完整藏文原文 · 德格版页 当前仅加载第 32 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་བཀའ་སྩལ་པ། ཀཽ་ཤི་ཀ་དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། གང་ཞིག་སེམས་བསྐྱེད་པ་འདི་དག་ལ་རྗེས་སུ་ཡི་རང་བར་བྱེད་པར་འགྱུར་བ་དེ་དག་ནི་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་
D11.032.0198a01.01འཚང་རྒྱ་བར་འགྱུར་ལ། བྱང་ཆུབ་སེམས་དཔའི་སྤྱད་པ་སྤྱོད་པ་ན་ཡང་མྱུར་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་མཉེས་པར་བྱེད་པར་འགྱུར་རོ། །ནམ་དུ་ཡང་གཟུགས་ཡིད་དུ་མི་འོང་བ་རྣམས་མཐོང་བར་མི་འགྱུར། སྒྲ་ཡིད་
D11.032.0198a02.01དུ་མི་འོང་བ་རྣམས་ཐོས་པར་མི་འགྱུར། དྲི་ཡིད་དུ་མི་འོང་བ་རྣམས་སྣོམ་པར་མི་འགྱུར། རོ་ཡིད་དུ་མི་འོང་བ་རྣམས་མྱོང་བར་མི་འགྱུར། རེག་པ་ཡིད་དུ་མི་འོང་བ་རྣམས་རེག་པར་མི་འགྱུར། ཆོས་ཡིད་དུ་མི་འོང་བ་རྣམས་ཡིད་ཀྱིས་རྣམ་པར་ཤེས་པར་མི་འགྱུར་རོ། །ནམ་
D11.032.0198a03.01དུ་ཡང་སངས་རྒྱས་མཐོང་བ་དང་འབྲལ་བར་མི་འགྱུར་རོ། །སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་ཞིང་། སངས་རྒྱས་བཅོམ་ལྡན་འདས་དེ་དག་ལ་བསྙེན་བཀུར་བྱེད་པར་འགྱུར་རོ། །དགེ་བའི་རྩ་བ་དེ་དག་ཀྱང་སེམས་ཅན་ཐམས་ཅད་ལ་ཕན་པའི་ཕྱིར་བསྐྱེད་པར་
D11.032.0198a04.01འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་རིགས་ཀྱི་བུའམ། རིགས་ཀྱི་བུ་མོ་དེ་དག་གིས་དང་པོ་ཐེག་པ་ལ་ཡང་དག་པར་ཞུགས་པ་དཔག་ཏུ་མེད་ཅིང་། ཚད་མེད་པ་དག་གི་དགེ་བའི་རྩ་བ་དེ་དག་ལ་རྗེས་སུ་ཡི་རང་བར་བྱས་ཤིང་། དེ་བཞིན་དུ་ས་དང་པོ་ལ་གནས་པའི་བྱང་ཆུབ་
D11.032.0198a05.01སེམས་དཔའ་རྣམས་དང་། ས་བཅུ་པའི་བར་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། དེ་བཞིན་དུ་སྐྱེ་བ་གཅིག་གིས་ཐོགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་དགེ་བའི་རྩ་བ་དེ་དག་ལ་རྗེས་སུ་ཡི་རང་བ་བྱས་པའི་ཕྱིར་རོ། །
D11.032.0198a06.01དེ་དག་དགེ་བའི་རྩ་བ་མངོན་པར་བསྒྲུབས་པ་དེ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེ་བར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་ཀྱང་སེམས་ཅན་དཔག་ཏུ་མེད་གྲངས་མེད། ཚད་མེད་པ་དག་ཕུང་
D11.032.0198a07.01