ་དག་བཅངས་ཤིང་། སྒྱུ་རྩལ་དྲུག་ཅུ་རྩ་བཞི་ཚར་ཕྱིན་པ། བཟོའི་གནས་ཐམས་ཅད་རྟོགས་པར་ཁོང་དུ་ཆུད་པར་གྱུར་པ། རིག་པའི་གནས་{བཅྭ་,བཅོ་}བརྒྱད་ལ་ལེགས་པར་བསླབས་པ། སྐྱེ་བོ་མང་པོ་ལ་དབེན་པ་དང་། དགའ་བ་དང་། ཡིད་དུ་འོང་བར་
D11.032.0186b04.01གྱུར་ན། ཐམས་ཅད་ལ་ལེགས་པར་བསླབས་པའི་ཕྱིར་དགོས་པ་གང་དང་གང་བརྩམས་པ་ཐམས་ཅད་ལས་རྙེད་པ་ཆེན་པོ་དང་ལྡན་པར་འགྱུར་ཏེ། དེའི་ཚེ་ཡང་སྐྱེ་བོ་མང་པོས་བླ་མར་བྱེད། རི་མོར་བྱེད། མཆོད་པ་བྱེད་ལ་ཕྱིར་ཞིང་ཡིད་རངས་ཏེ། དགའ་བ་དང་། མཆོག་ཏུ་དགའ་
D11.032.0186b05.01བ་དང་། ཡིད་བདེ་བ་སྐྱེས་པར་གྱུར་པ་དེ། དགོས་པ་ཞིག་གི་ཕྱིར་ཕ་མ་དང་། སྤུན་དང་། སྲིང་མོ་དང་། ཆུང་མ་དང་། བུ་དང་། བུ་མོ་དང་། བུ་སྨད་རྣམས་ཁྲིད་དེ་འབྲོག་དགོན་པ་བྱིས་པ་རྣམས་འཇིགས་པར་བྱེད་པ་སྤུ་ཟིང་ཞེས་བྱེད་པ་ཞིག་ཏུ་སོང་ལ། དེར་སོང་ནས་ཀྱང་
D11.032.0186b06.01ཕ་མ་དང་། སྤུན་དང་། སྲིང་མོ་དང་། ཆུང་མ་དང་། བུ་དང་། བུ་མོ་དང་། བུ་སྨད་དེ་དག་ལ་མ་འཇིགས་ཤིག །ཁོ་བོས་ཁྱེད་འཇིགས་ཤིང་སྐྲག་པ་ཆེན་པོ་འདི་ལས་བདེ་ལེགས་དང་། བདེ་བར་འབྲོས་སུ་གཞུག་ཅིང་མྱུར་དུ་ཐར་བར་བྱའོ་ཞེས་བསྒོ་ལ། འབྲོག་དགོན་པ་
D11.032.0186b07.01