完整藏文原文 · 德格版页 当前仅加载第 32 函德格 222a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བླངས་པ་དང་། འཕགས་པ་ཟག་པ་མེད་པའི་ལམ་དུ་གཏོགས་པའི་འཇིག་རྟེན་ལས་འདས་པ་ཡོངས་སུ་རྫོགས་པར་བྱེད་དེ། དེ་ལ་གནས་ནས་ཡང་དག་པར་བླང་བ། བརྡ་ཅན་གྱི་ཚུལ་ཁྲིམས་སྲུང་བར་བྱེད་དོ། །དེ་བཞིན་དུ་ཆོས་ཉིད་ཀྱིས་ཐོབ་པ་དང་།
D11.032.0222a01.01སྡོམ་པའི་ཚུལ་ཁྲིམས་དང་བཅས་པའི་ཚུལ་ཁྲིམས་དང་། ཀུན་ཏུ་སྤྱོད་པའི་ཚུལ་ཁྲིམས་སྲུང་བར་བྱེད་དོ། །དེ་ཚུལ་ཁྲིམས་དེ་ལྟ་བུ་དང་ལྡན་ཡང་ཚུལ་ཁྲིམས་འདིས་བདག་རྒྱལ་རིགས་ཤིང་སཱ་ལ་ཆེན་པོ་ལྟ་བུ་དག་དང་སྐལ་བ་མཉམ་པར་སྐྱེ་བར་གྱུར་ཅིག་ཅེའམ། དེ་བཞིན་དུ་བྲམ་
D11.032.0222a02.01ཟེའི་རིགས་ཤིང་སཱ་ལ་ཆེན་པོ་ལྟ་བུ་དག་དང་། ཁྱིམ་བདག་ཤིང་སཱ་ལ་ཆེན་པོ་ལྟ་བུ་དག་དང་སྐལ་བ་མཉམ་པར་སྐྱེ་བར་གྱུར་ཅིག་ཅེའམ། དེ་བཞིན་དུ་ཚུལ་ཁྲིམས་འདིས་བདག་ཁམས་ཀྱི་རྒྱལ་པོར་གྱུར་ཅིག་ཅེའམ། དེ་བཞིན་དུ་འཁོར་ལོས་སྒྱུར་བའི་རྒྱལ་པོ་གླིང་བཞི་པའི་བདག་པོར་གྱུར་
D11.032.0222a03.01ཅིག་ཅེའམ། དེ་བཞིན་དུ་ཚུལ་ཁྲིམས་འདིས་བདག་རྒྱལ་ཆེན་བཞིའི་རིས་ཀྱི་ལྷ་རྣམས་དང་སྐལ་བ་མཉམ་པར་སྐྱེ་བར་གྱུར་ཅིག་ཅེའམ། དེ་བཞིན་དུ་སུམ་ཅུ་རྩ་གསུམ་པ་རྣམས་དང་། དགའ་ལྡན་རྣམས་དང་། འཕྲུལ་དགའ་རྣམས་དང་། གཞན་འཕྲུལ་དབང་བྱེད་ཀྱི་ལྷ་རྣམས་
D11.032.0222a04.01དང་སྐལ་བ་མཉམ་པར་སྐྱེ་བར་གྱུར་ཅིག་ཅེའམ། དེ་བཞིན་དུ་ཚུལ་ཁྲིམས་འདིས་བདག་རྒྱུན་དུ་ཞུགས་པའི་འབྲས་བུའམ། ལན་ཅིག་ཕྱིར་འོང་བའི་འབྲས་བུའམ། ཕྱིར་མི་འོང་བའི་འབྲས་བུའམ། དགྲ་བཅོམ་པ་ཉིད་དམ། རང་བྱང་ཆུབ་ཉིད་ཀྱི་འབྲས་བུའམ། བྱང་
D11.032.0222a05.01ཆུབ་སེམས་དཔའི་སྐྱོན་མེད་པའམ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྗེས་སུ་ཐོབ་པར་གྱུར་ཅིག་སྙམ་དུ་ཆོས་གང་ལ་ཡང་མཆོག་ཏུ་འཛིན་པར་མི་བྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་མཚན་ཉིད་མེད་པའི་ཆོས་ཐམས་ཅད་ལ་ཤིན་ཏུ་བརྟན་པར་གནས་པའི་ཕྱིར་ཏེ།
D11.032.0222a06.01མཚན་ཉིད་མེད་པའི་ཆོས་ཀྱིས་མཚན་ཉིད་མེད་པའི་ཆོས་མི་འཐོབ་ཅིང་། མཚན་ཉིད་མི་འདྲ་བའི་ཆོས་ཀྱིས་ཀྱང་མཚན་ཉིད་མི་འདྲ་བའི་ཆོས་མི་འཐོབ་ལ། མཚན་ཉིད་མེད་པའི་ཆོས་ཀྱིས་ཀྱང་མཚན་ཉིད་མི་འདྲ་བའི་ཆོས་མི་འཐོབ་ཅིང་། མཚན་ཉིད་མི་འདྲ་བའི་ཆོས་ཀྱིས་ཀྱང་
D11.032.0222a07.01