完整藏文原文 · 德格版页 当前仅加载第 57 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ཐམས་ཅད་སྒྲོལ་བའི་སེམས་སོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །རྒྱལ་སྲས་གང་དག་སྤྱོད་པ་ལེགས་སྤྱོད་ཅིང་། །དཀར་པོའི་ཆོས་ཀྱིས་བསམ་པ་ཡོངས་དག་ལ། །དགྲ་ལའང་བྱམས་ཤིང་སྙིང་རྗེས་
D146.057.0088a01.01སེམས་བརླན་པ། །དེ་དག་བྱང་ཆུབ་དོན་དུ་སེམས་ཀྱང་སྐྱེ། །གང་དག་སྡིག་གྲོགས་དགྲ་བོ་རྣམ་སྤངས་ཤིང་། །བྱང་ཆུབ་སྟོན་པའི་དགེ་བཤེས་བསྟེན་གྱུར་ཏེ། །བྱང་ཆུབ་ཐེག་པར་སྨོན་ལམ་སྦྱོང་བྱེད་པ། །དེ་དག་བྱང་ཆུབ་དོན་དུ་སེམས་ཀྱང་སྐྱེ། །གང་དག་སྔོན་མཐར་སྤྱད་
D146.057.0088a02.01པ་སྤྱོད་པ་ན། །ནམས་ཀྱང་སྐྱོ་བའི་སེམས་ནི་མི་སྐྱེ་ལ། །རྡོ་རྗེ་ལྟ་བུར་མི་ཟློགས་སེམས་ལྡན་པ། །དེ་དག་བྱང་ཆུབ་དོན་དུ་སེམས་ཀྱང་སྐྱེ། །གང་དག་སྐྱེ་བོ་ཀུན་ལ་བྱམས་སེམས་ལྡན། །སེམས་ཅན་ཐམས་ཅད་བདེ་ལ་སྦྱོར་འདོད་ཅིང་། །སྡིག་པ་ཐམས་ཅད་སྤང་བའི་
D146.057.0088a03.01བསམ་པ་ཅན། །དེ་དག་བྱང་ཆུབ་དོན་དུ་སེམས་ཀྱང་སྐྱེ། །ཐེག་པ་གཞན་གྱི་ཡོན་ཏན་མི་འདོད་ཅིང་། །བྱང་ཆུབ་རྒྱ་ཆེན་ཡོན་ཏན་མཆོག་སེམས་ཤིང་། །རྣམ་དག་ཉོན་མོངས་མེད་པའི་སེམས་ལྡན་པ། །དེ་དག་བྱང་ཆུབ་དོན་དུ་སེམས་ཀྱང་སྐྱེ། །སྲིད་པ་ཞི་བ་གང་
D146.057.0088a04.01ལ་ཡང་དག་ཏུ། །སྐད་ཅིག་ཙམ་ཡང་ཡོད་མེད་རྟོག་མེད་ཅིང་། །མེ་ལོང་གདོང་ལྟར་འགྲོ་བ་ཀུན་ལྟ་བ། །འདི་ནི་ཡང་དག་ཏུ་ན་བྱང་ཆུབ་སེམས། །ཉོན་མོངས་སྐྱོན་གྱི་རྡུལ་རྣམས་རྣམ་སྤངས་ཤིང་། །དྲི་མེད་ནམ་མཁའ་ལྟ་བུར་རྣམ་མཛེས་ལ། །ཚིག་ལམ་ངེས་ཚིག་ཐམས་
D146.057.0088a05.01ཅད་མཐོང་དགའ་བ། །འདི་ནི་བཟང་པོའི་བྱང་ཆུབ་སེམས་ཞེས་བྱ། །གཟུངས་དང་སོ་སོ་རིག་དང་སྤྱོད་མཆོག་གི། །རྩ་བ་འདི་ཡིན་མཚན་གྱི་འབྱུང་གནས་ཏེ། །དཔེ་བྱད་བཟང་པོ་འབར་བ་ལུས་ཀྱི་རྒྱུ། །སངས་རྒྱས་ཡོན་ཏན་ཀུན་གྱི་རིགས་སུ་གནས། །གླེང་གཞིའི་ལེའུ་སྟེ་
D146.057.0088a06.01དང་པོའོ།། །།འཇམ་དཔལ་ཡོན་ཏན་གྱི་ཆོས་དེ་ལྟ་བུ་ལ་གནས་པའི་བྱང་ཆུབ་སེམས་དཔའ་ཡོན་ཏན་གྱི་ཕན་ཡོན་བཅུ་གཉིས་ཡང་དག་པར་མཐོང་བ་དེས་སྦྱིན་པའི་ཕ་རོལ་ཏུ་ཕྱིན་པ་ལ་སྦྱར་བར་བྱའོ། །བཅུ་གཉིས་པོ་དག་གང་ཞེ་ན། འདི་ལྟ་སྟེ། བྱང་ཆུབ་ཀྱི་སེམས་
D146.057.0088a07.01