完整藏文原文 · 德格版页 当前仅加载第 57 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་ནས་བཟང་ཞིང་ཤིན་ཏུ་མཁྲེགས། །དེ་ནི་ཀུན་ནས་བཟང་དང་ཤིན་ཏུ་ལྡན། །མགོན་པོའི་སྐུ་ནི་བལྟ་བས་ཆོག་མི་མྱོང་། །བལ་གླང་འདྲ་བར་བརྗིད་པའི་འགྲོས་སུ་གཤེགས། །ཁྱུ་མཆོག་འགྲོས་དང་སེང་གེ་ངང་པའི་འགྲོས། །གསུང་ནི་ཧ་ཅང་
D146.057.0122a01.01མཐོ་བ་མ་ལགས་ལ། །བཟང་བའི་སྐུ་མངའ་འཇམ་ཞིང་སྣུམ་པའི་སྐུ། །ཕྱག་ནི་ཤིན་ཏུ་ཟླུམ་ཞིང་འཇམ་ལ་མཛེས། །གཡས་ནས་གཤེགས་ཤིང་གཤེགས་ཐབས་མཛེས་ལ་བཟང་། །ཤིན་ཏུ་ཕྱང་ངེར་གནས་པའི་ཕྱལ་དང་ལྡན། །འདོད་དང་འཇིགས་མེད་
D146.057.0122a02.01ནག་ནོག་མེད་པའི་སྐུ། །སྨིན་མ་གནག་ཅིང་ཤིན་ཏུ་གཟངས་རིང་མཛེས། །ཕྱལ་ནི་མ་ཞོམ་སྤྱན་གྱི་དཀྱུས་ཀྱང་རིང་། །ཞལ་ནི་རབ་ལེགས་གཙང་མའི་སྤྱན་དང་ལྡན། །དྲི་མེད་སྤྱན་མངའ་སྤྱན་ནི་ཤིན་ཏུ་ཡངས། །ཚེམས་ཀྱི་མཆེ་བ་བྱིན་གྱིས་གྱེན་དུ་འཕགས། །སྨིན་
D146.057.0122a03.01ཚུགས་འཇའ་ཁུགས་འདྲ་ཞིང་ཤངས་དབྱིབས་མཐོ། །ཨུད་པལ་སྔོན་པོའི་འདབ་འདྲའི་སྤྱན་དང་ལྡན། །སྨིན་མ་སྟུག་ཅིང་ཚེམས་ཀྱི་མཆེ་བ་ཟླུམ། །སྨིན་མ་མཉམ་ཞིང་འདབ་ཆགས་འབྲེལ་དང་ལྡན། །སྙན་གཉིས་མཉམ་ཞིང་ཚེམས་ཀྱི་མཆེ་བ་རྣོ། །ཞལ་གྱི་མཁུར་ཙོས་
D146.057.0122a04.01སྐྱོན་དང་བྲལ་བ་མངའ། །རྒྱལ་བའི་སྤྱོད་པ་སྐྱོན་བག་ཡོད་མ་མཆིས། །དཔྲལ་བའི་དབྱེས་ལ་གཉེར་མ་མི་མངའ་ཞིང་། །མགུར་ནི་དུང་འདྲ་མཁྲེགས་པའི་སྐུ་མངའ་ལ། །ཚིགས་རྣམས་སྲེད་མེད་བུ་ཡི་སྟོབས་དང་ལྡན། །ཡན་ལག་དམ་པ་དབུ་ནི་གདུགས་དབྱིབས་
D146.057.0122a05.01འདྲ། །དབུ་ཡི་སྟོད་རྣམས་ལྕང་ལོ་འཁྱིལ་དང་ལྡན། །དབུ་གནག་སྟུག་ཅིང་སྤོས་ཞིམ་དྲི་དང་ལྡན། །རྒྱལ་བའི་དབུ་སྐྲ་བཤོར་བ་མ་ལགས་ཏེ། །དབུ་སྐྲ་མི་འཛིངས་ཤིན་ཏུ་མཛེས་པའི་སྐུ། །དབུ་སྐྲ་སྟུག་ཅིང་ལེགས་པར་རིམ་གྱིས་གནས། །དབུ་དང་བ་སྤུ་འཇམ་
D146.057.0122a06.01ཞིང་ཕྲ་ལ་གནག །དབུ་སྐྲ་བུང་བའི་ལྟོ་ལྟར་གནག་དང་ལྡན། །མཉམ་ཞིང་ཁོད་སྙོམས་དབུ་མཆོག་ཆུ་རླབས་འདྲ། །སེང་གེ་ཁྲི་དང་ཉ་དང་རྒྱལ་མཚན་དང་། །རྡོ་རྗེ་ལྕགས་ཀྱུ་བུམ་པ་གཡུང་དྲུང་འཁྱིལ། །དཔལ་གྱི་བེའུ་དང་དུང་དང་པད་མ་དང་། །བཀྲ་ཤིས་ལྡན་
D146.057.0122a07.01