完整藏文原文 · 德格版页 当前仅加载第 57 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཟིལ་གྱིས་མནན་ནས་སུ། །ཕྱོགས་རྣམས་ཀུན་ནས་ལྷན་ནེར་རྣམ་པར་མཛེས། །དེ་བཞིན་ཐུབ་པ་ཡོན་ཏན་མངའ་བ་པོ། །ཡེ་ཤེས་རི་བོའི་དབང་པོ་འཇིག་རྟེན་ལས། །མངོན་པར་འཕགས་ཤིང་འཁོར་ཀུན་ཟིལ་མནན་ཏེ། །རྟག་ཏུ་ལྷན་ནེར་བཞུགས་ཤིང་རྣམ་པར་མཛེས། །
D146.057.0085b01.01དཔེར་ན་མཁའ་ལ་གནས་པའི་དགུང་ཟླ་ནི། །མར་གྱི་ངོ་ལ་མཛེས་པ་མ་ལགས་ཀྱི། །དཔལ་ལྡན་དགུང་ཟླ་ཉ་བ་རྒྱས་པ་ནི། །སྐར་མའི་ཚོགས་རྣམས་ཐམས་ཅད་ཟིལ་གྱིས་གནོན། །དེ་བཞིན་སྟོབས་བཅུ་མངའ་བ་ཐུབ་པ་ཁྱོད། །རང་གི་སློབ་མ་སྐར་ཚོགས་ཞབས་འབྲིང་
D146.057.0085b02.01མངའ། །འཇིག་རྟེན་ཐམས་ཅད་ཟིལ་གྱིས་མནན་མཛད་ཅིང་། །ཡེ་ཤེས་འོད་རྣམས་ཀྱིས་ཀྱང་སིམ་པར་མཛད། །དྲང་སྲོང་དཔེར་ན་གདུགས་ཀྱི་དཀྱིལ་འཁོར་ནི། །འཇིག་རྟེན་ཐམས་ཅད་ཟིལ་མནན་རབ་ཏུ་ལྷན། །མི་ཡི་ཉི་མ་ཁྱོད་ཀྱང་དེ་བཞིན་ཏེ། །བློ་གྲོས་
D146.057.0085b03.01འོད་ཀྱིས་འཇིག་རྟེན་ཀུན་ཟིལ་གནོན། །དཔེར་ན་རི་མཆོག་མཆིས་པའི་ཞུགས་ཀྱི་ཚོགས། །གཟི་བརྗིད་ཀྱིས་ནི་ཕྱོགས་བཅུ་རྣམ་པར་མཛེས། །དེ་བཞིན་ཡེ་ཤེས་རི་བཞུགས་ཐུབ་པ་ཡང་། །ཕྱོགས་བཅུ་དག་ཏུ་རྣམ་པར་མཛེས་པ་ལགས། །དཔེར་ན་{རི་དགས་,རི་དྭགས་}རྒྱལ་
D146.057.0085b04.01པོས་{རི་དགས་,རི་དྭགས་}ཕྲན། །ཟིལ་གྱིས་མནན་ཅིང་དེར་གནས་མངོན་པར་མཛེས། །མུ་སྟེགས་ཅན་གཞན་ཀུན་གྱི་ནང་གནས་ཤིང་། །ཐུབ་པ་ཁྱོད་ཀྱང་དེ་བཞིན་རྣམ་པར་མཛེས། །དཔེར་ན་འདི་ན་མི་བདག་འཁོར་ལོས་སྒྱུར། །འགྲོ་བ་ཟིལ་གྱིས་མནན་ཅིང་རྣམ་པར་མཛེས། །
D146.057.0085b05.01མགོན་པོ་ཆོས་མཆོག་འཁོར་ལོས་སྒྱུར་བ་ཡང་། །འགྲོ་བའི་ནང་ན་དེ་བཞིན་རྣམ་པར་མཛེས། །དཔེར་ན་སུམ་ཅུ་གསུམ་དབང་བརྒྱ་བྱིན་ནི། །ལྷ་རྣམས་ཟིལ་གྱིས་མནན་ནས་མངོན་པར་མཛེས། །མཚུངས་པ་མ་མཆིས་དེ་བཞིན་ཚོགས་པ་རྣམས། །ཐམས་ཅད་
D146.057.0085b06.01ཟིལ་གྱིས་མནན་ནས་རྣམ་པར་མཛེས། །དེ་ནས་འཇམ་དཔལ་གཞོན་ནུར་གྱུར་པས་བཅོམ་ལྡན་འདས་ལ་ཚིགས་སུ་བཅད་པ་དེ་དག་གིས་མངོན་པར་བསྟོད་ནས་ཐལ་མོ་སྦྱར་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་ཐོས་པས་རྒྱ་ཆེན་པོ་ལ་མོས་
D146.057.0085b07.01