完整藏文原文 · 德格版页 当前仅加载第 57 函德格 95a 版页；藏文 NFD、目录标记与异常页序保留在来源切片中，重复版页行以稳定序号区分。
འཇམ་དཔལ་ངས་སེམས་ཅན་རྣམས་ལ་ཆོས་གང་དང་གང་བསྟན་པ་དེ་དག་ཐམས་ཅད་ནི་འདི་ལྟ་སྟེ། ཐམས་ཅད་མཁྱེན་པའི་ཡེ་ཤེས་ཐོབ་པར་བྱ་བའི་ཕྱིར་བྱང་ཆུབ་ལ་གཞོལ་བ་ཐེག་པ་ཆེན་པོ་ལ་འབབ་པ། ཐམས་ཅད་མཁྱེན་པ་ཉིད་བསྒྲུབ་པ། ཡུལ་གཅིག་ཏུ་ཡང་
D146.057.0095a01.01དག་པར་ཕྱིན་པར་བྱེད་པ་སྟེ། དེ་བས་ན་ང་ལ་ཐེག་པ་ཐ་དད་པར་རྣམ་པར་དགོད་པ་མེད་དོ། །འཇམ་དཔལ་གྱིས་གསོལ་པ་བཅོམ་ལྡན་འདས་གལ་ཏེ་ཐེག་པ་རྣམ་པར་དགོད་པ་མ་མཆིས་ན་ཅིའི་སླད་དུ་དེ་བཞིན་གཤེགས་པས་འདི་ནི་ཉན་ཐོས་ཀྱི་ཐེག་པའོ། །འདི་ནི་རང་སངས་རྒྱས་
D146.057.0095a02.01ཀྱི་ཐེག་པའོ། །འདི་ནི་ཐེག་པ་ཆེན་པོའོ་ཞེས་ཐེག་པ་གསུམ་ལས་བརྩམས་ཏེ། སེམས་ཅན་རྣམས་ལ་ཆོས་བསྟན་པ་མཛད་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ཐེག་པ་རྣམ་པར་དགོད་པ་ཞེས་བྱ་བ་དེ་ནི་དེ་བཞིན་གཤེགས་པས་ས་རྣམ་པར་དགོད་པ་
D146.057.0095a03.01མཛད་པ་ཡིན་གྱི། ཐེག་པ་རྣམ་པར་བཀོད་པ་མ་ཡིན་ནོ། །དེ་ནི་དེ་བཞིན་གཤེགས་པས་ཆོས་ཀྱི་མཚན་ཉིད་རྣམ་པར་དགོད་པ་མཛད་པ་ཡིན། དེ་ནི་དེ་བཞིན་གཤེགས་པས་གང་ཟག་རྣམ་པར་དགོད་པ་མཛད་པ་ཡིན། དེ་ནི་དེ་བཞིན་གཤེགས་པས་ཚོགས་ཆུང་བ་དང་།
D146.057.0095a04.01ཚོགས་ཚད་མེད་པ་རྣམ་པར་དགོད་པ་མཛད་པ་ཡིན་ཏེ། ཆོས་ཀྱི་དབྱིངས་ལ་ཐ་དད་པ་མེད་པའི་ཕྱིར་འདི་ལ་ཐེག་པ་ཐ་དད་པར་འགྱུར་བ་གང་ཡང་མེད་དོ། །འཇམ་དཔལ་དེ་ནི་དེ་བཞིན་གཤེགས་པས་འཇུག་པའི་སྒོ་བསྟན་པ་སྟེ། བཟོ་སློབ་པ་ནི་རིམ་གྱིས་སློབ་པ་ལ་འཇུག་པ་ལྟར་
D146.057.0095a05.01བལྟ་བར་བྱའོ། །འཇམ་དཔལ་འདི་ལྟ་སྟེ་དཔེར་ན་འཕོང་གི་སློབ་དཔོན་འཕོང་དཔྱད་ཀྱི་ཕ་རོལ་ཏུ་ཕྱིན་པའི་མཆོག་ཐོབ་པ་ནི་སློབ་མ་རྣམས་ལ་ཐབས་སྣ་ཚོགས་དང་། རྩོལ་བ་སྣ་ཚོགས་ཀྱིས་འཕོང་དཔྱད་སྟོན་ཏེ། འཕོང་ཤེས་པར་བྱ་བ་ནི་གཅིག་ཏུ་ཟད་དོ། །འཇམ་དཔལ་དེ་
D146.057.0095a06.01བཞིན་དུ་དེ་བཞིན་གཤེགས་པ་ཆོས་ཀྱི་འཕོང་གི་སློབ་དཔོན་མཁས་པ་ཡང་ཐམས་ཅད་མཁྱེན་པའི་ཡེ་ཤེས་གཅིག་པོ་དེ་ཉིད་རྣམ་པ་གསུམ་དུ་སྟོན་པ་མཛད་དོ། །འཇམ་དཔལ་འདི་ལྟ་སྟེ། དཔེར་ན་མེ་ལྕེ་ཆུང་ངུ་དེ་ཉིད་མཆེད་ན་སྲེག་པའི་བསྐལ་པའི་བར་དུ་འཚིག་པའི་མཐུ་
D146.057.0095a07.01