完整藏文原文 · 德格版页 当前仅加载第 32 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཞེས་བྱའོ། །དེ་ཅིའི་ཕྱིར་ཞེ་ན། རབ་འབྱོར་འདི་ལྟར་འདས་པའི་དུས་ནི་འདས་པའི་དུས་ཀྱིས་སྟོང་། མ་འོངས་པའི་དུས་ནི་མ་འོངས་པའི་དུས་ཀྱིས་སྟོང་། ད་ལྟར་བྱུང་བའི་དུས་ནི་ད་ལྟར་བྱུང་བའི་དུས་ཀྱིས་སྟོང་། དུས་གསུམ་མཉམ་པ་ཉིད་ནི་དུས་གསུམ་མཉམ་པ་ཉིད་ཀྱིས་
D11.032.0055b01.01སྟོང་། ཐེག་པ་ཆེན་པོ་ནི་ཐེག་པ་ཆེན་པོས་སྟོང་། བྱང་ཆུབ་སེམས་དཔའ་ནི་བྱང་ཆུབ་སེམས་དཔས་སྟོང་པའི་ཕྱིར་རོ། །རབ་འབྱོར་སྟོང་པ་ཉིད་ནི་གཅིག་མ་ཡིན། གཉིས་མ་ཡིན། གསུམ་མ་ཡིན། བཞི་མ་ཡིན། ལྔ་མ་ཡིན་ཞིང་། ཐ་དད་པ་ཡང་མེད་དོ། །རབ་འབྱོར་དེ་ནི་བྱང་
D11.032.0055b02.01ཆུབ་སེམས་དཔའ་རྣམས་ཀྱི་དུས་གསུམ་མཉམ་པ་ཉིད་ཀྱི་ཐེག་པ་ཡིན་ཏེ། དེ་ལ་ནི་མཉམ་པ་དང་མི་མཉམ་པ་མི་དམིགས་སོ། །འདོད་ཆགས་དང་འདོད་ཆགས་དང་བྲལ་བ་མི་དམིགས་སོ། །ཞེ་སྡང་དང་ཞེ་སྡང་དང་བྲལ་བ་མི་དམིགས་སོ། །གཏི་མུག་དང་གཏི་མུག་དང་
D11.032.0055b03.01བྲལ་བ་དང་། ང་རྒྱལ་ཡང་མི་དམིགས་སོ། །དེ་བཞིན་དུ་སྦྱར་ཏེ། དགེ་བའི་ཆོས་རྣམས་དང་། མི་དགེ་བའི་ཆོས་རྣམས་དང་། ལུང་དུ་བསྟན་པ་རྣམས་དང་། ལུང་དུ་མ་བསྟན་པ་རྣམས་ཀྱང་མི་དམིགས་སོ། །རྟག་པ་དང་མི་རྟག་པ་ཡང་མི་དམིགས་སོ། །བདེ་བ་
D11.032.0055b04.01དང་། སྡུག་བསྔལ་དང་། སྡུག་བསྔལ་བ་ཡང་མ་ཡིན། བདེ་བ་ཡང་མ་ཡིན་པ་ཡང་མི་དམིགས་སོ། །དེ་ལ་ནི་བདག་དང་བདག་མེད་པ་ཡང་མི་དམིགས་སོ། །དེ་ལ་ནི་འདོད་པའི་ཁམས་མི་དམིགས་སོ། །གཟུགས་ཀྱི་ཁམས་དང་། གཟུགས་མེད་པའི་ཁམས་མི་
D11.032.0055b05.01དམིགས་སོ། །འདོད་པའི་ཁམས་ལས་ཡང་དག་པར་འདའ་བ་མི་དམིགས་སོ། །གཟུགས་ཀྱི་ཁམས་ལས་ཡང་དག་པར་འདའ་བ་དང་། གཟུགས་མེད་པའི་ཁམས་ལས་ཡང་དག་པར་འདའ་བ་མི་དམིགས་སོ། །དེ་ཅིའི་ཕྱིར་ཞེ་ན། འདི་ལྟར་དངོས་པོ་མེད་པ་ནི་དམིགས་སུ་
D11.032.0055b06.01མེད་པའི་ཕྱིར་ཏེ། རབ་འབྱོར་འདས་པའི་གཟུགས་ནི་འདས་པའི་གཟུགས་ཀྱིས་སྟོང་། མ་འོངས་པའི་གཟུགས་ནི་མ་འོངས་པའི་གཟུགས་ཀྱིས་སྟོང་། ད་ལྟར་བྱུང་བའི་གཟུགས་ནི་ད་ལྟར་བྱུང་བའི་གཟུགས་ཀྱིས་སྟོང་ངོ་། །དེ་བཞིན་དུ་འདས་པའི་ཚོར་བ་དང་། འདུ་ཤེས་དང་།
D11.032.0055b07.01