完整藏文原文 · 德格版页 当前仅加载第 57 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་དེ་ཉིད་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ། མིང་ཐ་དད་པའི་དེ་བཞིན་གཤེགས་པར་འགྱུར་ལ་ཚེའི་ཚད་ནི་འཐུན་པར་འགྱུར་རོ། །དེ་ནས་དེའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་
D146.057.0137b01.01པ་དྲུག་ཏུ་གཡོས་ཏེ། སའི་འོག་ནས་པད་མ་འཛམ་བུ་ཆུ་བོའི་གསེར་གྱི་འདབ་མ་ཅན་ནོར་བུ་རིན་པོ་ཆེ་ཆེན་པོ་ཨན་ད་རྙིལ་གྱི་ཟེ་བའི་ཚོགས་ཅན། སྤུག་གི་སྙིང་པོ་དང་ལྡན་པ། ནོར་བུ་རིན་པོ་ཆེ་བཻ་དཱུརྱའི་ཆུ་བ་ཅན། བྱེ་བ་ཁྲག་ཁྲིག་འབུམ་ཕྲག་དུ་མ་དག་གིས་ས་གཞི་བརྟོལ་ནས་
D146.057.0137b02.01མངོན་པར་འཕགས་ཏེ། པད་མ་དེ་དག་ཐམས་ཅད་ལ་བྱང་ཆུབ་སེམས་དཔའི་གཟུགས་སྐྱིལ་མོ་ཀྲུང་དུ་འཁོད་པ་མཚན་དང་དཔེ་བྱད་བཟང་པོས་ལེགས་པར་བརྒྱན་པའི་ལུས་ཀྱིས་བཅོམ་ལྡན་འདས་ལ་འདུད་ཅིང་ཕྱག་འཚལ་བར་སྣང་བར་གྱུར་ཏེ། དེ་དག་གིས་རིན་པོ་ཆེ་སྣ་ཚོགས་
D146.057.0137b03.01ཀྱི་སྤྲིན་གྱི་དྲ་བ་དག་གིས་བཅོམ་ལྡན་འདས་ལ་མངོན་པར་བཀབ་ནས་འདི་སྐད་ཀྱི་ཚིག་བརྗོད་དོ། །བཅོམ་ལྡན་འདས་བདག་ཅག་ནི་འཇིག་རྟེན་གཞན་དང་གཞན་གྱི་ཁམས་ནས་དེ་བཞིན་གཤེགས་པས་བྱང་ཆུབ་སེམས་དཔའི་ཡོན་ཏན་བསམ་གྱིས་མི་ཁྱབ་པ་བཀའ་སྩལ་པ་
D146.057.0137b04.01འདིའང་ཉན། བཅོམ་ལྡན་འདས་ལ་ཡང་བལྟ་བ་དང་། ཕྱག་བགྱི་བ་དང་། བསྙེན་བཀུར་བགྱི་བ་དང་། རིགས་ཀྱི་བུ་བདེན་སྨྲ་འདི་དང་འཁོར་འདུས་པ་འདི་ཡང་བལྟ་བའི་སླད་དུ་འདིར་མཆིས་ཏེ། བཅོམ་ལྡན་འདས་ཆོས་ཀྱི་རྣམ་གྲངས་འདི་ཐོས་པས་སངས་རྒྱས་ཀྱི་ཞིང་བསམ་གྱིས་མི་
D146.057.0137b05.01ཁྱབ་པ་དག་ཏུ་བྱང་ཆུབ་སེམས་དཔའ་བགྲང་བ་ལས་འདས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེའི་ཚེ་དོན་འདི་ཉིད་ཤིན་ཏུ་གསལ་བར་བསྟན་པའི་ཕྱིར་ཚིགས་སུ་བཅད་པ་འདི་དག་བཀའ་སྩལ་ཏོ། །རྩེ་གཅིག་
D146.057.0137b06.01སེམས་སུ་དབང་པོ་མཉམ་ཞོག་སྟེ། །དེ་རིང་ངས་སྨྲས་འདི་དོན་མཉན་པར་གྱིས། །དེ་བཞིན་གཤེགས་ལ་{བརྫུན་,རྫུན་}གྱི་ཚིག་མི་མངའ། །བདེ་གཤེགས་རང་བྱུང་ཚིག་ནི་གཞན་དུ་མིན། །སྐྱེ་བོ་དེ་དགའ་བདེན་སྨྲ་འདི་ཉིད་ནི། །དག་ཅིང་དྲི་མེད་གནོད་མེད་བསྐལ་པ་ལ། །བསྐལ་པ་གྲངས་མེད་
D146.057.0137b07.01