完整藏文原文 · 德格版页 当前仅加载第 57 函德格 82b 版页；藏文 NFD、目录标记与异常页序保留在来源切片中，重复版页行以稳定序号区分。
ཤང་ཏེའུ་དག་སྒྲ་མངོན་པར་སྒྲོགས་པ་དང་ལྡན་པ། བུང་བ་མང་པོས་གང་བ། ས་གཞི་ནེའུ་གསིང་སྔོ་བ་དང་ལྡན་པའི་ནགས་ཚལ་ཆེན་པོ་མཆོག་ན། དགེ་སློང་ཁྲི་ཉིས་སྟོང་གི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། འདི་ལྟ་སྟེ། ཚེ་དང་ལྡན་པ་
D146.057.0082b01.01ཤཱ་རིའི་བུ་དང་། མཽད་གལ་གྱི་བུ་ཆེན་པོ་དང་། འོད་སྲུང་ཆེན་པོ་དང་། མ་འགགས་པ་དང་། རབ་འབྱོར་དང་། ཀཱཏྱཱའི་བུ་ཆེན་པོ་དང་། ཀ་པི་ན་ཆེན་པོ་དང་། ནག་པོ་དང་། དགའ་བོ་དང་། ལྟེང་རྒྱས་འོད་སྲུང་དང་། ཆུ་ཀླུང་འོད་སྲུང་དང་། ག་ཡཱ་འོད་སྲུང་དང་།
D146.057.0082b02.01བྱམས་མའི་བུ་གང་པོ་དང་། བ་ལང་བདག་དང་། བཀ་ཀུ་ལ་དང་། ལམ་བསྟན་དང་། ལམ་ཕྲན་བསྟན་དང་། གྱད་བུ་ནོར་དང་། སེང་ལྡེང་ནགས་དང་། སྐུལ་བྱེད་དང་། གསུས་པོ་ཆེ་དང་། སྒྲ་གཅན་ཟིན་དང་། ཚེ་དང་ལྡན་པ་ཀུན་དགའ་བོ་དང་། དེ་དག་
D146.057.0082b03.01ལ་སོགས་པ་དགེ་སློང་ཁྲི་ཉིས་སྟོང་དང་ཐབས་ཅིག་སྟེ། ཐམས་ཅད་ཀྱང་ཆོས་ཀྱི་དབྱིངས་ཚུལ་གཅིག་པའི་སྤྱོད་ཡུལ་ལ་གནས་པ། ངོ་བོ་ཉིད་ཀྱི་ཆོས་ཀྱི་ཚུལ་ལ་ཞུགས་པ་ནམ་མཁའ་གནས་མེད་པའི་སྤྱོད་ཡུལ་བ། མི་རྟེན་པར་གནས་པ། ཉོན་མོངས་པ་དང་།
D146.057.0082b04.01སྒྲིབ་པ་དང་། ཆོད་པ་དང་། ཀུན་ནས་དཀྲིས་པ་ཐམས་ཅད་དང་བྲལ་བ། དེ་བཞིན་གཤེགས་པའི་ཆོས་ཀྱི་དབྱིངས་སྣང་བའི་ཚུལ་ལ་ཞུགས་པ། ཆོས་ཐམས་ཅད་ཚུལ་གཅིག་པ་ལ་ཡང་དག་པར་གཞོལ་བ། ཐམས་ཅད་མཁྱེན་པ་ཉིད་ལ་མངོན་པར་ཕྱོགས་པ། ལམ་
D146.057.0082b05.01གྱི་རྒྱུན་མ་ཆད་པ། ཐམས་ཅད་མཁྱེན་པ་ཉིད་ལ་མོས་པ་མི་ཟློགས་པའི་ཡིད་དང་ལྡན་པ། ཤེས་རབ་དང་ཡེ་ཤེས་རྣམ་པར་མཐོང་བའི་དམ་པའི་ཕ་རོལ་ཏུ་ཕྱིན་པ། ཐབས་ཀྱི་ཡུལ་དང་སྤྱོད་ཡུལ་ལ་ངེས་པར་བྱང་བ་ཤ་སྟག་གོ། །དགེ་སློང་མ་སྐྱེ་དགུའི་བདག་མོ་ཆེན་མོ་
D146.057.0082b06.01དང་གྲགས་འཛིན་ལ་སོགས་པ་དགེ་སློང་མ་བརྒྱད་འབུམ་དང་ཡང་ཐབས་ཅིག་སྟེ་ཆོས་དཀར་པོ་ཤིན་ཏུ་ཡོངས་སུ་བསྡུས་པ་ཐམས་ཅད་མཁྱེན་པ་ཉིད་ཀྱི་ལམ་རབ་ཏུ་རྟོགས་པ། ཐམས་ཅད་མཁྱེན་པའི་ཡེ་ཤེས་དང་ཉེ་བར་གྱུར་པ། དངོས་པོ་མེད་པའི་ཆོས་ཀྱི་ཚུལ་ཤིན་ཏུ་རྟོགས་པ།
D146.057.0082b07.01