完整藏文原文 · 德格版页 当前仅加载第 57 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་གཅེར་བུ་པའི་བུ་བདེན་སྨྲ་ལྷོ་ཕྱོགས་ཀྱི་རྒྱུད་ནས་གཅེར་བུ་པ་འབུམ་ཕྲག་བརྒྱད་ཅུ་དང་ལྷན་ཅིག་ཏུ་གྲོང་ཁྱེར་འཕགས་རྒྱལ་དུ་ཕྱིན་ནས་སྐྱེ་བོའི་ཚོགས་ཆེན་པོ་དུ་མས་ཡོངས་སུ་བསྐོར་ཅིང་མདུན་དུ་བདར་བ་ཞིག་ཡོད་དོ་ཞེས་རྒྱལ་པོ་གཏུམ་པོ་རབ་སྣང་
D146.057.0099a01.01གིས་ཐོས་ཏེ། ཐོས་ནས་ཀྱང་རྒྱལ་པོ་གཏུམ་པོ་རབ་སྣང་གཅེར་བུ་པའི་བུ་བདེན་སྨྲ་ལ་སེམས་དང་བར་གྱུར་ཏོ། །དེ་སེམས་དང་བར་གྱུར་ནས་བློན་པོ་ཆེན་པོ་དང་། ཞབས་འབྲིང་བ་དང་། ཆབ་སྒོ་བ་དང་། འཁོར་བ་དང་། གྲོང་ཁྱེར་བ་དང་། ཡུལ་གྱི་མི་དང་། ཡུལ་འཁོར་
D146.057.0099a02.01བ་དང་། །མདུན་ན་འདོན་དང་། རྒྱལ་བུ་རྣམས་དང་ལྷན་ཅིག་ཏུ་ཡན་ལག་བཞི་པའི་དཔུང་གི་ཚོགས་དང་བཅས་ཏེ། གླང་པོ་ཆེ་པ་དང་། རྟ་པ་དང་། ཤིང་རྟ་དང་། དཔུང་བུ་ཆུང་དག་རྗེས་སུ་འབྲང་ཞིང་རྒྱལ་པོའི་མཐུ་ཆེན་པོ་དང་། རྒྱལ་པོའི་ཕུན་སུམ་ཚོགས་པ་ཆེན་པོ་དང་
D146.057.0099a03.01ཆས་ཏེ། བུམ་པ་གང་བ་འབུམ་དག་གིས་ནི་མདུན་དུ་དྲངས། རོལ་མོ་སིལ་སྙན་འབུམ་དག་ནི་བརྡུངས་ཤིང་དཀྲོལ། དུང་འབུམ་དག་ནི་བུས། གདུགས་དང་། རྒྱལ་མཚན་དང་། བ་དན་དང་། འཕན་{རིངས་,རིང་}འབུམ་དག་ནི་བསྒྲེང་། མེ་ཏོག་ཨུད་པ་ལ་དང་། པད་མ་དང་། ཀུ་མུ་
D146.057.0099a04.01ད་དང་། པད་མ་དཀར་པོ་དང་། མྱ་ངན་འཚང་དང་། བ་ཀུ་ལ་དང་། ཏི་ལ་ཀ་དང་། ཨ་ཏི་མུག་ཏ་ཀ་དག་གིས་ནི་ལམ་ཆལ་པར་བཀང་སྟེ། གཅེར་བུ་པའི་བུ་བདེན་སྨྲ་བསུ་བའི་ཕྱིར་དོང་ངོ་། །དེ་ནས་གཅེར་བུ་པའི་བུ་བདེན་སྨྲས་རྒྱལ་པོ་གཏུམ་པོ་རབ་སྣང་མངོན་དུ་འོང་བ་མཐོང་ནས། །
D146.057.0099a05.01ལམ་ནས་བཟུར་ཏེ་ཤིང་དྲུང་ཞིག་ཏུ་སྟན་བཏིང་ནས་འདུག་གོ། །དེ་ནས་རྒྱལ་པོ་གཏུམ་པོ་རབ་སྣང་གིས་གཅེར་བུ་པའི་བུ་བདེན་སྨྲ་ཤིང་དྲུང་དུ་འདུག་པར་ཤེས་ནས་གླང་པོ་ཆེ་ལས་བབས་ཏེ་རྐང་པས་སོང་ནས་ལེགས་པར་བརྗོད་དེ། བདག་གི་ཁྲི་རིན་པོ་ཆེའི་རྩ་བ་ཅན་ལ་འདུག་གོ། །དེ་ནས་
D146.057.0099a06.01གཅེར་བུ་པའི་བུ་བདེན་སྨྲས་རྒྱལ་པོ་གཏུམ་པོ་རབ་སྣང་ལ་ཡང་དག་པར་དགའ་བའི་གཏམ་བྱས་པ། རྒྱལ་པོ་ཆེན་པོ་བྱོན་པ་ལེགས་སོ། །འདི་ལྟར་ཁྱོད་ཕུན་སུམ་ཚོགས་པ་རྒྱ་ཆེན་པོས་ངང་དེས་པ་མ་ཉམས་པར་དགེ་སྦྱོང་དང་བྲམ་ཟེའི་གན་དུ་བྱོན་པ་ལེགས་སོ། །རྒྱལ་པོ་
D146.057.0099a07.01