完整藏文原文 · 德格版页 当前仅加载第 57 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
ཁམས་སུ་ལོ་ལེགས་པར་འགྱུར་ཏེ། མུ་གེའི་དགོན་པ་འབྱུང་བར་མི་འགྱུར་ལགས་སོ། །ལོ་ཏོག་ཆབ་འཚལ་བར་འགྱུར་བའི་རྐྱེན་སེར་བ་དང་། བྱེ་བ་དང་། ནེ་ཙོ་དང་། བྱི་བ་ལ་སོགས་པའི་འཇིགས་པ་མི་འབྱུང་བ་ལགས་སོ། །གཅན་གཟན་མི་སྲུན་པ་རྣམས་
D146.057.0111b01.01ཀྱང་ཉུང་དུ་འགྱུར། ཚེགས་ཆུང་ངུས་ཀྱང་དེ་ལ་གནོད་པར་སེམས་པའི་དགྲ་རྣམས་རང་རང་གི་ལས་ཀྱི་རྣམ་པར་སྨིན་པའི་ཉེས་པས་ཕུང་ཞིང་བས་པ་དང་། མ་མཆིས་པར་འགྱུར་ལགས་སོ། །རྒྱལ་པོ་ཆེན་པོ་ཆོས་དང་ལྡན་པའི་ཆོས་ཀྱི་རྒྱལ་པོ་དེ་ལྟར་སྐྱེ་
D146.057.0111b02.01དགུ་སྐྱོང་བ་ནི་འཇིག་རྟེན་ན་དེས་པ་རྣམས་ལ་ནོངས་པ་མ་མཆིས་པར་འགྱུར་ལགས་ཏེ། ལུས་ཞིག་ནས་གུམ་པའི་འོག་ཏུ་ཡང་བདེ་འགྲོ་མཐོ་རིས་ཀྱི་འཇིག་རྟེན་དུ་ལྷའི་ནང་དུ་སྐྱེ་བར་འགྱུར་ལགས་སོ། །དེ་ལ་འདི་སྐད་ཅེས་བྱ་སྟེ། ཆོས་ལ་གུས་ཤིང་བག་
D146.057.0111b03.01མཆིས་དང་། །སྐྱེ་དགུ་ཕན་སྤྱོད་ཡུལ་འཁོར་ལྡན། །གཞན་གྱི་སྤྱོད་པ་རབ་རྟོགས་ཤིང་། །གཙང་ལ་མ་ཆགས་རྒྱལ་པོ་རྒྱལ། །དཔའ་བརྟན་བརྩོན་འགྲུས་ལྡན་གྱུར་ཅིང་། །འཇིག་རྟེན་བསྟན་བཅོས་བཟོ་རྩལ་མཁས། །བརྩོན་ཞིང་མཐར་ཕྱིན་སྒྲུབ་
D146.057.0111b04.01པ་ཡི། །རྒྱལ་པོ་བདེ་བར་སྐྱེ་དགུ་སྐྱོང་། །ཕན་ཞིང་བརྩོན་ལ་ངེས་སྨྲ་སྟེ། །སྙིང་རྗེ་ལྡན་ཞིང་གཞན་ཕན་བརྩོན། །སྐྱོན་ནམ་ཡོན་ཏན་ལྡན་རྟོགས་ན། །སྐྱེ་དགུ་ཕན་པའི་རྒྱལ་པོ་དགའ། །འབངས་ཀྱི་ཚོགས་རྣམས་ཀུན་དགའ་ཞིང་། །སྦྱིན་བགྱིད་དོན་
D146.057.0111b05.01སྤྱོད་གཞན་ལ་སྙོམས། །དཔུང་དང་བཞོན་པ་ལེགས་སྐྱོང་བའི། །རྒྱལ་པོ་རྒྱལ་སྲིད་ཡུན་རིང་སྐྱོང་། །སྲོག་གཅོད་སྤངས་དང་མ་བྱིན་ལེན། །གཞན་གྱི་མཆིས་བྲང་ལོག་སྨྲ་དང་། །ཕྲ་མ་དང་ནི་ངག་རྩུབ་དང་། །ཀྱལ་པའི་སྐྱོན་དང་ཆང་སྤངས་
D146.057.0111b06.01ཏེ། །འཚོ་དག་མི་ཡི་རྒྱལ་སྲིད་རྣམས། །སྤངས་ནས་ལྷ་ཡི་རྒྱལ་སྲིད་ལ། །རྒྱལ་པོ་གནས་འགྱུར་དེ་སླད་དུ། །རྒྱལ་པོ་ཚུལ་ཁྲིམས་བཟང་པོར་མཛོད། །རྒྱལ་པོའི་ཚུལ་གྱི་ལེའུ་སྟེ་དྲུག་པའོ།། །།
D146.057.0111b07.01