完整藏文原文 · 德格版页 当前仅加载第 57 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
དབང་ཕྱུག་ཆེན་པོ་དང་ལྡན་ལ། ཧ་ཅང་སྙིང་རྗེ་ཆེས་ན་དེའི་རྒྱལ་སྲིད་ལ་ཆད་པ་མ་མཆིས་པས་མ་རུངས་པ་མང་པོས་འཁྲུག་པར་འགྱུར་ཞིང་ཆོམ་རྐུན་གྱི་གནོད་པ་མང་པོ་ཡང་མི་ཟློགས་པར་འགྱུར་བའི་སླད་དུའོ། །དེ་ལ་འདི་སྐད་ཅེས་བགྱི་སྟེ། རྒྱལ་པོ་ཧ་ཅང་སྙིང་རྗེ་ན། །མ་རུངས་
D146.057.0115b01.01པ་དང་བཀྲབས་པ་དང་། །རྐུན་པོས་རྒྱལ་སྲིད་འཁྲུག་ཅིང་སྐྱོ། །རྒྱལ་པོས་རྟག་ཏུ་ཤེས་གུས་བརྩོན། །དེ་བས་ས་ཡི་བདག་པོ་ཡིས། །སྐྱོན་དེ་མཐོང་ནས་སྤང་བགྱི་སྟེ། །ཧ་ཅང་སྙིང་རྗེར་མི་བགྱིའོ། །ཉམ་ཐག་སྲོག་ཆགས་སྙིང་རྗེའང་བགྱིད། །སྨྲས་པ། བྲམ་ཟེ་སེམས་
D146.057.0115b02.01ཅན་གྱི་རིས་ཀྱི་འཇིག་རྟེན་འདི་ན་སེམས་ཅན་གང་ལ་ལ་མཛངས་ཤིང་མཁས་ལ་བརྟགས་ཤིང་ཡིད་གཞུངས་པར་གྱུར་པ་ཡིན་ལ། དེ་ལ་སྐྱོན་དང་བཅས་པར་གྱུར་པ་གཞན་ཡང་ཡོད་དམ། སྨྲས་པ། རྒྱལ་པོ་ཆེན་པོ་མཆིས་སོ། །སྨྲས་པ། བྲམ་ཟེ་དེ་གང་། སྨྲས་
D146.057.0115b03.01པ། རྒྱལ་པོ་ཆེན་པོ་རྒྱལ་བུ་གཞོན་ནུ་སྟོབས་ལྷ་འདི་ནི་མཛངས་ཤིང་མཁས་ལ་བརྟགས་ཤིང་ཡིད་གཞུངས་པར་གྱུར་པ་ལགས་ན། དེ་ཡང་སྐྱོན་དང་བཅས་པ་ལགས་སོ། །སྨྲས་པ། བྲམ་ཟེ་རྒྱལ་བུ་གཞོན་ནུ་སྟོབས་ལྷའི་སྐྱོན་གང་། སྨྲས་པ། རྒྱལ་པོ་ཆེན་པོ་རྒྱལ་བུ་གཞོན་
D146.057.0115b04.01ནུ་སྟོབས་ལྷ་ནི་ཤིན་ཏུ་ཆང་ལ་ཆགས་པ་སྟེ། རྒྱལ་པོ་ཆེན་པོ་མཁས་པས་ནི་ཤིན་ཏུ་ཆང་ལ་ཆགས་པར་མི་བགྱིའོ། །དེ་ཅིའི་སླད་དུ་ཞེ་ན། རྒྱལ་པོ་ཆེན་པོ་ཆང་གི་བཏུང་བ་ནི་དྲན་པ་ཡོངས་སུ་ཉམས་པར་འགྱུར་བའི་རྒྱུ་སྟེ། ཡན་ལག་དམ་པའི་བགེགས་སུ་འགྱུར་ཞིང་འཇིག་
D146.057.0115b05.01རྟེན་པ་དང་། འཇིག་རྟེན་ལས་འདས་པའི་དོན་ཆེན་པོ་རྣམས་འགྲིབ་པར་འགྱུར་བའི་སླད་དུའོ། །དེ་ལ་འདི་སྐད་ཅེས་བགྱི་སྟེ། ཆང་དགའ་དགོས་པ་ཐམས་ཅད་ལ། །རྟག་ཏུ་བག་མེད་སྤྱོད་པར་འགྱུར། །མཁས་པ་རྣམས་ཀྱིས་སྨད་འགྱུར་ཞིང་། འདི་དག་གཞན་དུ་རྣམས་
D146.057.0115b06.01པར་རྨོངས། །དེ་བས་སྐྱེས་བུ་མཁས་པ་ཡིས། །ཆང་ལ་དགའ་བ་སྤང་བར་བགྱི། །དེ་ནི་ཡོན་ཏན་འགྲིབ་པར་བགྱིད། །གཞན་དུའང་སྨྱོན་པར་བགྱིད་པ་ལགས། སྨྲས་པ། བྲམ་ཟེ་སེམས་ཅན་གྱི་རིས་ཀྱི་འཇིག་རྟེན་འདི་ན་སེམས་ཅན་གང་ལ་ལ་མཛངས་ཤིང་མཁས་ལ་བརྟགས་
D146.057.0115b07.01