完整藏文原文 · 德格版页 当前仅加载第 57 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་ཡིད་གཞུངས་པར་གྱུར་པ་ཡིན་ལ། དེ་ཡང་སྐྱོན་དང་བཅས་པར་གྱུར་པ་གཞན་ཡང་ཡོད་དམ། སྨྲས་པ། རྒྱལ་པོ་ཆེན་པོ་མཆིས་སོ། །སྨྲས་པ། བྲམ་ཟེ་དེ་གང་། སྨྲས་པ། རྒྱལ་པོ་ཆེན་པོ་རྒྱལ་བུ་གཞོན་ནུ་ནོར་ལྷ་འདི་ནི་མཛངས་ཤིང་མཁས་ལ་
D146.057.0116a01.01བརྟགས་ཤིང་ཡིད་གཞུངས་པ་སྟེ། མོས་པ་ཆེ་ཞིང་འཇིགས་པ་མ་མཆིས་ལ། གཏོང་བ་དང་ལྡན་ཞིང་སྙིང་སྟོབས་ཕུན་སུམ་ཚོགས་པ་ལགས་ན་དེ་ཡང་སྐྱོན་དང་བཅས་པ་ལགས་སོ། །སྨྲས་པ། བྲམ་ཟེ་རྒྱལ་བུ་གཞོན་ནུ་ནོར་ལྷའི་སྐྱོན་གང་། སྨྲས་པ། རྒྱལ་པོ་ཆེན་པོ་རྒྱལ་བུ་གཞོན་ནུ་
D146.057.0116a02.01ནོར་ལྷ་ནི་ཤིན་ཏུ་མཐའ་རིང་བ་སྟེ། རྒྱལ་པོ་ཆེན་པོ་མཁས་པས་ནི་ཤིན་ཏུ་མཐའ་རིང་བར་མི་བགྱིའོ། །དེ་ཅིའི་སླད་དུ་ཞེ་ན། རྒྱལ་པོ་ཆེན་པོ་ཧ་ཅང་མཐའ་{རིངས་ཏེ་,རིང་སྟེ་}ལུས་ན་དོན་ཉམས་པར་འགྱུར་ཏེ། སྐྱོན་རྣམས་ཀྱང་བརྟན་པར་གྱུར་པས་ཞི་བར་མི་འགྱུར་བའི་སླད་དུའོ། །རྒྱལ་པོ་ཆེན་
D146.057.0116a03.01པོ་དེ་ལྟ་ལགས་པས་མཁས་པས་ཤིན་ཏུ་མཐའ་རིང་བར་མི་བགྱིའོ། །དེ་ལ་འདི་སྐད་ཅེས་བགྱི་སྟེ། ཤིན་ཏུ་མཐའ་རིང་ཤེད་བུ་ཡི། །དོན་རྣམས་ཐམས་ཅད་འཇིག་པར་འགྱུར། །མ་ཐོབ་པ་ནི་འཐོབ་མི་འགྱུར། །ཐོབ་པ་རྣམས་ཀྱང་ཉམས་པར་འགྱུར། །དེ་བས་མཐའ་རིང་སྤང་
D146.057.0116a04.01བགྱིས་ལ། །མཁས་པས་ཤིན་ཏུ་བསྒྲིམ་པར་བགྱི། །དུས་ཀྱི་འབྲས་བུ་བཀོང་བར་འགྱུར། །དེས་ན་དེ་ནི་འགྲིབ་པ་འཐོབ། །སྨྲས་པ། བྲམ་ཟེ་སེམས་ཅན་གྱི་རིས་ཀྱི་འཇིག་རྟེན་འདི་ན་སེམས་ཅན་གང་ལ་ལ་མཛངས་ཤིང་མཁས་ལ་བརྟགས་ཤིང་ཡིད་གཞུངས་པར་གྱུར་པ་ཡིན་ལ། དེ་ཡང་
D146.057.0116a05.01སྐྱོན་དང་བཅས་པར་གྱུར་པ་གཞན་ཡང་ཡོད་དམ། སྨྲས་པ། རྒྱལ་པོ་ཆེན་པོ་མཆིས་སོ། །སྨྲས་པ། བྲམ་ཟེ་དེ་གང་། སྨྲས་པ། རྒྱལ་པོ་ཆེན་པོ་རྒྱལ་བུ་གཞོན་ནུ་སྡེ་ཆེན་འདི་ནི་མཛངས་ཤིང་མཁས་ལ་བརྟགས་ཤིང་ཡིད་གཞུངས་པ་མོས་པ་ཆེ་བ་ལགས་ན། དེ་ཡང་སྐྱོན་དང་
D146.057.0116a06.01བཅས་པ་ལགས་སོ། །སྨྲས་པ། བྲམ་ཟེ་རྒྱལ་བུ་གཞོན་ནུ་སྡེ་ཆེན་གྱི་སྐྱོན་གང་། སྨྲས་པ། རྒྱལ་པོ་ཆེན་པོ་རྒྱལ་བུ་གཞོན་ནུ་སྡེ་ཆེན་ནི་ཧ་ཅང་བརྐམ་ཆགས་ཅན་ཏེ། མི་རིགས་པའི་འདོད་ཆེན་གྱི་ཟིལ་གྱིས་ནོན་ཅིང་གཞན་གྱི་ནོར་འཕྲོག་པ་སྟེ། རྒྱལ་པོ་ཆེན་པོ་མཁས་པས་ནི་ཧ་
D146.057.0116a07.01