完整藏文原文 · 德格版页 当前仅加载第 57 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
གླིང་བཞི་པའི་རྡུལ་ཕྲ་རབ་ཀྱི་རྡུལ་སྙེད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ། །ཀུན་ཏུ་རྒྱུའི་གཟུགས་ཀྱིས་སེམས་ཅན་གང་གཱའི་ཀླུང་བརྒྱད་ཅུ་རྩ་བཞིའི་བྱེ་མ་སྙེད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ། །
D146.057.0133a01.01ཉན་ཐོས་ཀྱི་གཟུགས་ཀྱིས་སེམས་ཅན་གང་གཱའི་ཀླུང་བཅུའི་བྱེ་མ་སྙེད་ཉན་ཐོས་ཀྱི་བྱང་ཆུབ་ཏུ་ངེས་པར་འབྱུང་བར་བསྟན་ནས་ཕྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ། །དེ་བས་ཀྱང་ཆེས་མང་བའི་སེམས་ཅན་རྣམས་རང་སངས་རྒྱས་ཀྱི་གཟུགས་ཀྱིས་
D146.057.0133a02.01ཡོངས་སུ་སྨིན་པར་བྱས་སོ། །བྱང་ཆུབ་སེམས་དཔའི་གཟུགས་ཀྱིས་སེམས་ཅན་བགྲང་བ་ལས་འདས་པ་ཡོངས་སུ་སྨིན་པར་བྱས་སོ། །གཞན་དག་བརྒྱ་བྱིན་གྱི་གཟུགས་ཀྱིས། གཞན་དག་ཚངས་པའི་གཟུགས་ཀྱིས། གཞན་དག་འཁོར་ལོས་སྒྱུར་བའི་གཟུགས་ཀྱིས། གཞན་དག་
D146.057.0133a03.01འཇིག་རྟེན་སྐྱོང་བའི་གཟུགས་ཀྱིས། གཞན་དག་མིའམ་ཅིའི་གཟུགས་ཀྱིས། གཞན་དག་ལྷ་མ་ཡིན་གྱི་གཟུགས་ཀྱིས། གཞན་དག་ནམ་མཁའ་ལྡིང་གི་གཟུགས་ཀྱིས། གཞན་དག་ལྟོ་འཕྱེ་ཆེན་པོའི་གཟུགས་ཀྱིས། གཞན་དག་སྐྱེས་པའི་གཟུགས་ཀྱིས། གཞན་དག་བུད་མེད་ཀྱི་གཟུགས་
D146.057.0133a04.01ཀྱིས། གཞན་དག་ཁྱེའུའི་གཟུགས་ཀྱིས། གཞན་དག་བུ་མོའི་གཟུགས་ཀྱིས། གཞན་དག་སའི་ལྷའི་གཟུགས་ཀྱིས། གཞན་དག་ལྷན་ཅིག་སྐྱེས་པའི་ལྷའི་གཟུགས་ཀྱིས། གཞན་དག་དྲང་སྲོང་གི་གཟུགས་ཀྱིས། གཞན་དག་བྲམ་ཟེའི་གཟུགས་ཀྱིས། གཞན་དག་དགེ་སློང་གི་གཟུགས་
D146.057.0133a05.01ཀྱིས། གཞན་དག་དགེ་སློང་མའི་གཟུགས་ཀྱིས། གཞན་དག་དགེ་བསྙེན་གྱི་གཟུགས་ཀྱིས། གཞན་དག་དགེ་བསྙེན་མའི་གཟུགས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་ཏེ། མཽད་གལ་གྱི་བུ་རིགས་ཀྱི་བུ་བདེན་སྨྲ་འདིས་དེ་ལྟར་སེམས་ཅན་མང་པོ་
D146.057.0133a06.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ། །གསོལ་པ། འདིས་དེ་བཞིན་གཤེགས་པ་ཇི་སྙེད་ཅིག་མཉེས་པར་བགྱིས་ལགས། བཀའ་སྩལ་པ། མཽད་གལ་གྱི་བུ་སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་དང་།
D146.057.0133a07.01