完整藏文原文 · 德格版页 当前仅加载第 57 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
ཅང་འདོད་ཆེན་ཆེ་བར་མི་བགྱིའོ། །དེ་ཅིའི་སླད་དུ་ཞེ་ན། རྒྱལ་པོ་ཆེན་པོ་འདོད་ཆེན་ཆེ་བ་ནི་ཚེ་འདི་ཉིད་ལ་ཡང་སེམས་ཅན་རྣམས་ཀྱིས་ཡིད་བརྟན་དུ་མི་རུང་བ་ལགས་ལ། ལུས་ཞིག་ནས་ཀྱང་ངན་སོང་རྣམས་སུ་སྐྱེ་བར་འགྱུར་བའི་སླད་དུའོ། །དེ་ལ་འདི་སྐད་ཅེས་བགྱི་སྟེ། གང་
D146.057.0116b01.01ཞིག་སོགས་ལ་བརྩོན་གྱུར་ཅིང་། །ལོངས་སྤྱོད་ཐོབ་ཀྱང་དགར་མི་ཚོར། །གཞན་གྱི་ལོངས་སྤྱོད་འཕྲོག་བགྱིད་ཅིང་། །མི་རིགས་འདོད་ལྡན་སེམས་ཅན་གང་། །དེ་ནི་གུམ་ནས་ངན་སོང་མཆི། །ཚེ་འདིར་སྲོག་ཆགས་ཡིད་མི་མཆི། །དེ་བས་སྐྱེས་བུ་མཁས་པ་ཡིས།
D146.057.0116b02.01མི་རིགས་འདོད་ཆེན་ཡོངས་སུ་སྤང་། །སྨྲས་པ། བྲམ་ཟེ་སེམས་ཅན་གྱི་རིས་ཀྱི་འཇིག་རྟེན་འདི་ན་སེམས་ཅན་གང་ལ་ལ་མཛངས་ཤིང་མཁས་ལ་བརྟགས་ཤིང་ཡིད་གཞུངས་པར་གྱུར་པ་ཡིན་ལ། །དེ་ཡང་སྐྱོན་དང་བཅས་པར་གྱུར་པ་གཞན་ཡང་ཡོད་དམ། སྨྲས་པ།
D146.057.0116b03.01རྒྱལ་པོ་ཆེན་པོ་མཆིས་སོ། །སྨྲས་པ། བྲམ་ཟེ་དེ་གང་། སྨྲས་པ། རྒྱལ་པོ་ཆེན་པོ་རྒྱལ་བུ་གཞོན་ནུ་ལྷ་ཆེན་པོ་འདི་ནི་མཛངས་ཤིང་མཁས་ལ་བརྟགས་ཤིང་ཡིད་གཞུངས་པ་ལགས་ན། །དེ་ཡང་སྐྱོན་དང་བཅས་པ་ལགས་སོ། །སྨྲས་པ། བྲམ་ཟེ་རྒྱལ་བུ་
D146.057.0116b04.01གཞོན་ནུ་ལྷ་ཆེན་པོའི་སྐྱོན་གང་། སྨྲས་པ། རྒྱལ་པོ་ཆེན་པོ་རྒྱལ་བུ་གཞོན་ནུ་ལྷ་ཆེན་པོ་ནི་རྒོད་ཅིང་ཅ་ཅོ་ཅན་མ་ཞི་བ་སྟེ། རྒྱལ་པོ་ཆེན་པོ་མཁས་པས་ནི་རྒོད་པར་མི་བགྱིའོ། །དེ་ཅིའི་སླད་དུ་ཞེ་ན། རྒྱལ་པོ་ཆེན་པོ་རྒོད་པ་ནི་ཞི་གནས་དང་། ལྷག་མཐོང་གི་བགེགས་
D146.057.0116b05.01སུ་འགྱུར་བའི་ཆོས་ལགས་པ་དང་། ངན་སོང་དུ་མཆི་བའི་རྒྱུར་གྱུར་པའི་སླད་དུའོ། །དེ་བས་ན་མཁས་པས་རྒོད་པར་མི་བགྱིའོ། །དེ་ལ་འདི་སྐད་ཅེས་བགྱི་སྟེ། རྒོད་པའི་དྲི་མར་བཅས་པའི་སེམས། །མཁས་པས་བསྔགས་པ་མ་ལགས་ཏེ། །སྡུག་བསྔལ་མཐར་ཕྱིན་
D146.057.0116b06.01ཏིང་ངེ་འཛིན། །བསྒྲིམས་ཀྱང་མི་འཐོབ་ག་ལ་ཐར། །ཡོན་ཏན་གྲགས་པ་འཇིག་བགྱིད་པའི། །རྒོད་པ་དེ་སླད་སྤང་བར་བགྱི། །སྐྱེས་བུ་དོན་ཆེན་འཚལ་བ་ལ། །འདི་དང་གཞན་དུའང་དེ་གནོད་འགྱུར། །སྨྲས་པ། བྲམ་ཟེ་སེམས་ཅན་གྱི་རིས་ཀྱི་འཇིག་རྟེན་འདི་ན་སེམས་
D146.057.0116b07.01