完整藏文原文 · 德格版页 当前仅加载第 57 函德格 89b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་སེམས་ཅན་ཐམས་ཅད་ལ་མི་འཇིགས་པའི་སྦྱིན་པ་བྱིན་པར་འགྱུར་བར་མཐོང་བས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བརྩོན་པར་བྱ་བ་དང་། ལུས་དང་ངག་དང་ཡིད་ཀྱི་ལས་སྡོམ་པ་ཐོབ་པར་འགྱུར་བར་མཐོང་བས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བརྩོན་པར་བྱ་བ་དང་།
D146.057.0089b01.01བདག་གིས་སངས་རྒྱས་ཀྱི་ཆོས་ཐམས་ཅད་བསྒྲུབ་པར་འགྱུར་བར་མཐོང་བས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བརྩོན་པར་བྱ་བ་དང་། བདག་གིས་དེ་བཞིན་གཤེགས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་བླ་ན་མེད་པ་ཡོངས་སུ་སྦྱངས་པར་འགྱུར་བར་མཐོང་བས་ཚུལ་ཁྲིམས་
D146.057.0089b02.01ཀྱི་ཕ་རོལ་ཏུ་ཕྱིན་པ་ལ་བརྩོན་པར་བྱ་བ་སྟེ། རིགས་ཀྱི་བུ་ཡོན་ཏན་གྱི་ཕན་ཡོན་བཅུ་གཉིས་པོ་དེ་དག་ཡང་དག་པར་མཐོང་བའི་བྱང་ཆུབ་སེམས་དཔའ་སེམས་དཔའ་ཆེན་པོས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བརྩོན་པར་བྱ་སྟེ། ཚུལ་ཁྲིམས་དེ་ཡང་ཐམས་ཅད་མཁྱེན་
D146.057.0089b03.01པ་ཉིད་དུ་ཡོངས་སུ་བསྔོ་བར་བྱའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །བདག་གི་ཉོན་མོངས་འཆིང་བ་ལྷོད་འགྱུར་ཞིང་། །བདག་ནི་ངན་འགྲོའི་སྒོ་བཅད་འགྱུར་རོ་ཞེས། །མཁས་པས་ཕན་ཡོན་ཡོངས་སུ་བསམ་བྱས་
D146.057.0089b04.01ལ། །ཚུལ་ཁྲིམས་གཡག་རྔ་བཞིན་དུ་བསྲུང་བར་བྱ། །སངས་རྒྱས་རྗེས་བསྟན་རྗེས་སུ་བདག་འབྲང་ཞིང་། །བདེ་བར་གཤེགས་པས་རྟག་ཏུ་བསྔགས་འགྱུར་ལ། །བདག་གིས་བྱིན་བརླབས་དོན་མེད་མི་འགྱུར་བ། །ཚུལ་ཁྲིམས་གནས་ལས་འགྱུར་ཞེས་ཚུལ་ཁྲིམས་
D146.057.0089b05.01བསྲུང་། །ལུས་དང་ངག་ལ་ཁ་ན་མ་ཐོ་མེད། །སེམས་ལ་སྐྱོན་མེད་ཆོས་ལ་སྤྱོད་པར་འགྱུར། །ལུས་ཀྱིས་བསྲུངས་ལ་ངག་གིས་བསྲུངས་གྱུར་ཅིང་། །སེམས་ཀྱིས་སྡིག་པ་རྣམ་པར་སེམས་མི་འགྱུར། །བག་ཡོད་བདེ་བར་གཤེགས་པས་བསྔགས་པ་སྟེ། །དགེ་བའི་
D146.057.0089b06.01ལས་ཀྱི་རྩ་བར་གང་གྱུར་པ། །དེ་ལ་རྟག་ཏུ་བག་ཡོད་བདག་གནས་བྱ། །བག་མེད་ཐམས་ཅད་རྟག་པར་ཡོངས་སུ་སྤང་། །ཚུལ་ཁྲིམས་ཕ་རོལ་ཕྱིན་པའི་མཆོག་གནས་ན། །སངས་རྒྱས་ཆོས་རྣམས་བདག་གིས་ཐོབ་པར་འགྱུར། །སངས་རྒྱས་ཚུལ་ཁྲིམས་རབ་ཏུ་
D146.057.0089b07.01