完整藏文原文 · 德格版页 当前仅加载第 57 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲུས་བརྩམ་པར་བྱ་བ་དང་། ཕྱི་མའི་མཐའི་མུར་ཐུག་པའི་བསྐལ་པར་སེམས་ཅན་གྱི་དོན་དུ་སྤྱོད་པ་སྤྱད་པས་ཡོངས་སུ་མི་སྐྱོ་བའི་རྟུལ་བས་བརྩོན་འགྲུས་བརྩམ་པར་བྱ་བ་དང་། སྐད་ཅིག་གཅིག་གིས་འཇིག་རྟེན་གྱི་ཁམས་ཐམས་ཅད་དུ་འགྲོ་བའི་རྟུལ་
D146.057.0091a01.01བས་བརྩོན་འགྲུས་བརྩམ་པར་བྱ་བ་དང་། སངས་རྒྱས་ཀྱི་ཞིང་ཐམས་ཅད་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་ཞིང་ཆོས་ཀྱི་འཁོར་ལོ་བསྐོར་བའི་རྟུལ་བས་བརྩོན་འགྲུས་བརྩམ་པར་བྱ་བ་སྟེ། རིགས་ཀྱི་བུ་རྟུལ་བ་བཅུ་གཉིས་
D146.057.0091a02.01པོ་དེ་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོས་བརྩོན་འགྲུས་བརྩམ་པར་བྱ་སྟེ། བརྩོན་འགྲུས་དེ་ཡང་ཐམས་ཅད་མཁྱེན་པ་ཉིད་དུ་ཡོངས་སུ་བསྔོ་བར་བྱའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །དྲང་སྲོང་
D146.057.0091a03.01སྲས་པོ་གང་དག་བྱང་ཆུབ་མཆོག་འདོད་པ། །ཁྱུ་མཆོག་དེ་དག་རྣམས་ཀྱི་བརྩོན་འགྲུས་མ་ཞུམ་མཆོག །དེ་དག་སངས་རྒྱས་ཞིང་ནི་བརྒྱར་ཡང་འགྲོ་བར་བྱེད། །དེ་དག་ཡུན་རིང་སྤྱད་པ་སྤྱོད་ཀྱང་སྐྱོ་བ་མེད། །སེམས་ཅན་ཡོངས་སུ་སྨིན་པར་བྱ་ཕྱིར་བརྩོན་འགྲུས་ཅན། །
D146.057.0091a04.01དེ་དག་བསྐལ་པ་བརྒྱ་ཕྲག་མང་པོར་སྡུག་བསྔལ་བཟོད། །སྐྱེ་བོ་སྡུག་བསྔལ་དཔག་མེད་ཞི་བདེ་སྦྱིན་འདོད་པ། །ལེ་ལོ་མེད་པ་དེ་དག་བརྩོན་འགྲུས་མི་ཉམས་འདོད། །ཞིང་ཀུན་རྣམ་པར་སྦྱོང་བར་བདག་ནི་སྨོན་ལམ་འདེབས། །ཆོས་རྣམས་འདི་དག་ཐམས་ཅད་རྣམ་པ་ཀུན་
D146.057.0091a05.01རྟོགས་བྱ། །ཞིང་བརྒྱ་ཀུན་ཏུ་ཆོས་ཀྱི་འཁོར་ལོ་བསྐོར་བར་བྱ། །ཐེག་པ་མཆོག་ལ་བདག་གིས་སེམས་ཅན་བྱེ་བ་གདུལ། །ཤིན་ཏུ་རྒྱ་ཆེན་ཞིང་རྣམས་སྤྲུལ་པ་བྱས་ནས་སུ། །སེམས་ཀྱི་སྐད་ཅིག་གཅིག་ལ་བྱང་ཆུབ་མཆོག་འཚང་རྒྱ། །རྒྱལ་བའི་སྲས་པོ་བརྩོན་འགྲུས་ཕ་
D146.057.0091a06.01རོལ་དོང་བ་དག །སེམས་ཅན་དོན་དུ་རྣམ་པར་འཕྲུལ་པ་འདི་ན་སྟོན། །རིགས་ཀྱི་བུ་བྱང་ཆུབ་སེམས་དཔས་རྣམ་པ་བཅུ་གཉིས་ཀྱིས་བསམ་གཏན་རྣམས་བསྒོམ་པར་བྱའོ། །བཅུ་གཉིས་པོ་དེ་དག་གང་ཞེ་ན། འདི་ལྟ་སྟེ། ཤིན་ཏུ་མི་འཁྲུགས་པའི་ཕྱིར་ཉོན་མོངས་
D146.057.0091a07.01