完整藏文原文 · 德格版页 当前仅加载第 57 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་གང་ལ་ལ་མཛངས་ཤིང་མཁས་ལ་བརྟགས་ཤིང་ཡིད་གཞུངས་པར་གྱུར་པ་ཡིན་ལ། དེ་ཡང་སྐྱོན་དང་བཅས་པར་གྱུར་པ་གཞན་ཡང་ཡོད་དམ། སྨྲས་པ། རྒྱལ་པོ་ཆེན་པོ་མཆིས་སོ། །སྨྲས་པ། བྲམ་ཟེ་དེ་གང་། སྨྲས་པ། རྒྱལ་པོ་ཆེན་
D146.057.0117a01.01པོ་ཡུལ་ཀོ་ས་ལའི་རྒྱལ་པོ་གསལ་རྒྱལ་འདི་ནི་མཛངས་ཤིང་མཁས་ལ་བརྟགས་ཤིང་ཡིད་གཞུངས་པར་གྱུར་པ་ལགས་ན་དེ་ཡང་སྐྱོན་དང་བཅས་པ་ལགས་སོ། །སྨྲས་པ། བྲམ་ཟེ་ཡུལ་ཀོ་ས་ལའི་རྒྱལ་པོ་གསལ་རྒྱལ་གྱི་སྐྱོན་གང་། སྨྲས་པ། རྒྱལ་པོ་ཆེན་པོ་
D146.057.0117a02.01ཡུལ་ཀོ་ས་ལའི་རྒྱལ་པོ་གསལ་རྒྱལ་ནི་ཤིན་ཏུ་མང་དུ་ཟ་བ་སྟེ། རྒྱལ་པོ་ཆེན་པོ་མཁས་པས་ནི་ཤིན་ཏུ་མང་དུ་ཟ་བར་མི་བགྱིའོ། །དེ་ཅིའི་སླད་དུ་ཞེ་ན། རྒྱལ་པོ་ཆེན་པོ་ཤིན་ཏུ་མང་དུ་ཟ་བ་ནི་ལེ་ལོ་ཅན་དུ་འགྱུར། ལུས་ལྕི་བར་འགྱུར་དེའི་ཁ་ཟས་བདེ་བར་འཇུ་བར་མི་འགྱུར།
D146.057.0117a03.01ཚེ་འདི་དང་ཕ་རོལ་གྱི་དོན་རྣམས་ཀྱང་ཡོངས་སུ་འགྲིབ་པར་འགྱུར་བའི་སླད་དུའོ། །དེ་ལ་འདི་སྐད་ཅེས་བགྱི་སྟེ། སྐྱེས་བུ་གང་ཞིག་མང་ཟ་བ། །དེ་ནི་ལུས་ལྕི་ལེ་ལོ་ཅན། །འདི་དང་ཕ་རོལ་ཚེ་ཡི་དོན། །ངེས་པར་རབ་ཏུ་འགྲིབ་པར་འགྱུར། །དེ་ནི་སད་ནའང་སྡུག་བསྔལ་ཏེ།
D146.057.0117a04.01ཉལ་ནའང་སྡུག་བསྔལ་གཞན་གནོད་བགྱིད། །དེ་བས་ཕན་དང་རན་པར་བཟའ། །ཟས་ཀྱི་དུས་ནི་ངེས་པར་བགྱི། །སྨྲས་པ། བྲམ་ཟེ་སེམས་ཅན་གྱི་རིས་ཀྱི་འཇིག་རྟེན་འདི་ན་སེམས་ཅན་གང་ལ་ལ་མཛངས་ཤིང་མཁས་ལ་བརྟགས་ཤིང་ཡིད་གཞུངས་པར་གྱུར་པ་ཡིན་ལ། དེ་
D146.057.0117a05.01ཡང་སྐྱོན་དང་བཅས་པར་གྱུར་པ་གཞན་ཡང་ཡོད་དམ། སྨྲས་པ། རྒྱལ་པོ་ཆེན་པོ་མཆིས་སོ། །སྨྲས་པ། བྲམ་ཟེ་དེ་གང་། སྨྲས་པ། རྒྱལ་པོ་ཆེན་པོ་ཁྱོད་ཀྱང་མཛངས་ཤིང་མཁས་ལ་བརྟགས་ཤིང་ཡིད་གཞུངས་ལ་མོས་པ་ཆེ་ཞིང་འཇིགས་པ་མ་མཆིས་ལ་གཏོང་
D146.057.0117a06.01བ་དང་ལྡན་ཞིང་ཐུགས་སྟོབས་ཕུན་སུམ་ཚོགས་པ་ལགས་ན། ཁྱོད་ཀྱང་སྐྱོན་དང་བཅས་པ་ལགས་སོ། །སྨྲས་པ། བྲམ་ཟེ་ངའི་སྐྱོན་གང་ཡིན། སྨྲས་པ། རྒྱལ་པོ་ཆེན་པོ་ཁྱོད་ནི་ཤིན་ཏུ་གཏུམ་མོ། །རྒྱལ་པོ་ཆེན་པོ་ཁྱོད་ནི་ཤིན་ཏུ་ཁྲོའོ། །རྒྱལ་པོ་ཆེན་པོ་ཁྱོད་ནི་ཤིན་
D146.057.0117a07.01