完整藏文原文 · 德格版页 当前仅加载第 57 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ཡོངས་སུ་སྨིན་པར་བྱེད་པའི་དུས་དང་ཚོད་ལས་མི་འདའ་བའོ། །དེ་སྐད་ཅེས་སྨྲས་པ་དང་། གཅེར་བུ་པའི་བུ་བདེན་སྨྲས། རྒྱལ་པོ་གཏུམ་པོ་རབ་སྣང་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་དེ་དེ་བཞིན་ཏེ། བྱང་ཆུབ་སེམས་དཔའ་རྣམས་ཀྱི་སྤྱོད་ལམ་ནི་གང་
D146.057.0129a01.01ཡང་རུང་སེམས་ཅན་འདུལ་བར་མི་འགྱུར་བ་དེ་གང་ཡང་མ་མཆིས་སོ། །ཆོས་བསྟན་པ་གང་ཡང་རུང་ཐེག་པ་ཆེན་པོ་དང་མི་འཐུན་པ་དེ་གང་ཡང་མ་མཆིས་སོ། །ཐམས་ཅད་མཁྱེན་པའི་ཡེ་ཤེས་ཡང་དག་པར་མི་སྒྲུབ་པ་དེ་ལྟ་བུ་མ་མཆིས་སོ། །ཉོན་མོངས་པ་ཐམས་ཅད་ཟད་པར་
D146.057.0129a02.01མི་བགྱིད་པ་དེ་ལྟ་བུ་མ་མཆིས་སོ། །འཁོར་བའི་ཉེས་པ་མི་སྟོན་པ་དེ་ལྟ་བུ་མ་མཆིས་སོ། །མྱ་ངན་ལས་འདས་པ་མི་སྒྲུབ་པ་དེ་ལྟ་བུ་མ་མཆིས་སོ། །བྱང་ཆུབ་སེམས་དཔའི་སྤྱོད་པ་དང་མི་འཐུན་པ་དེ་ལྟ་བུ་མ་མཆིས་སོ། །རྒྱལ་པོ་ཆེན་པོ་བྱང་ཆུབ་སེམས་དཔའི་རྩོམ་པ་ཐམས་ཅད་ནི་
D146.057.0129a03.01བདག་གི་དོན་དང་གཞན་གྱི་དོན་དང་གཉིས་ཀའི་དོན་ཡོངས་སུ་གྲུབ་པར་བགྱིད་པའོ། །གཅེར་བུ་པའི་བུ་བདེན་སྨྲས་བསྟན་པ་འདི་བཤད་པའི་ཚེ། རྒྱལ་པོ་གཏུམ་པོ་རབ་སྣང་གིས་ཕྱིར་མི་ཟློག་པའི་དད་པ་ཐོབ་པར་གྱུར་ཏོ། །རྒྱལ་བུ་གཞོན་ནུ་བཅུ་དྲུག་གིས་དགའ་བའི་ཤུགས་ཀྱི་
D146.057.0129a04.01ཡུལ་ཞེས་བྱ་བའི་དད་པ་ཐོབ་པར་གྱུར་ཏོ། །ལྷའི་བུ་ཁྲི་བརྒྱད་སྟོང་གིས་སངས་རྒྱས་ཀྱི་རྒྱན་བཀོད་པ་ཞེས་བྱ་བའི་ཏིང་ངེ་འཛིན་ཐོབ་པར་གྱུར་ཏོ། །རྒྱལ་པོའི་ཕོ་བྲང་དེའི་མི་དང་། གཅེར་བུ་པའི་བུ་འཁོར་དེའི་ནང་ནས་མི་ཁྲི་སུམ་སྟོང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་
D146.057.0129a05.01སྐྱེས་པར་གྱུར་ཏེ། དེ་དག་ཐམས་ཅད་ཀྱིས་རང་རང་གི་གོས་གཅེར་བུ་པའི་བུ་བདེན་སྨྲ་ལ་ཆོས་ཀྱིས་དགབ་པའི་ཕྱིར་བསྐོན་ཏེ་འདི་སྐད་ཀྱི་ཚིག་ཀྱང་བརྗོད་པར་གྱུར་ཏེ། བདག་ཅག་གིས་འདི་ལྟར་རིགས་ཀྱི་བུ་བདེན་སྨྲ་མཐོང་ཞིང་རྗེས་སུ་འཐུན་པའི་ཆོས་བསྟན་པ་འདི་ཐོས་པ་ནི་བདག་ཅག་
D146.057.0129a06.01གི་རྙེད་པ་ལེགས་པར་རྙེད་དོ་ཞེས་བརྗོད་ནས་འདི་སྐད་ཀྱི་ཚིག་ཀྱང་སྨྲས་ཏེ། བདེན་སྨྲ་ཚུར་སྤྱོན་ད་བཅོམ་ལྡན་འདས་དེ་བལྟ་བ་དང་། དེ་ལ་ཕྱག་བྱ་བ་དང་། བསྙེན་བཀུར་བྱ་བའི་ཕྱིར་བཞུད་དོ། །དེ་བཞིན་གཤེགས་པ་དེ་ནི་བདག་ཅག་ཉིད་ཀྱི་སྐྱེད་མོས་ཚལ་ན་བཞུགས་སོ། །བདེན་སྨྲས་སྨྲས་པ་
D146.057.0129a07.01