完整藏文原文 · 德格版页 当前仅加载第 57 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ལགས་པས་ལོངས་སྤྱོད་ཆུད་མི་གསོན་ན་རྒྱལ་པོས་གཉིས་ཀའི་དོན་བགྱིས་པར་འགྱུར་ཏེ། བདག་གི་དཀོར་འཕེལ་བའི་དོན་དང་། གཞན་རྒུད་པར་འགྱུར་བ་ལས་གཟུང་བའི་དོན་བགྱིས་པར་འགྱུར་རོ། །གལ་ཏེ་མི་དེའི་ལོངས་སྤྱོད་དེ་དག་ཞུགས་ཀྱིས་དྲལ་ཏམ། ཆབ་ཀྱིས་
D146.057.0109a01.01འཚལ་ཏམ། བགོ་སྐལ་ལ་སྤྱོད་པ་མི་མཛའ་བ་དག་གིས་ཕྲོགས་སམ། རྐུན་པོས་བརྐུས་སམ། སྦས་པ་ལས་རུལ་ཏམ། ལོ་ཏོག་སེར་བས་ཁྱེར་རམ། བྱེ་བ་དང་། ནེ་ཙོ་དང་། བྱི་བས་འཚལ་ཏམ། ཆར་མ་བབ་སྟེ་མ་འཁྲུངས་སམ། དེ་དག་ལ་སོགས་པའི་རྣམ་པས་དེའི་ལོངས་སྤྱོད་དག་ཆབ་
D146.057.0109a02.01འཚལ་བར་གྱུར་ན་ཆོས་དང་ལྡན་པའི་རྒྱལ་པོས་ལོངས་སྤྱོད་ཀྱི་རྒྱུ་དཔྱ་འབུལ་བའི་རིགས་པ་ཡངས་པར་གཞག་པའི་རིགས་ཏེ། དེ་ལྟར་མ་བགྱིས་ན། དེ་མ་བསྐྱངས་པའི་སླད་དུ་ཁ་ན་མ་ཐོ་བར་འགྱུར་ལགས་སོ། །རྒྱལ་པོ་ཆེན་པོ་འདི་ལྟ་སྟེ། དཔེར་བགྱི་ན་སྐྱེས་བུ་ལ་ལ་ཞིག་གིས་
D146.057.0109a03.01སློང་བའི་དགེ་སྦྱོང་དང་བྲམ་ཟེ་དག་གཅིག་ཟས་ལ་བོས་པ་ལས། དེ་ནས་དེའི་དུས་ལ་བབ་པ་དང་། ཟས་སྦྱར་སྦྱར་བ་དེ་ཆབ་འཚལ་བར་གྱུར་ཏེ། མི་གཙང་བའི་ནང་དུ་ལྷུང་ངམ། ཞུགས་ཀྱིས་དྲལ་ཏམ། གསེག་མ་དང་། རྡུལ་དང་། ཆར་པས་ཆབ་འཚལ་བར་གྱུར་ཏམ། རྐུན་པོས་
D146.057.0109a04.01འཚལ་བ་ཞིག་ཏུ་གྱུར་ཏེ། དེས་དེའི་སླད་དུ་དེའི་དུས་སུ་མཆིས་པའི་དགེ་སྦྱོང་དང་བྲམ་ཟེ་དག་ཟས་མ་སྩལ་ན། དེ་ནི་དེ་ལྟར་བཟར་མི་རུང་བའམ། བཟར་མ་མཆིས་པར་གྱུར་ཏེ། དགེ་སྦྱོང་དང་། བྲམ་ཟེ་ལ་དབུལ་བར་དགའ་ཡང་ཆ་མ་ལགས་པར་འགྱུར་བས། དེ་ལྟར་མ་སྩལ་བའི་
D146.057.0109a05.01སླད་དུ་ཁ་ན་མ་ཐོ་བ་དང་བཅས་པར་མི་འགྱུར་ཏེ། རྒྱལ་པོ་ཆེན་པོ་དེ་ཡང་། ཚུལ་འདི་འདྲ་བར་གཟིགས་པར་བགྱིའོ། །སྨྲས་པ། བྲམ་ཟེ་དེ་ལྟར་བག་ཡོད་ཅིང་སྙིང་རྗེ་དང་ལྡན་པའི་ཆོས་ཀྱི་རྒྱལ་པོ་དེ་ལྟ་བུ་ཡན་ལག་དུ་ཞིག་གིས་རྣམ་པ་ཐམས་ཅད་ཡོངས་སུ་རྫོགས་པའི་རྒྱལ་པོའི་
D146.057.0109a06.01ཆོས་དང་ལྡན་པར་འགྱུར། སྨྲས་པ། རྒྱལ་པོ་ཆེན་པོ་རྣམ་པ་བཅུས་ཏེ། གནམ་གྱིས་བསྐོས་པ་ཕུན་སུམ་ཚོགས་པ་དང་། འཁོར་སྲུན་པ་དང་། ཤེས་རབ་ཕུན་སུམ་ཚོགས་པ་དང་། བརྩོན་པ་དང་། ཆོས་ལ་གུས་པ་དང་མཁས་པ་དང་། དེས་པ་དང་། འཇིག་རྟེན་གྱི་ཀུན་སྤྱོད་
D146.057.0109a07.01