完整藏文原文 · 德格版页 当前仅加载第 32 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
ལམ་མ་བསྒོམས་པ་འབྲས་བུ་ཐོབ་པར་འགྱུར་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་ལམ་བསྒོམས་ན་ཡང་འབྲས་བུ་མི་འཐོབ་ལ། ལམ་མ་བསྒོམས་པ་ཡང་འབྲས་བུ་འཐོབ་
D11.032.0246b01.01པར་མི་འགྱུར་རོ། །རབ་འབྱོར་ལམ་མ་བསྒོམས་པར་ཡང་འབྲས་བུ་མི་འཐོབ་སྟེ། ལམ་མེད་པར་ཡང་འབྲས་བུ་ཐོབ་པ་མེད་ལ་ལམ་ལ་གནས་ཏེ་ཡང་མ་ཡིན་ཏེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་
D11.032.0246b02.01ལ་སྤྱོད་པ་སེམས་ཅན་རྣམས་ལ་འབྲས་བུ་རྣམ་པར་འགོད་པ་བྱེད་མོད་ཀྱི། འདུས་བྱས་ཀྱི་ཁམས་ལའམ། འདུས་མ་བྱས་ཀྱི་ཁམས་ལ་ཚར་གཅད་པའི་ཚུལ་གྱིས་འབྲས་བུ་རྣམ་པར་འགོད་པ་མ་ཡིན་ནོ། །གསོལ་པ། བཙུན་པ་བཅོམ་ལྡན་འདས་གལ་ཏེ་འདུས་
D11.032.0246b03.01བྱས་སམ། འདུས་མ་བྱས་ཀྱི་ཁམས་ལ་ཚར་གཅད་པས་འབྲས་བུ་རྣམ་པར་དགོད་པ་མ་མཆིས་ན། འོ་ན་དེ་བཞིན་གཤེགས་པས་འདི་ནི་ཀུན་ཏུ་སྦྱོར་བ་གསུམ་སྤངས་པའི་ཕྱིར། རྒྱུན་དུ་ཞུགས་པའི་འབྲས་བུ་ཡིན་ནོ། །འདོད་པའི་འདོད་ཆགས་དང་གནོད་སེམས་
D11.032.0246b04.01བསྲབས་པའི་ཕྱིར། ལན་ཅིག་ཕྱིར་འོང་བའི་འབྲས་བུ་ཡིན་ནོ། །འོག་མའི་ཆ་དང་འཐུན་པའི་ཀུན་ཏུ་སྦྱོར་བ་ལྔ་སྤངས་པའི་ཕྱིར། ཕྱིར་མི་འོང་བའི་འབྲས་བུ་ཡིན་ནོ། །གོང་མའི་ཆ་དང་འཐུན་པའི་ཀུན་ཏུ་སྦྱོར་བ་ལྔ་སྦྱངས་པའི་ཕྱིར་དགྲ་བཅོམ་པ་ཉིད་དོ། །ཀུན་
D11.032.0246b05.01འབྱུང་བའི་ཆོས་གང་ཅི་ཡང་རུང་བ་དེ་ཐམས་ཅད་འགོག་པའི་ཆོས་ཅན་དུ་ཤེས་པ་ནི་རང་བྱང་ཆུབ་ཡིན་ནོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་བག་ཆགས་ཀྱི་མཚམས་སྦྱོར་བ་དང་། ཉོན་མོངས་པ་ཐམས་ཅད་སྤངས་པ་ཡིན་ནོ་ཞེས་མ་བསྟན་ལགས་སམ།
D11.032.0246b06.01གསོལ་པ། བཙུན་པ་བཅོམ་ལྡན་འདས་གང་འདུས་བྱས་དང་འདུས་མ་བྱས་ཀྱི་ཆོས་རྣམས་ལ་ཚར་གཅད་པས་འབྲས་བུ་རྣམ་པར་དགོད་པ་ནི་མ་ཡིན་ནོ་ཞེས། བཅོམ་ལྡན་འདས་ཀྱིས་བཀའ་སྩལ་པ། འདིའི་དོན་བདག་གིས་ཇི་ལྟར་འཚལ་བར་བགྱི་
D11.032.0246b07.01