完整藏文原文 · 德格版页 当前仅加载第 57 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ད་ལྟར་ལའང་། །དེ་ཡི་ཡེ་ཤེས་ཐོགས་མ་མཆིས། །དགེ་སྦྱོང་བདག་ཉིད་ཆེ་བ་ཡིས། །དེ་ཡི་ཡོན་ཏན་འདི་འདྲ་བས། །འདི་ལས་གཞན་ཡང་ཚད་མེད་པ། །བདག་གིས་བགྲང་བར་རྔོ་མི་ཐོགས། །དེ་ནས་རྒྱལ་པོ་གཏུམ་པོ་རབ་སྣང་དེ་བཞིན་གཤེགས་པའི་ཡོན་ཏན་དང་ཆེ་བ་
D146.057.0128b01.01བསམ་གྱིས་མི་ཁྱབ་པ་རྣམ་པ་དེ་ལྟ་བུ་དག་ཐོས་ནས། །ཚིམ་ཞིང་མགུ་ལ་ཡི་རངས་ཏེ་རབ་ཏུ་དགའ་ནས་དགའ་བ་དང་ཡིད་བདེ་བ་སྐྱེས་ཏེ། གཅེར་བུ་པའི་བུ་བདེན་སྨྲ་ལ་དད་པ་ཚད་མེད་ཅིང་བསམ་གྱིས་མི་ཁྱབ་པ་སྐྱེས་པར་གྱུར་ཏེ། སྟོན་པའི་འདུ་ཤེས་རྙེད་ནས། དགེ་བའི་བཤེས་
D146.057.0128b02.01གཉེན་གྱི་འདུ་ཤེས་དང་། བྱང་ཆུབ་སྟོན་པའི་འདུ་ཤེས་དང་། ཐམས་ཅད་མཁྱེན་པར་སྒྲོལ་བའི་འདུ་ཤེས་དང་། ཡང་དག་པར་སྐུལ་བའི་འདུ་ཤེས་དང་། རྗེས་སུ་དྲན་པར་བྱེད་པའི་འདུ་ཤེས་དང་། བྱང་ཆུབ་སེམས་དཔའི་རྣམ་པར་ཐར་པ་བསམ་གྱིས་མི་ཁྱབ་པ་ལ་གནས་པའི་འདུ་ཤེས་
D146.057.0128b03.01ཀྱང་ཐོབ་པར་གྱུར་ཏོ། །དེས་འདུ་ཤེས་ཡིད་ལ་བྱ་བ་དེ་ལྟ་བུ་དང་ལྡན་པའི་སེམས་ཀྱིས་མུ་ཏིག་གི་ཕྲེང་བ་འབུམ་རི་བ་དང་རིན་ཐང་མེད་པའི་རས་བཅོས་བུ་ཕྲུགས་སུ་སྦྱར་བས་གཅེར་བུ་པའི་བུ་བདེན་སྨྲ་ལ་ཆོས་ཀྱི་དགབ་པའི་ཕྱིར་བསྐོན་ནོ། །འདི་སྐད་ཀྱི་ཚིག་ཏུ་བརྗོད་པ་ཡང་ཆེད་དུ་བརྗོད་དེ། བདེན་
D146.057.0128b04.01སྨྲ་ཁྱོད་ཀྱིས་ཆོས་ཀྱི་ཚུལ་ལ་མཁས་པ་རྣམ་པ་འདི་ལྟ་བུ་འདི་ལེགས་པར་སྨྲས་པ་ལེགས་སོ་ལེགས་སོ། །བདེན་སྨྲ་ཁྱོད་ཀྱིས་ཆོས་བསྟན་པ་འདི་ནི་ཐམས་ཅད་མཁྱེན་པའི་ཡེ་ཤེས་དང་འཐུན་པའི་ཕྱིར་རྗེས་སུ་འཐུན་པའོ། །ཁྱོད་ཀྱིས་ཆོས་བསྟན་པ་འདི་ནི་ཐམས་ཅད་མཁྱེན་པ་ཉིད་ཐོབ་
D146.057.0128b05.01པར་བྱེད་པའོ། །ཁྱོད་ཀྱིས་ཆོས་བསྟན་པ་འདི་ནི་འཁོར་བ་ནས་འབྱུང་བར་བྱེད་པའོ། །ཁྱོད་ཀྱིས་ཆོས་བསྟན་པ་འདི་ནི་ཉོན་མོངས་པའི་དྲི་མ་རྣམས་དག་པར་བྱེད་པའོ། །ཁྱོད་ཀྱིས་ཆོས་བསྟན་པ་འདི་ནི་སེར་སྣའི་སྒོ་གླེགས་རྣམས་འཇོམས་པའོ། །ཁྱོད་ཀྱིས་ཆོས་བསྟན་པ་འདི་ནི་གཏོང་
D146.057.0128b06.01བའི་རྔ་རྣམས་རྡུང་བར་བྱེད་པའོ། །ཁྱོད་ཀྱིས་ཆོས་བསྟན་པ་འདི་ནི་ང་རྒྱལ་གྱི་རི་རྣམས་རྙིལ་བར་བྱེད་པའོ། །ཁྱོད་ཀྱིས་ཆོས་བསྟན་པ་འདི་ནི་སྲེད་པའི་རྒྱ་མཚོ་སྐེམ་པར་བྱེད་པའོ། །ཁྱོད་ཀྱིས་ཆོས་བསྟན་པ་འདི་ནི་མི་ཤེས་པའི་ཐིབས་པོ་སྣང་བར་བྱེད་པའོ། །ཁྱོད་ཀྱིས་ཆོས་བསྟན་པ་འདི་ནི་སེམས་
D146.057.0128b07.01