完整藏文原文 · 德格版页 当前仅加载第 57 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
བསྡུད་མཛད་དེ། །མཚན་ཉིད་མེད་པའི་བྱང་ཆུབ་མཚན་དུ་སྒྱུར། །རྒྱལ་པོ་འཁོར་ལོས་སྒྱུར་ལ་འཚེ་མེད་དེ། །དེ་ལ་བསྡོ་བའི་དམག་ཚོགས་ཡོད་མ་ཡིན། །ཆོས་ཀྱི་རྒྱལ་སྲིད་ཆེན་པོ་ངས་བཟུང་ན། །དེ་ལ་མུ་སྟེགས་ཅན་གྱི་ཡུལ་མེད་དོ། །དཔེར་ན་ཉི་མའི་དཀྱིལ་འཁོར་ཤར་
D146.057.0098b01.01གྱུར་ན། །སྲིན་བུ་མེ་ཁྱེར་ཀུན་འོད་ཟིལ་གྱིས་གནོན། །དེ་བཞིན་ཡེ་ཤེས་དཀྱིལ་འཁོར་ཤར་གྱུར་ན། །མུ་སྟེགས་ཅན་རྣམས་ཐམས་ཅད་འོད་མེད་འགྱུར། །ཡུལ་ནི་གང་ན་ཁབ་ལོང་གནས་གྱུར་པ། །དེ་ན་ལྕགས་ཀྱི་རྣམ་པ་གཞན་མེད་དེ། །ཞིང་མཆོག་གང་ན་དེ་བཞིན་
D146.057.0098b02.01གཤེགས་བཞུགས་པ། །དེར་ནི་མུ་སྟེགས་ཅན་རྣམས་འབྱུང་བ་མེད། །གསེར་གྱི་རྒྱལ་པོ་ཡུལ་གང་བྱུང་གྱུར་པ། །དེ་ནས་འགྱེས་པའི་ཕུང་པོའི་ལྕགས་མི་འབྱུང་། །གང་དུ་འདྲེན་པས་བྱང་ཆུབ་བརྙེས་གྱུར་པ། །ཞིང་དེར་མུ་སྟེགས་ཅན་གྱི་ཚོགས་མི་འབྱུང་། །ཡིད་བཞིན་ནོར་བུ་མཆིང་
D146.057.0098b03.01བུ་ཕྲད་འགྱུར་བ། །བདེན་པའི་ཚུལ་དུ་ནམ་ཡང་འབྱུང་བ་མེད། །དེ་བཞིན་སངས་རྒྱས་རིན་ཆེན་མུ་སྟེགས་ཅན། །ཞིང་གཅིག་ཏུ་ནི་ནམ་ཡང་འབྱུང་མི་འགྱུར། །མུ་སྟེགས་ཅན་སྒོ་འདི་ཀུན་བསམ་གཏན་དང་། །མངོན་ཤེས་དབང་སྒྱུར་མཁས་ཡིན་ཤེས་པར་གྱིས། །ཤེས་རབ་
D146.057.0098b04.01ཐབས་ཀྱི་སྤྱོད་པས་བློ་ལྡན་རྣམས། །རྣམ་པར་འཕྲུལ་པ་སྣ་ཚོགས་སྟོན་པར་བྱེད། །ཐབས་ཀྱི་ཡུལ་དེ་ཐོས་པར་གྱུར་པའི་ཚེ། །རྒྱལ་བའི་སྲས་རྣམས་ཐམས་ཅད་དཀར་གྱུར་ཏེ། །དགའ་སྐྱེས་ཉམས་བདེ་མཚུངས་པ་མེད་ཐོབ་ནས། །རྣམ་པར་འདྲེན་ལ་མེ་ཏོག་མང་པོས་གཏོར། །
D146.057.0098b05.01ས་ཆེན་འདི་ཡང་རྣམ་པ་དྲུག་ཏུ་གཡོས། །ལྷ་ཡི་རྔ་ཡང་བར་སྣང་མཁའ་ལས་རྡུང་། །ལྷ་མང་བྱེ་བ་མཁའ་ལས་ཐལ་སྦྱོར་ཅིང་། །འདྲེན་པ་དེ་ལ་ལེགས་སོ་ལེགས་ཞེས་གསོལ། །ཐེག་པ་གཅིག་ཏུ་བསྟན་པའི་ལེའུ་སྟེ་བཞི་པའོ།། །།དེའི་ཚེ་ལྷོ་ཕྱོགས་ཀྱི་
D146.057.0098b06.01རྒྱུད་ཆེན་པོ་ནས་གཅེར་བུ་པའི་བུ་བདེན་སྨྲ་ཞེས་བྱ་བ་གཅེར་བུ་པ་འབུམ་ཕྲག་བརྒྱད་ཅུ་དང་ལྷན་ཅིག་ཏུ་ཡུལ་རྒྱུ་བ་སྤྱོད་ཅིང་རིམ་གྱིས་གྲོང་ཁྱེར་ཆེན་པོ་འཕགས་རྒྱལ་དུ་ཕྱིན་ཏོ། །དེ་དེ་ལྟར་སྐྱེ་བོའི་ཚོགས་མང་པོ་དང་འགྲོགས་ཤིང་ཅ་ཅོ་དང་ག་ཞ་འབུམ་དག་བྱེད་པ་ཕྱི་བཞིན་འབྲང་
D146.057.0098b07.01