完整藏文原文 · 德格版页 当前仅加载第 57 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
མོས་པ་མེད་པ་ཡིན། རང་བཞིན་གྱིས་སྙིང་རྗེའི་སྤྱོད་ཡུལ་དང་ལྡན་ཞིང་དཀར་པོའི་རང་བཞིན་ཅན་ཡིན། བཅོས་མ་མ་ཡིན་པའི་ལྷག་པའི་བསམ་པའི་སྤྱོད་ཡུལ་དང་ལྡན་ཞིང་ཡི་དམ་ལ་བརྟན་པ་ཡིན། ཚོགས་ཤིན་ཏུ་བསགས་ཤིང་སྤྱད་པ་ལེགས་པར་སྤྱད་པ་ཡིན། སངས་རྒྱས་འབྱུང་བ་
D146.057.0087b01.01ལེགས་པར་བསྙེན་བཀུར་ཞིང་དཀར་པོའི་ཆོས་ལེགས་པར་ཡོངས་སུ་བསྡུས་པ་ཡིན། ལུས་དང་ངག་དང་ཡིད་ཀྱི་ལས་ཀྱི་མཐའ་ཁ་ན་མ་ཐོ་བ་མེད་པ་དང་ལྡན་ཞིང་སྡིག་པའི་ལས་ཐམས་ཅད་བོར་བ་ཡིན། སྡིག་པའི་གྲོགས་པོ་ཐམས་ཅད་ཡོངས་སུ་སྤངས་ཤིང་དགེ་བའི་བཤེས་གཉེན་ལ་
D146.057.0087b02.01བརྟེན་པ་ཡིན། ཇི་ལྟར་སྨྲས་པ་དེ་བཞིན་དུ་བྱེད་ཅིང་སླུ་བ་མེད་པ་ཡིན། བགེད་པའི་ངང་ཚུལ་ཅན་ཡིན་ཞིང་རོ་བྲོ་བ་རྣམས་ལ་མ་ཞེན་མ་ཆགས་པ་མང་བ་ཡིན། དེ་བཞིན་གཤེགས་པའི་བྱིན་གྱི་རླབས་ཀྱིས་བྱིན་གྱིས་བརླབས་ཤིང་བདུད་ཀྱི་བྱིན་གྱི་རླབས་དང་བྲལ་བ་ཡིན། སེམས་
D146.057.0087b03.01ཅན་ཐམས་ཅད་ལ་ཡང་དང་ཡང་སྙིང་རྗེ་ཆེན་པོ་ཡང་དག་པར་འཇུག་པ་ཡིན། བདོག་པ་ཐམས་ཅད་ཡོངས་སུ་གཏོང་ཞིང་མ་ཆགས་པའི་སེམས་དང་ལྡན་པ་ཡིན་ཏེ། རིགས་ཀྱི་བུ་ཡོན་ཏན་གྱི་ཆོས་བཅུ་གཉིས་པོ་དེ་དག་དང་ལྡན་པའི་རིགས་ཀྱི་བུ་འམ་རིགས་ཀྱི་བུ་མོ་བླ་ན་མེད་
D146.057.0087b04.01པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེ་སྟེ། འདི་ལྟ་སྟེ། སེམས་ཅན་ཐམས་ཅད་བདེ་བར་བྱ་བའི་ཕྱིར་ཕན་པའི་སེམས་སོ། །སྡིག་པ་ཐམས་ཅད་མི་བྱེད་པའི་ཕྱིར་སྙིང་རྗེའི་སེམས་སོ། །སེམས་ཅན་ཐམས་ཅད་ཀྱི་ཁུར་བཀུར་བའི་ཕྱིར་སྙིང་རྗེ་ཆེན་པོའི་སེམས་སོ། །
D146.057.0087b05.01ངན་འགྲོ་ཐམས་ཅད་རབ་ཏུ་སིམ་པར་བྱེད་པའི་ཕྱིར་བྱམས་པ་ཆེན་པོའི་སེམས་སོ། །ཐེག་པ་གཞན་མི་འདོད་པའི་ཕྱིར་དག་པའི་སེམས་སོ། །ཉོན་མོངས་པའི་རྙོག་པ་སེལ་བའི་ཕྱིར་ཉོན་མོངས་པ་མེད་པའི་སེམས་སོ། །རང་བཞིན་གྱིས་འོད་གསལ་བའི་ཕྱིར་འོད་གསལ་བའི་སེམས་
D146.057.0087b06.01སོ། །རྫས་མེད་པའི་ཕྱིར་སྒྱུ་མ་ལྟ་བུའི་སེམས་སོ། །དངོས་པོ་དང་བྲལ་བའི་ཕྱིར་དངོས་པོ་མེད་པའི་སེམས་སོ། །མི་སྒུལ་བའི་ཕྱིར་བརྟན་པའི་སེམས་སོ། །ཆོས་ཐམས་ཅད་ངེས་པར་རྟོག་པའི་ཕྱིར་མི་ཟློག་པའི་སེམས་སོ། །ཇི་སྐད་སྨྲས་པ་དེ་བཞིན་དུ་བྱེད་པའི་ཕྱིར་སེམས་
D146.057.0087b07.01