完整藏文原文 · 德格版页 当前仅加载第 57 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
བརྐམ་དང་། །སྲིད་པའི་འདོད་ཆགས་རྒྱ་མཚོར་ལྷུང་བ་རྣམས། །གཟིགས་ནས་རྒྱལ་བའི་ཐུགས་རྗེ་ཆེན་པོ་སྐྱེ། །ནད་དང་མྱ་ངན་རྣམ་པ་མང་དག་གིས། །ཤིན་ཏུ་གཙེས་པའི་སྐྱེ་དགུ་ཉོན་མོངས་རྣམས། །གཟིགས་ནས་སྡུག་བསྔལ་མ་ལུས་བསལ་སླད་
D146.057.0125a01.01དུ། །སྟོབས་བཅུ་མངའ་བའི་ཐུགས་རྗེ་རབ་ཏུ་སྐྱེ། །ཐུབ་པའི་ཐུགས་རྗེ་ཆེན་པོ་རྟག་བྱུང་སྟེ། །དེ་མི་འབྱུང་བ་ནམ་ཡང་སྲིད་མི་འགྱུར། །འགྲོ་བ་ཀུན་གྱི་བསམ་པ་གནས་པ་སྟེ། །དེ་བས་སངས་རྒྱས་དེ་ལ་སྐྱོན་མི་མངའ། །རྒྱལ་པོ་ཆེན་པོ་མདོར་ན་དགེ་སྦྱོང་གཽ་ཏ་མ་དེ་ནི་དྲན་
D146.057.0125a02.01པ་ཉེ་བར་གཞག་པ་བཞི་དང་ལྡན་པའོ། །རྒྱལ་པོ་ཆེན་པོ་དགེ་སྦྱོང་གཽ་ཏ་མ་དེ་ནི་ཡང་དག་པའི་སྤོང་བ་བཞི་དང་། རྫུ་འཕྲུལ་གྱི་རྐང་པ་བཞི་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ་དང་ལྡན་པ་སྟེ།
D146.057.0125a03.01དེའི་སླད་དུ་དེ་ལ་སྐྱོན་མ་མཆིས་པ་ལགས་སོ། །དེ་ལ་འདི་སྐད་ཅེས་བགྱི་སྟེ། དྲན་པ་ཉེ་བར་གཞག་པ་བཞི་པོ་མཁྱེན། །ཡང་དག་སྤོང་བཞི་མཁྱེན་ཏེ་ཟླ་མ་མཆིས། །ཏིང་འཛིན་བསམ་གཏན་སྦྱོར་ལ་དེ་མངའ་ཆེ། །དེ་ལྟར་སེམས་ཅན་རླབས་ཆེན་སྐྱོན་མ་མཆིས། །འཇིག་རྟེན་
D146.057.0125a04.01མགོན་གཅིག་རྫུ་འཕྲུལ་རྐང་མཉམ་པས། །སོ་སོ་ཡང་དག་རིག་པའི་ཕ་རོལ་བྱོན། །དྲང་སྲོང་ཆེན་པོ་རིག་དང་རྣམ་གྲོལ་མཁས། །ཐུབ་པ་རྣམ་དག་སེམས་ཅན་ཐབས་མཁྱེན་ལྡན། །བྱམས་དང་སྙིང་རྗེ་དགའ་དང་བཏང་སྙོམས་དང་། །ཚངས་པའི་གནས་པ་བཞི་ལ་དེ་དབང་
D146.057.0125a05.01སྒྱུར། །ལྷག་མཐོང་ཞི་གནས་གཉིས་ལ་རྣལ་འབྱོར་པ། །དེ་བས་དེ་ལ་ནམ་ཡང་སྐྱོན་མ་མཆིས། །བྱང་ཆུབ་ཡན་ལག་རིན་ཆེན་རྒྱན་མཆོག་ལྡན། །ཡན་ལག་བརྒྱད་ལྡན་ལམ་ཆུ་དྲི་མེད་བཀྲུས། །བདེ་ཞིང་མི་གཡོ་འཇིགས་དང་གང་བྲལ་བའི། །ལམ་དེ་ཉིད་ལ་འགྲོ་
D146.057.0125a06.01བ་སྦྱོར་བར་མཛད། །ཐུབ་པ་ཁྱུ་མཆོག་དེ་དང་གང་འདྲ་བའི། །སེམས་ཅན་འཇིག་རྟེན་འདི་ན་འགའ་མ་མཆིས། །ཐམས་ཅད་ཟིལ་གནོན་ཡོན་ཏན་ཀུན་དང་ལྡན། ཡོན་ཏན་དབང་ཕྱུག་དེ་ལ་སྨད་མ་མཆིས། །རྒྱལ་པོ་ཆེན་པོ་དགེ་སྦྱོང་གཽ་ཏ་མ་དེ་ནི་སྟོབས་བཅུ་དང་ལྡན་པའོ། །
D146.057.0125a07.01