完整藏文原文 · 德格版页 当前仅加载第 57 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱང་བར་བྱ། །དེ་ནི་ཚུལ་ཁྲིམས་མཆོག་ཅེས་འཕགས་པས་གསུངས། །ཡོན་ཏན་དེ་དག་ཐོབ་པར་གང་འདོད་ཅིང་། །བྱང་ཆུབ་སེམས་དཔའ་བྱང་ཆུབ་མཆོག་འདོད་པ། །དེས་ན་ཚུལ་ཁྲིམས་གཡག་རྔ་བཞིན་བསྲུངས་ན། །ཡོན་ཏན་ཐམས་ཅད་མཁས་
D146.057.0090a01.01པས་མྱུར་དུ་འཐོབ། །རིགས་ཀྱི་བུ་གཞན་ཡང་ཆོས་དེ་ལྟ་བུ་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོས་རྣམ་པ་བཅུ་གཉིས་ཀྱིས་བཟོད་པ་བསྒོམ་པར་བྱའོ། །བཅུ་གཉིས་པོ་དག་གང་ཞེ་ན། འདི་ལྟ་སྟེ། འདུ་བྱེད་ཐམས་ཅད་སྐད་ཅིག་པའོ་ཞེས་བཟོད་པ་
D146.057.0090a02.01བསྒོམ་པར་བྱ་བ་དང་། བདག་མི་དམིགས་པར་བྱ་བའི་ཕྱིར་བཟོད་པ་བསྒོམ་པར་བྱ་བ་དང་། བདག་དང་གཞན་ཡོངས་སུ་བསྲུང་བའི་ཕྱིར་བཟོད་པ་བསྒོམ་པར་བྱ་བ་དང་། འཁྲུག་པ་གཏན་མེད་པར་བྱ་བའི་ཕྱིར་བཟོད་པ་བསྒོམ་པར་བྱ་བ་དང་། བག་ལ་ཉལ་དང་ཀུན་ནས་
D146.057.0090a03.01དཀྲིས་པ་རྣམ་པར་བསལ་བའི་ཕྱིར་བཟོད་པ་བསྒོམ་པར་བྱ་བ་དང་། རྗེས་སུ་ཆགས་པ་དང་ཁོང་ཁྲོ་བ་སྤང་བའི་ཕྱིར་བཟོད་པ་བསྒོམ་པར་བྱ་བ་དང་། མཚན་དང་དཔེ་བྱད་བཟང་པོ་ཡོངས་སུ་བསྒྲུབ་པའི་ཕྱིར་བཟོད་པ་བསྒོམ་པར་བྱ་བ་དང་། ཚངས་པའི་འཇིག་རྟེན་དུ་སྐྱེ་བ་ཐོབ་པར་
D146.057.0090a04.01བྱ་བའི་ཕྱིར་བཟོད་པ་བསྒོམ་པར་བྱ་བ་དང་། གཞན་གྱི་གནོད་པ་ཐམས་ཅད་ལས་ཡང་དག་པར་འདའ་བར་བྱ་བའི་ཕྱིར་བཟོད་པ་བསྒོམ་པར་བྱ་བ་དང་། ཟད་པ་ཤེས་པ་དང་མི་སྐྱེ་བ་ཤེས་པ་ཐོབ་པར་བྱ་བའི་ཕྱིར་བཟོད་པ་བསྒོམ་པར་བྱ་བ་དང་། བདུད་ཀྱི་ཡུལ་ཐམས་ཅད་ལས་
D146.057.0090a05.01ཡང་དག་པར་འདའ་བར་བྱ་བའི་ཕྱིར་བཟོད་པ་བསྒོམ་པར་བྱ་བ་དང་། དེ་བཞིན་གཤེགས་པའི་སྐུ་ཚད་མེད་པ་ཡང་དག་པར་མཐོང་བས་བཟོད་པ་བསྒོམ་པར་བྱ་བ་སྟེ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་རྣམ་པ་བཅུ་གཉིས་པོ་དེ་དག་གིས་བཟོད་པ་
D146.057.0090a06.01བསྒོམ་པར་བྱ་སྟེ། བཟོད་པ་དེ་ཡང་ཐམས་ཅད་མཁྱེན་པ་ཉིད་དུ་ཡོངས་སུ་བསྔོ་བར་བྱའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཀྱེ་མ་ཆོས་རྣམས་སྐད་ཅིག་ཡ་མ་བརླ། །དེ་ལ་ནམས་ཀྱང་སེམས་ཅན་རྙེད་མི་འགྱུར། །
D146.057.0090a07.01