完整藏文原文 · 德格版页 当前仅加载第 57 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
བརྣབ་སེམས་སྤངས་པས་ནི་མི་བཟད་པའི་འདོད་ཆགས་མ་མཆིས་པར་འགྱུར། གནོད་སེམས་སྤངས་པས་ནི་མི་བཟད་པའི་ཞེ་སྡང་མ་མཆིས་པར་འགྱུར། ལོག་པར་ལྟ་བ་སྤངས་པས་ནི་མི་བཟད་པའི་གཏི་མུག་མ་མཆིས་པར་འགྱུར། ང་
D146.057.0113a01.01རྒྱལ་སྤངས་པས་ནི་རིགས་མཐོན་པོར་སྐྱེ་བར་འགྱུར། ཁོང་ཁྲོ་བ་སྤངས་པས་ནི་མཛེས་པར་འགྱུར། ཕྲག་དོག་སྤངས་པས་ནི་གཟི་བྱིན་ཆེ་བར་འགྱུར། སེར་སྣ་སྤངས་པས་ནི་ཕྱུག་པར་འགྱུར། ཡན་ལག་མ་ཚང་བ་མེད་པར་སྩལ་བས་ནི་ཡན་ལག་
D146.057.0113a02.01ཐམས་ཅད་དང་ལྡན་པའི་སྐྱེས་བུར་འགྱུར་བའི་སླད་དུ་སྟེ། དེ་ལྟར་ཟས་སྩལ་བས་ནི་སྲོག་སྩལ་བར་འགྱུར། ཁ་དོག་དང་། སྟོབས་དང་། བདེ་བ་དང་། སྤོབས་པ་སྩལ་བར་འགྱུར་ཏེ། དེ་ལྟར་ན་སྦྱིན་པ་བགྱིད་པ་ནི་སྐྱེ་བོ་མང་པོ་ལ་བསྙེན་པ་ལགས་སོ། །དམ་
D146.057.0113a03.01པ་རྣམས་ཀྱིས་བསྙེན་པ་ལགས་སོ། །དེའི་གྲགས་པ་ཡང་ཐམས་ཅད་དུ་གྲགས་པར་འགྱུར། འཁོར་དུ་མཆི་ནའང་འཇིགས་པ་མ་མཆིས་པར་འགྱུར། ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་དུ་ལྷའི་ནང་དུ་སྐྱེ་བར་འགྱུར། ཐ་མར་ཡང་ཕྱིར་སྐྱེ་བ་མ་མཆིས་
D146.057.0113a04.01པ་འཐོབ་པར་འགྱུར་ལགས་སོ། །དེ་ལ་འདི་སྐད་ཅེས་བྱ་སྟེ། གང་ཞིག་ཡང་དག་སྡོམ་རྣམས་ལ། །གུས་པར་དུས་སུ་ཟས་སྩོལ་བ། །སེམས་དད་དེ་ནི་ཕྱི་ཚེ་ལ། །གནས་བདུན་ཡང་དག་འཐོབ་པར་འགྱུར། །སྟོབས་དང་ཚེ་དང་ཁ་དོག་དང་། །བདེ་བ་དང་ནི་
D146.057.0113a05.01སྤོབས་པ་དང་། །རྟག་ཏུ་བདེ་འགྲོར་སྐྱེ་བར་འགྱུར། །ཐ་མར་ཡང་སྲིད་མ་མཆིས་འཐོབ། །གང་གི་སླད་དུ་སྦྱིན་སྩལ་བ། །དེ་ཡི་དོན་དུ་དེ་འགྱུར་ཏེ། །བདེ་བའི་སླད་དུ་སྦྱིན་སྩལ་ན། །དེ་ནི་བདེ་བ་ཉིད་དུ་འགྱུར། །བསོད་ནམས་རྣམ་སྨིན་བདེ་བ་ལ། །ཇི་ལྟར་
D146.057.0113a06.01བསམས་པ་དེ་བཞིན་འགྲུབ། །མི་དང་ལྷར་ནི་སྐྱེ་བ་འམ། །གཟུགས་དང་གཟུགས་མེད་རྣམས་སུ་སྐྱེ། །གལ་ཏེ་སྦྱིན་དང་གང་ལྡན་ཞིག །ཤེས་རབ་ཀྱིས་ནི་རྩོལ་བགྱིད་པ། །སྡུག་བསྔལ་ཐ་མར་དབྱུང་བ་ལ། །དེ་ཡི་ཡེ་ཤེས་ཆེན་པོ་སྐྱེ། །བདུད་ཀྱི་རིས་ཀྱི་ལྷ་
D146.057.0113a07.01