完整藏文原文 · 德格版页 当前仅加载第 57 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
ནམས་ཀྱི་རྒྱུའི་སྟོབས་བསྐྱེད་པ་དང་ལྡན་ཞིང་ཚེ་འདི་ལ་ཕར་ཤེས་པ། མར་ཤེས་པ། དགེ་སྦྱོང་དུ་འཛིན་པ། བྲམ་ཟེར་འཛིན་པ། དོན་བགྱིད་པ་དགོས་པ་བགྱིད་པ། རིགས་ཀྱི་གཙོ་བོ་ལ་རིམ་གྲོ་བྱེད་པ། ཁ་ན་མ་ཐོ་བས་འཇིགས་པར་ལྟ་བ། སྦྱིན་པ་དག་སྦྱིན་པ།
D146.057.0102b01.01བསོད་ནམས་དག་བགྱིད་པ། ཉེ་བར་གནས་པས་ཉེ་བར་གནས་པ། ཚུལ་ཁྲིམས་ཡང་དག་པར་བཟུང་ཞིང་གནས་པ་དག་མཆིས་ཏེ། འདི་ལྟ་སྟེ། དཔེར་ན་དུས་བཟང་པོའི་སེམས་ཅན་ལྟ་བུ་དག་ལགས་ཏེ། དེ་དག་ལ་རྒྱལ་པོར་གདགས་པ་མ་མཆིས་སོ། །རྒྱལ་པོ་
D146.057.0102b02.01ཆེན་པོ་དེ་ལྟར་ན་བདག་གི་ལས་ཀྱི་དབང་ནི་སྐྱེ་དགུ་སྐྱོང་ཞེས་བགྱིའོ། །སྨྲས་པ། བྲམ་ཟེ་ཇི་ལྟར་ན་སྐྱེ་དགུའི་བདག་པོས་སྐྱོང་ཞེས་བྱ། སྨྲས་པ། རྒྱལ་པོ་ཆེན་པོ་རྒྱལ་པོ་རྣམས་ནི་སྐྱེ་དགུ་རྣམས་ཀྱི་དབང་པོ་ཞེས་བགྱི་སྟེ། དེ་དག་ཀྱང་ཆོས་དང་ལྡན་ཞིང་ཚུལ་
D146.057.0102b03.01ཁྲིམས་དང་། ཚུལ་དང་། ཡང་དག་པར་སྤྱོད་པ་སྐྱེ་དགུ་རྣམས་དགའ་བར་སྦྱོར་བས་མཛེས་པས་ན་དེའི་སླད་དུ་རྒྱལ་པོ་ཞེས་བགྱིའོ། །དེ་དག་ཀྱང་རྣམ་པ་བཞི་སྟེ། འདི་ལྟ་སྟེ། འཁོར་ལོས་སྒྱུར་བ་རྣམས་དང་། རྒྱལ་པོ་ཆེན་པོ་རྣམས་དང་། ཁམས་ཀྱི་རྒྱལ་པོ་
D146.057.0102b04.01རྣམས་དང་། རྒྱལ་ཕྲན་རྣམས་ལགས་སོ། །དེ་ལ་འཁོར་ལོས་སྒྱུར་བ་ཞེས་བགྱི་བ་ནི་འདི་ན་ལ་ལ་རྒྱལ་པོ་འཁོར་ལོས་སྒྱུར་བ་རྒྱལ་རིགས་སྤྱི་བོ་ནས་དབང་བསྐུར་བ། མཐའ་བཞིར་རྒྱལ་བ། ཆོས་དང་ལྡན་པ། ཆོས་ཀྱི་རྒྱལ་པོ་རིན་པོ་ཆེ་སྣ་བདུན་དང་ལྡན་པ་ལགས་
D146.057.0102b05.01སོ། །དེའི་རིན་པོ་ཆེ་སྣ་བདུན་ནི་འདི་དག་ལགས་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། བུད་མེད་རིན་པོ་ཆེ་དང་། ནོར་བུ་རིན་པོ་ཆེ་དང་། ཁྱིམ་བདག་རིན་པོ་ཆེ་དང་། བློན་པོ་རིན་པོ་ཆེ་ལགས་སོ། །དེས་
D146.057.0102b06.01ས་ཆེན་པོ་མ་ལུས་པ་གནོད་པར་སྡོ་བ་མ་མཆིས་ཤིང་འཚེ་བ་མ་མཆིས་ལ། ཆད་པ་མ་མཆིས་ཤིང་མཚོན་གྱིས་བདའ་བ་མ་མཆིས་པ་འདི་ཉིད་ཆོས་དང་འཐུན་པར་སྙོམས་པས་ལེགས་པར་ཕབ་སྟེ། གནས་ལགས་སོ་སྨྲས་པ། རྣམ་པ་གང་གིས་ཇི་ལྟར་མཐའ་
D146.057.0102b07.01