完整藏文原文 · 德格版页 当前仅加载第 57 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
རིས་གང་ཇི་སྙེད་ཅིག་ཡོད་པ་དེ་དག་ཐམས་ཅད་མེ་ཏོག་དང་ཕྲེང་བ་དང་། སྤོས་དང་། ཕྱེ་མ་དང་། བྱུག་པ་དང་། སིལ་སྙན་དང་། ཕེག་ཐོགས་ཤིང་བྱང་ཆུབ་ཀྱི་སྙིང་པོ་ཆོས་ཀྱིས་འཕགས་པ་ག་ལ་བ་དེར་དོང་སྟེ། གླུ་དང་རོལ་མོ་སྣ་ཚོགས་བྱེད་པར་འགྱུར་རོ། །
D146.057.0136a01.01འོག་མིན་རིས་ཀྱི་མཐར་ཐུག་པའི་ལྷའི་ཚོགས་ཐམས་ཅད་ཀྱང་དེར་འདུ་བར་འགྱུར་རོ། །གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། མི་འམ་ཅི་དང་། ལྟོ་འཕྱེ་ཆེན་པོའི་ཚོགས་ཕལ་པོ་ཆེའང་དེར་འདུ་བར་འགྱུར་རོ། །ཤར་ཕྱོགས་དང་། ལྷོ་ཕྱོགས་དང་། ནུབ་ཕྱོགས་
D146.057.0136a02.01དང་། བྱང་ཕྱོགས་དག་ནས་ཀྱང་བྱང་ཆུབ་སེམས་དཔའི་ཚོགས་ཤིན་ཏུ་མང་བ་འདུ་བར་འགྱུར་རོ། །འཇམ་དཔལ་དེ་བཞིན་གཤེགས་པ་བདེན་པའི་བློ་གྲོས་ཀྱི་ཏོག་གི་རྒྱལ་པོ་དེ་ཐོག་མ་མངོན་པར་རྫོགས་པར་སངས་རྒྱས་ནས་འདུས་པའི་འཁོར་དུ་བྱང་ཆུབ་སེམས་དཔའི་སྤྱོད་
D146.057.0136a03.01ཡུལ་གྱི་ཐབས་ཀྱི་ཡུལ་ལ་རྣམ་པར་འཕྲུལ་བ་བསྟན་པའི་ཆོས་ཀྱི་རྣམ་གྲངས་ཆེན་པོ་མདོ་སྡེ་བྱེ་བ་འབུམ་ཕྲག་དུ་མའི་འཁོར་དང་ལྡན་པ་སྟོན་པར་འགྱུར་ཏེ། འཇམ་དཔལ་དེ་བཞིན་གཤེགས་པ་བདེན་པའི་བློ་གྲོས་ཀྱི་ཏོག་གི་རྒྱལ་པོ་དེས་ཆོས་ཀྱི་རྣམ་གྲངས་དེ་བསྟན་པའི་ཚེ་
D146.057.0136a04.01སེམས་ཅན་གང་གཱའི་ཀླུང་གི་བྱེ་མ་སྙེད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་ཏེ། འཇམ་དཔལ་དེ་བཞིན་གཤེགས་པ་བདེན་པའི་བློ་གྲོས་ཀྱི་ཏོག་གི་རྒྱལ་པོ་དེས་ཆོས་སྟོན་པ་ནི་ཐེག་པ་གསུམ་རྣམ་པར་དགོད་པས་མི་སྟོན་ཏེ། སངས་
D146.057.0136a05.01རྒྱས་ཀྱི་ཞིང་དེར་ཉན་ཐོས་ཀྱི་ཐེག་པ་པའམ། རང་སངས་རྒྱས་ཀྱི་ཐེག་པ་པ་དག་འབྱུང་བར་མི་འགྱུར་རོ། །སེམས་ཅན་ཐམས་ཅད་ཀྱང་ཐེག་པ་གཅིག་ལ་མོས་པ་རྒྱ་ཆེན་པོ་ལ་མོས་པ་ཤ་སྟག་སངས་རྒྱས་ཀྱི་ཞིང་དེར་སྐྱེ་བར་འགྱུར་ཏེ། འཇམ་དཔལ་དེ་ལྟར་དེ་བཞིན་གཤེགས་པ་
D146.057.0136a06.01བདེན་པའི་བློ་གྲོས་ཀྱི་ཏོག་གི་རྒྱལ་པོ་དེའི་འདུས་པ་དང་པོ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་མི་ལྡོག་པ་གང་གཱའི་ཀླུང་གི་བྱེ་མ་སྙེད་དུ་འགྱུར་རོ། །འདུས་པ་གཉིས་པ་ནི་བྱང་ཆུབ་སེམས་དཔའ་སྐྱེ་བ་གཅིག་གིས་ཐོགས་པ་ཁྲག་ཁྲིག་ཕྲག་བརྒྱད་ཅུར་
D146.057.0136a07.01