完整藏文原文 · 德格版页 当前仅加载第 57 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱུ་མཆོག་གི་གནས་སུ་དམ་འཆའ་ཞིང་འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོག་ལ། ཚངས་པའི་འཁོར་ལོ་དགེ་སྦྱོང་ངམ། བྲམ་ཟེ་འམ། གཞན་སུ་ཡང་རུང་བས་ཆོས་དང་འཐུན་པར་འཇིག་རྟེན་དུ་མ་བསྐོར་བ་བསྐོར་བར་མཛད་པ་སྟེ། རྒྱལ་པོ་ཆེན་པོ་འདི་དག་ནི་དེ་
D146.057.0127b01.01བཞིན་གཤེགས་པའི་མི་འཇིགས་པ་བཞི་སྟེ། དེ་དག་དང་ལྡན་པའི་དེ་བཞིན་གཤེགས་པ་ནི་འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོག་སྟེ། དེའི་སླད་དུ་དེ་ལ་སྐྱོན་མ་མཆིས་ལགས་སོ། །དེ་ལ་འདི་སྐད་ཅེས་བགྱི་སྟེ། ང་དང་མཚུངས་པའི་སེམས་ཅན་ནི། །འགའ་མེད་
D146.057.0127b02.01ལྷག་པ་ག་ལ་ཞེས། །མི་ཡི་འདྲེན་པ་འཁོར་ནང་དུ། །སེང་གེའི་སྒྲ་ནི་སྒྲོག་པར་མཛད། །ང་ཡི་ཆོས་རྣམས་སངས་རྒྱས་པ། །དེ་དག་ཡང་དག་གཞན་དུ་མིན། །དེ་གཟིགས་རྫོགས་པའི་སངས་རྒྱས་དེ། །བསྙེངས་པ་མི་མངའ་སེང་གེ་བཞིན། །ལ་ལ་དེ་ལ་རྒོལ་འགྱུར་བའི། །
D146.057.0127b03.01རྒྱུ་ནི་ཡང་དག་མི་གཟིགས་ཏེ། །རྒྱུ་ཡང་གཟིགས་པར་མ་གྱུར་པས། །འདྲེན་པ་བསྙེངས་པ་མི་མངའ་སྒྲོག །ཟག་པ་ཐམས་ཅད་ཟད་གྱུར་ཏེ། །ང་ཡི་སྐུ་ལ་ཟག་པ་མེད། །དེ་ཕྱིར་ལྷར་བཅས་འཇིག་རྟེན་ན། །ང་དང་མཚུངས་པ་གང་ཡང་མེད། །བར་དུ་གཅོད་པའི་ཆོས་
D146.057.0127b04.01གང་དག །སྐྱེ་བོ་རྣམས་ལ་ངས་བསྟན་པ། །དེ་ཀུན་ཡང་དག་ཉིད་དུ་སྨྲས། །གཞན་དུ་འགྱུར་བ་ཡོད་མ་ཡིན། །ངེས་པར་འབྱིན་པའི་ཆོས་གང་དག །ངས་སངས་རྒྱས་ནས་རབ་བསྟན་པ། །ཆོས་རྣམས་དེ་དག་བསྟེན་བྱས་ནས། །བར་དུ་གཅོད་པར་འགྱུར་བ་མེད། །དེ་
D146.057.0127b05.01འདྲ་དཔའ་བོ་ཆེན་པོས་མཁྱེན། །དེ་བཞིན་གཤེགས་པས་བདེ་བརྙེས་པས། །འཇིགས་མེད་བདེ་བ་བརྙེས་གྱུར་ཏེ། །ཐུབ་པ་བསྙེངས་པ་མི་མངར་བཞུགས། །སུས་ཀྱང་བསྐོར་བར་མ་གྱུར་པའི། །ཚངས་པའི་འཁོར་ལོ་རབ་ཏུ་སྐོར། །རྐང་གཉིས་དམ་པ་མ་གཏོགས་པར། །
D146.057.0127b06.01འཇིག་རྟེན་དག་ན་སྐོར་མི་ནུས། །རྒྱལ་པོ་ཆེན་པོ་ཡང་དགེ་སྦྱོང་གཽ་ཏ་མ་དེ་ནི་སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་པོ་འདི་དག་དང་ལྡན་པའོ། །སྨྲས་པ། བྲམ་ཟེ་ཆེན་པོ་དགེ་སྦྱོང་གཽ་ཏ་མའི་སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་པོ་དེ་དག་གང་ཡིན། སྨྲས་པ། རྒྱལ་པོ་ཆེན་པོ་དེ་ལ་
D146.057.0127b07.01